7. og 8. bekkur
Zebra kaka
1/2 dl olía
1 dl sykur
1 egg
3 dl hveiti
2 ½ dl mjólk
1 tsk lyftiduft
1 tsk vanilludropar
¼ tsk salt
Í helminginn af deiginu fara 2 msk kakó
Aðferð:
Stillið ofninn á 190 gráður og blástur.
Hrærið vel saman sykur og egg, í 3-4 mín.
Bætið olíunni saman við og hrærið aftur í 3-4 mín.
Látið allt annað saman við og hrærið vel, deigið á að vera þunnt.
Skiptið deiginu í tvær skálar, hafið aðeins minna af deigi í annariskálinni og hrærið kakóinu og mjólkinni saman við deigið í henni.
Látið deigið til skiptis, eins og sést á myndunum í smurt form
Ef deigið lekur illa út þá þarf að bæta við smá mjólk.
Bakið í 15-20 mínútur.
Uppskrift af elda.baka.wordpress.com
Pizza
3 dl hveiti
1 tsk lyftiduft
1 tsk salt
1 ½ dl VOLGT vatn (volgt til að virkja lyftiduftið!)
1 msk olía
AÐFERÐ:
Setjið öll þurrefnin í hrærivélarskál. Setjið svo vatn og olíu út í og hrærið saman í hrærivél (með deigkrók). Hækkið hraðann örlítið og leyfið deiginu að hnoðast saman í nokkrar mínútur. Ef að deigið er klístrað bætið þá meira hveiti út í.
Skiptið þá deiginu í 2 hluta ef þið viljið gera sér pizzur en ef þið viljið eina stóra saman þá notið þið allt deigið og leggið á ofnplötu með bökunarpappír.
Setjið sósu, ost, skinku og pepperoni á.
Bakið á 200°c í 15-20 mínútur.
Njótið...
Muffins
50 g bráðið smjör
1 dl sykur
1 egg
1 dl mjólk
1 tsk vanilludropar
2 tsk lyftiduft
3 dl hveiti
Saxað súkkulaði
Aðferð:
Hitaðu ofninn í 180 gráður og blástur.
Hrærðu saman smjöri, sykri og eggi.
Bættu öllu öðru saman við og hrærðu vel.
Láttu deigið í pappírsform eða sérstök muffinsform. Athugaðu að láta formin aðeins vera hálf.
Bakaðu í miðjum ofni í 10-15 mín.
Uppskrift af www.eldabaka.wordpress.com
Njótið...
Tómatpastasúpa
1 sneið beikon
1 sneið skinka
1 gulrót
1 hvítlauksrif
1/4 rauðlaukur
1 msk olía
6 dl vatn
1/4 dós saxaðir tómatar
3 msk tómatsósa
1 dl pastaskrúfur
1/2 tsk basil
1/4 tsk steinselja
½ tsk oreganó
1 teningur kjúklingakraftur
smá svartur pipar
Saxið allt grænmetið og skerið beikonið í litla bita.
Hitið olíuna í potti og léttsteikið grænmetið og beikonið, þetta á ekki að brúnast.
Hellið vatninu út í pottinn.
Bætið öllu öðru saman við, látið suðuna koma upp, minnkið hitann og látið súpuna sjóða rólega í 15 mínútur.
Setjið 1 msk af rifnum osti út í súpuna áður en þið borðið hana.
Njótið...
(Uppskrift af www.eldabaka.wordpress.com)
Kryddbrauð
3 dl hveiti
2 dl sykur
3 dl haframjöl
3 dl mjólk
½ tsk engifer
½ tsk negull
1 tsk matarsódi
1 tsk kanill
1 tsk kakó
Örlítið salt
1. Setjið öll hráefnin saman í hrærivélaskál og blandið öllu vel saman.
2. Hellið deiginu í smurt jólakökuform og bakið í 200°c heitum ofni í um 30 mínútur.
Uppskrift af: https://grgs.is/2016/09/27/kryddbraud/
Pastaréttur
Sjóðið í 10 mínútur:
100 gr. Pasta
Steikið:
1- 2 tegundir af kjöti (beikon, pepperoni og pulsur) og 1- 2 tegundir af grænmeti (rauðlaukur og paprika).
Sósa:
Sósan er gerð á pönnunni og öllu blandað saman.
1 væn matskeið af smurosti
1 dl af rjóma
Krydd eftir smekk, aldrei meira en ¼ tsk af hverju.
Pastað er að lokum sett út í pönnuna. Gott er að setja kasjúhnetur út í pastað og fetaost.
Hafragrautur + grautarlummur
Hafragrautur
Ef afgangur er af morgungrautnum er tilvalið að nýta hann í að gera hafragrautslummur. Þær eru bæði hollar og góðar.
½ dl hafragrjón
2 dl vatn
Kveikið á hellu og stillið á 9, þegar að grauturinn byrjar að sjóða þá má lækka hitann í 6-7.
Sjóðið þar til grauturinn er tilbúinn (vatnið horfið). Sumir vilja setja salt á milli fingra út í grautinn. Hrærið reglulega í á meðan.
Grautarlummur
1 dl hveiti
1/2 dl heilhveiti
1 1/2 tsk lyftiduft
1/4 tsk salt
2 msk hunang
1 egg
3/4 dl mjólk
2 msk olía
1 góður dl hafragrautur
Aðferð:
Setjið öll hráefnin í skál og hrærið. Þykkt deigsins er á við súrmjólk. Þeir sem að vilja mega setja 1 tsk af kanil út í deigið, það er mjög gott.
Stillið helluna á 6. Gott er að bræða smjörið á hellunni til að smyrja hana og hella svo í skálina.
Bakið lummurnar þar til að þær verða gullinbrúnar, bakið báðum megin.
Njótið ýmist með smjöri, sírópi, hnetusmjöri eða ávöxtum.
Súkkulaðibitakökur
180°c í 10 mínútur
Setjið í skál:
50 g smjörlíki
40 g sykur
40 g púðursykur
Hræra
1/2 tsk. vanilludropar
1 stk. egg
Hræra
150 g hveiti
1 tsk. matarsódi
¼ tsk.gróft salt
Hræra
70 g dökkt súkkulaði
Hræra
Aðferð:
Setjið smjörið í skál ásamt sykri og púðursykri og hrærið þar til blandan verður ljós og létt. Bætið eggi og vanilludropum saman við og hrærið þar til allt hefur blandast vel saman. Passið ykkur þó að hræra aldrei of mikið svo að kökurnar verði ekki seigar.
Setjið hveiti, matarsóda og salt saman í rauða skál og hrærið saman. Bætið því saman við deigið smátt og smátt í einu og hrærið stuttlega á milli. Hrærið þar til deigið hefur myndað kúlu og alveg sleppt skálinni.
Skerið súkkulaðið gróflega niður og blandið því saman við deigið.
Myndið kúlur úr deiginu og raðið þeim með jöfnu millibili á bökunarplöturnar.
Bakið kökurnar í 10 mínútur eða þar til þær hafa náð gyltum lit og lyft sér vel. Passið ykkur að baka kökurnar alls ekki of lengi því þá verða þær seigar og harðar. Kökurnar eru alveg linar þegar þær koma út ur ofninum. Látið kökurnar kólna í nokkra stund áður en þið takið þær af bökunarplötunum.
Myndirnar sýna kökur frá tólf hópum sem að fóru allir eftir sömu uppskriftinni og leiðbeiningum, sumir mismikið. Tvær mismunandi aðferðir voru svo notaðar við að búa til kökurnar. Það er mjög gaman að sýna krökkunum útkomuna og pæla í af hverju kökurnar eru svona ólíkar en niðurstaðan var sú að þær eru allar jafn gómsætar.
Njótið...
Kjötbollur
Setjið í skál:
150 gr hakk
1 1/2 msk brauðraspur
2 msk rifinn ostur
1 tsk pizzukrydd
½ tsk hvítlaukssalt
¼ tsk svartur pipar
Stillið ofninn á 200°c, blástur
Setjið hakkið í skál og bætið öllu út í. Hrærið vel.
Mótið litlar bollur.
Raðið á plötu með bökunarpappír
Bakið í 10 til 15 mínútur á 200°c.
Hvítlauksbrauð
Smyrjið brauðsneið með hvítlaukssmjöri og setjið inn í ofn í 5 - 10 mínútur á 200°c.
Sósa:
1 tsk BBQ sósa
1 tsk sweet chili sósa
½ tsk rifsberjahlaup
Fyrir þá sem vilja ekki sterkt að bæta 1 tsk af mayonesi við.
Njótið...
Núðlur með grænmeti, skinku og eggjum
Sjóðið núðlurnar eftir leiðbeiningum.
Skerið í litla bita:
Spergilkál (broccoli) eða hvítkál, gulrætur, og skinku.
Steikið grænmetið á pönnu (stillið helluna á 6- 7) (EKKI steikja hvítkálið) þar til það verður mjúkt, það á ekki að brúnast, ca. 7 til 10 mín. Steikið skinkuna í smástund. Takið allt af pönnunni og steikið eitt hrært egg í lokin.
Minnkið hitann í 4. Setjið á pönnuna:
½ - 1 dl vatn
½ msk soyasósa
½ msk hunang
½ msk sesamolía
¼ tsk hvítlaukssalt
Takið vatnið af núðlunum og setjið þær á pönnuna og blandið öllu saman og steikjið í smástund eða þar til að vatnið er að mestu farið. Bætið 1/2 matskeið ca. af kasjúhnetum saman við í lokin og hvítkálinu.
Njótið...
Brauðstangir
Brauðstangir:
250 gr. hveiti
1 tsk lyftiduft
1 tsk salt
1 tsk pizzakrydd
200 gr. VOLGT vatn (volgt til að virkja lyftiduftið!)
1 msk olía
1 msk rifinn ostur
Til penslunar eftir að brauðstangirnar hafa bakast:
2-3 msk smjör, brætt
1/2 tsk sjávarsalt
1/4 tsk pizzakrydd, heitt eða venjulegt
1/4 tsk ítölsk hvítlauksblanda
Aðferð:
Setjið öll þurrefnin í hrærivélarskál. Setjið svo vatn og olíu út í og hrærið saman í hrærivél (með deigkrók). Hækkið hraðann örlítið og leyfið deiginu að hnoðast saman í nokkrar mínútur. Ef að deigið er klístrað bætið þá meira hveiti út í.
Skiptið þá deiginu í 2 hluta. Rúllið hæfilega stórar brauðstangir, ca. 12 stykki í heildina og leggið á ofnplötu með bökunarpappír.
Bakið í um 15 - 20 mín eða þar til brauðstangirnar eru orðnar fallega gylltar. Á meðan þetta er í ofninum þá er blandað saman bræddu smjöri, salti, pizzakryddi og ítölsku kryddi í skál. Þessu er síðan penslað á brauðstangirnar um leið og þær koma út úr ofninum. Notið allt smjörið! Það er langbest.
Bakið á 200°c í 15-20 mínútur.
Gott að dýfa ofan í pizzusósu og enn betra að setja smá parmesan ost í sósuna og borða þannig :)
Njótið...
Eggjakaka
Eggjakaka
3 egg, hrærð
2 msk mjólk ( þeir sem eru með ofnæmi sleppa)
1 msk rifinn ostur (mjólkurlaus ostur í boði líka)
Velja 2 grænmeti og skera niður í litla bita.
Sveppir
Paprika
Gulrót
Spergilkál
Velja 2 tegundir af kjöti og skera niður í litla bita.
Pylsa
Pepperoni
Beikon
Hellan skal vera stillt á 6 og setjið 1 tsk af olíu á pönnuna.
Steikjið grænmetið upp úr olíu þar til það mýkist. Kryddið með ítalskri hvítlauksblönda, pizzakryddi og smá salt og pipar. Setjið kjötið sem þið völduð og skáruð út í og steikið.
Hellið eggjunum yfir og dreifið vel úr. Setjið nokkra kubba af salatsosti yfir og setjið lok á pönnuna.
Snúið eggjakökunni með því að setja disk eða pönnulok yfir og snúa pönnunni og renna kökunni aftur á pönnuna og steikja þannig hina hliðina. Slökkvið á hellunni og leyfið eggjakökunni að malla á meðan gengið er frá.
Gott að borða með hvítlaukssósu og salati.
Njótið...
Hafrasnakk með súkkulaði
Hafrasnakk með súkkulaði
1 banani, stappaður
1 msk hunang
1 msk kókosolía
½ tsk vanillusykur
Salt á hnífsoddi
2 dl haframjöl
50 gr súkkulaði saxað
VAL : 2 msk hnetusmjör
Aðrar hugmyndir til að setja út í hafrasnakkið:
Trönuber, döðlur, hnetur, fræ og ýmislegt fleira. Grunnurinn er góður og hægt að bæta við því sem ykkur finnst gott.
Aðferð:
Stappið bananann vel, setjið hunang og kókosolíu saman við og hrærið. Setjið næst vanillusykur, salt og haframjöl saman við og loks súkkulaðið.
EF þið viljið bæta við hnetusmjöri þá er gott að gera það í fyrsta skrefi með banananum, hunanginu og kókosolíunni.
Setjið bökunarpappír á bökunarplötu og mótið 8 jafnstórar kúlur úr deiginu. Ýtið létt á hverja kúlu og bakið þar til gylltar og stökkar.
175°c í 15 mín á blæstri.
Njótið...