Embedded Files
Elsa Buiese e nassè a Sarsêt tal 1926. E frecuentà la scuele elementâr dal paîs e daspò e cjapà il diplome tal Istitût di formazion dai insegnants “Caterina Percoto” a Udin.
La famee e vîf lavorant tai cjamps e di une piçule aziende comerciâl di distilâ il marc de ue par fâ la sgnape e e varès volût che e lavoràs subit ma jê, determinade e supuartade di sô mari e di sô nono, e continuà i siei studis iscrivintsi ae Universitât “Ca’ Foscari “di Vignesie dulà che e si laureà in Leterature e Lenghe francese cuntune tesi su Blaise Pascal. Elsa e sarà une des primis feminis a laureâsi intal so paîs
Daspò de vuere al cjapà part aes ativitâts culturâls dal Circul di culture di Sarsêt ma, coinvolte dai siei studis, e fasè altris sieltis.
In gracie di une borse di studi universitarie, e restarà a Parigji par fâ ricercjis inte Biblioteche Nazionâl e e varâ la pussibilitât di imparâ su lis propuestis dai autôrs leâts al Esistenzialisim.
Frecuentant un cors tignût dal professôr Italo Siciliano sui Simboliscj, e struturà e e slargjà la sô istruzion culturâl.
Tal 1954 e maridà il poete e scritôr Luciano Morandini, un impuartant esponent dal Neorealisim furlan.
Dopo cualchi esperience di insegnament intes scuelis mediis, e tachà a insegnâ Lenghe e Leterature Francese par tancj agns inte scuele superiôr “ G. Marinelli” di Udin.
Cun so om Elsa e frecuentà Paolini, Cerroni Cadoresi, Maniacco, Sibille Sizia, Bartolini e altris che a respirin chel clime di rinovament culturâl ma jê e no fo une protagoniste.
Lis sôs primis composizions poetichis a van indaûr al 1961 ma a saran cjapadis sù e publicadis nome tal 1974.
L’event tragjic dal Taramot dal 1976 la sburtarà a riscuvierzi la Marilenghe e a publicâ poesiis scritis in lenghe furlane e cun peraulis e suns tipics de zone.
La sô formazion i permetarà un ûs rafinât des dôs lenghis e une diference stilistiche e une ricercje de peraule e dai siei significâts che la caraterizaran simpri.
Elsa e sarà une protagoniste intai tart agns ‘70 e dopo intal sô paîs natîf, colaborant intes ativitâts culturâls organizadis dal comun di Martignà e dal grup des feminis.
Cun lis sôs amiis dal DARS (Donna Arte Ricerca Sperimentazione) di Udin e contribuì al lanç e al disvilup di un percors specific di valorizazion de creativitât feminine e al ricognossiment de specificitât des feminis artiscj dal teritori regjonâl.
La cuinte e ultime publicazion e je dal 1987 e e à dentri ancje incisions de artiste Nevia Benes.
Elsa nus à lassât tal 1987 e cumò e polse tal cimitieri di Sante Margarite dal Grugno. Su la piere tombâl, sot dal so non, e compâr la peraule che le caraterize: poete.
La Biblioteche civiche di Martignà vuê e puarte il non di Elsa Buiese, in so onôr.
( voltade dal articul https://www.martignaccospazioaperto.it/elsabuiese/ )
La Biblioteche civiche di Martignà vuê e puarte il non di Elsa Buiese, in so onôr.
Villa Ermacora venne edificata dai nobili del Torso nel XVI secolo. Parte della villa fu acquistata dal Comune nel 1926.
Con deliberazione del Consiglio comunale del 28 giugno 1974 venne istituita la biblioteca civica pubblica. il 16 dicembre 1989 la biblioteca venne intitolata ad Elsa Buiese.
Sante Margarite dal Gruagno
Sante Margarite dal Gruagno
Elsa nus à lassât tal 1987 e cumò e polse tal cimitieri di Sante Margarite dal Grugno. Su la piere tombâl, sot dal so non, e compâr la peraule che le caraterize: poete.
Blaise Pascal 1623-1662
Blaise Pascal 1623-1662
Elsa continuà i siei studis iscrivintsi ae Universitât “Ca’ Foscari “di Vignesie dulà che e si laureà in Leterature e Lenghe francese cuntune tesi su Blaise Pascal. Elsa e sarà une des primis feminis a laureâsi intal so paîs
La Bibliothèque Nationale de France, Paris, 1368
La Bibliothèque Nationale de France, Paris, 1368
Page updated
Report abuse