Markmið

Samkvæmt læsisstefnu skólans eiga nemendur í unglingadeild að lesa 4x í viku 15 mínútur í senn. Eitt þeirra hæfniviðmiða sem liggja til grundvallar í lokaeinkunn íslensku snýr að lestri: Nemandi getur valið og lesið sér til gagns og ánægju fjölbreytta texta, unnið með efni þeirra á fjölbreyttan hátt og miðlað til annarra.

Fyrirkomulag

Nemendur velja sér bók við hæfi og í samráði við íslenskukennara.  Hér fyrir neðan má nálgast lista yfir tillögur að bókum. Fyrir miðnætti á sunnudögum í hverri viku skila nemendur inn myndbandi þar sem á að vera:

Stutt frásögn um það sem var lesið þá vikuna - hvað hefur gerst, hvaða persónur koma við sögu og fleira sem ykkur dettur í hug

Nemandi les upphátt úr bókinni í tvær mínútur. Vandið vel lesturinn.

Nauðsynlegt er að merkja myndböndin eftir vikum og sömuleiðis ALLTAF nefna í upphafi hvers myndbands hvaða vika er hverju sinni.

Hafið í huga

• Utanumhald og skipulag lestursins er alfarið í ykkar höndum!

• Lestrardagbækurnar gilda 10% í lokaeinkunn íslensku

• Veljið bækur sem þið hafið áhuga á að lesa