Estudios Estatísticos 

Matemáticas 1º Bacharelato | Xuño 2025

Analizados polo alumnado de 1º bacharelato os datos de varias estacións meteorolóxicas, realizaron os informes que se anexan cuxas conclusións son as seguintes:

1. Tendencia das temperaturas

• As estacións mostran unha estabilidade xeral nas temperaturas máximas e mínimas durante os anos estudiados, con lixeiros aumentos nalgúns casos, especialmente en zonas interiores como Ourense. 

• O aumento de temperaturas é máis pronunciado no interior que na costa, reflexando a maior variabilidade térmica das zonas continentais.

2. Precipitacións: variabilidade e cambios

• As precipitacións presentan maior variabilidade interanual e espacial que as temperaturas. Nalgunhas estacións, como Corón, obsérvase un aumento significativo na media e na variabilidade das precipitacións en 2024 respecto ao 2008, así como un desprazamento dos meses máis chuviosos.

3. Relación entre temperatura e precipitación

• A análise estatística revela que a relación entre as temperaturas máximas e as precipitacións máximas é débil ou case inexistente na maioría das estacións e anos estudiados. Isto indica que os episodios de calor non están necesariamente asociados aos de chuvias intensas nestas rexións, reflexando a complexidade do clima local e a posible influencia doutros factores atmosféricos.

4. Variabilidade e extremos

• As estacións interiores (coma Ourense) amosan maior amplitude térmica e valores máis extremos, mentres que as costeiras (como Vigo ou Sanxenxo) presentan condicións máis moderadas e estables, en liña coa influencia moderadora do mar.

• Obsérvase que os valores extremos de precipitación poden variar notablemente dun ano a outro.

En síntese, os informes reflexan un clima caracterizado por temperaturas relativamente estables pero cunha tendencia á alza a largo prazo, especialmente no interior, e unha alta variabilidade nas precipitacións, con posibles cambios na estacionalidade das choivas. A relación entre temperatura e precipitación é débil, e o clima costeiro é más moderado que o interior.