Beth yw adroddiad cynnydd?

Yn dilyn unrhyw weithgaredd monitro, adolygu neu werthuso mae'n bwysig eich bod yn adrodd ar gynnydd. Gall adroddiad cynnydd gyfeirio at:

• safonau dysgwyr

• safonau addysgu

• cynnydd yn erbyn amcanion strategol yn y maes, er enghraifft diwygio cynlluniau gwaith, datblygu systemau/trefniadau newydd ac ati

Pwrpas adroddiad cynnydd yw casglu canfyddiadau eich gweithgarwch monitro, adolygu a gwerthuso er mwyn nodi cryfderau yn ogystal â meysydd i'w datblygu. Pan fyddwch yn ysgrifennu eich adroddiad cynnydd mae'n bwysig eich bod yn cyfeirio'n fanwl at y blaenoriaethau yr ydych wedi penderfynu canolbwyntio arnynt a chyfeirio at y dystiolaeth a welwyd yn ystod eich gweithgaredd monitro sydd wedi llywio eich barn. Mae hefyd yn bwysig eich bod yn ysgrifennu'n arfarnol er mwyn sicrhau bod cryfderau / gwendidau yn gwbl glir.

Ar ddiwedd yr adroddiad byddwch yn nodi argymhellion i ddatblygu'r maes ymhellach. Bydd yr argymhellion hyn yn cael eu hymgorffori yn eich cynllun strategol, a bydd disgwyl i chi fanylu ar y camau sydd eu hangen i gyflawni’r gwelliant dan sylw.