Día da ciencia na rúa

O mércores 29 de maio, o alumnado do Club de Ciencia participou, con dous obradoiros, na II Xornada da Ciencia na Rúa, levada a cabo en Cee. Nestes obradoiros, un de instrumentos musicais e outro de cosmética natural os membros de 1º e 2º da ESO mostráronlle ao resto da comunidade educativa da contorna como crear xilófonos, maracas e paus de chuvia, con material reciclado; mentres que o estudantado de 3º e 4º elaborou in situ cremas hidratantes e bálsamos labiais con ingredientes exclusivamente naturais.

Así mesmo, tivemos a oportunidade de ver iniciativas moi interesantes realizadas noutros centros como reloxos de sol, campos magnéticos, pasta de dentes para elefantes...

Esperamos repetir para o ano que vén.