Embedded Files
Welina! I mea e māhuahua ai nā kumu a holomua ke aukahi, ua paʻa mai he wikiō hou. E kaomi ma nei pihi e nānā i ia wikiō ʻo ʻAuhea ʻOukou e nā Kumu.
Kākoʻo Kula
Kākoʻo Kula
ʻO ka Hale Kuamoʻo kahi e hoʻopuka nui ʻia nei nā haʻawina ʻōlelo Hawaiʻi no nā kula ʻōlelo Hawaiʻi e laʻa me nā Kula Kaiapuni Hawaiʻi. ʻO ka makemakika, ka ʻepekema, ka pilikanaka, ka mākau kamepiula, ka mākau ʻōlelo, ka mākau pāheona, ke olakino, ka hoʻoikaika kino, a me ka mōʻaukala Hawaiʻi kekahi o nā ʻano haʻawina a ka Hale Kuamoʻo e hoʻomohala aku nei. ʻOki hoʻi ka Hale Kuamoʻo i nā haʻawina pāpaho wikiō a lipine paha, a me nā haʻawina kākoʻo kumu Kaiapuni kekahi.
ʻO ka Hale Kuamoʻo kahi e hoʻopuka nui ʻia nei nā haʻawina ʻōlelo Hawaiʻi no nā kula ʻōlelo Hawaiʻi e laʻa me nā Kula Kaiapuni Hawaiʻi. ʻO ka makemakika, ka ʻepekema, ka pilikanaka, ka mākau kamepiula, ka mākau ʻōlelo, ka mākau pāheona, ke olakino, ka hoʻoikaika kino, a me ka mōʻaukala Hawaiʻi kekahi o nā ʻano haʻawina a ka Hale Kuamoʻo e hoʻomohala aku nei. ʻOki hoʻi ka Hale Kuamoʻo i nā haʻawina pāpaho wikiō a lipine paha, a me nā haʻawina kākoʻo kumu Kaiapuni kekahi.
Paʻi ka Hale Kuamoʻo i ka nūpepa haumāna ʻo Nā Maka o Kana a me ka puke hoʻomanaʻo ʻo Ka Hoe Uli, i kākau ʻia e nā haumāna Kula Kaiapuni Hawaiʻi a me nā haumāna Kulanui pū kekahi.
Paʻi ka Hale Kuamoʻo i ka nūpepa haumāna ʻo Nā Maka o Kana a me ka puke hoʻomanaʻo ʻo Ka Hoe Uli, i kākau ʻia e nā haumāna Kula Kaiapuni Hawaiʻi a me nā haumāna Kulanui pū kekahi.
Hoʻolālā a hoʻomohala ke Kikowaena i ka puke wehewehe ʻōlelo ʻo Māmaka Kaiao.
Hoʻolālā a hoʻomohala ke Kikowaena i ka puke wehewehe ʻōlelo ʻo Māmaka Kaiao.
Kōkua a hoʻolaukaʻi ka Hale Kuamoʻo i ka hana a ke Kōmike Huaʻōlelo. No ke kōmike ke kuleana o ka hōʻiliʻili ʻana i nā huaʻōlelo i loaʻa ʻole ma kekahi puke wehewehe ʻōlelo. Na ke kōmike e haku a e hōʻano hou i nā huaʻōlelo no nā haʻawina o ke Kula Kaiapuni Hawaiʻi. Hoʻomalele hou ʻia aku ka puke wehewehe huaʻōlelo ʻo Māmaka Kaiao i kēlā me kēia makahiki.
Kōkua a hoʻolaukaʻi ka Hale Kuamoʻo i ka hana a ke Kōmike Huaʻōlelo. No ke kōmike ke kuleana o ka hōʻiliʻili ʻana i nā huaʻōlelo i loaʻa ʻole ma kekahi puke wehewehe ʻōlelo. Na ke kōmike e haku a e hōʻano hou i nā huaʻōlelo no nā haʻawina o ke Kula Kaiapuni Hawaiʻi. Hoʻomalele hou ʻia aku ka puke wehewehe huaʻōlelo ʻo Māmaka Kaiao i kēlā me kēia makahiki.
Mālama ka Hale Kuamoʻo i nā hālāwai hoʻonaʻauao no nā kumu Kaiapuni Hawaiʻi. ʻO ia hoʻi, he ʻaha Kākoʻo Kaiapuni Hawaiʻi; he Leo Ola i ke kauwela; a me nā papa hoʻonaʻauao Kākoʻo Kumu i ka wā e pono ai.
Mālama ka Hale Kuamoʻo i nā hālāwai hoʻonaʻauao no nā kumu Kaiapuni Hawaiʻi. ʻO ia hoʻi, he ʻaha Kākoʻo Kaiapuni Hawaiʻi; he Leo Ola i ke kauwela; a me nā papa hoʻonaʻauao Kākoʻo Kumu i ka wā e pono ai.
ʻAuamo Pualu
ʻAuamo Pualu
ʻAuamo pū ʻia nā kuleana o ka Hale Kuamoʻo ma waena o ka Luna Hoʻokele Haʻawina Hawaiʻi o ka Hale Kuamoʻo, ke kākau ʻōlelo, nā limahana haumāna kulanui he nui, a me kekahi mau kumu o ke koleke ʻōlelo Hawaiʻi o ke Kulanui o Hawaiʻi ma Hilo e kōkua nui ana i ua mau hana nei ma waho aku o kā lākou mau hana maʻamau o ke kulanui. Komo pū kekahi poʻe noʻeau ʻōlelo Hawaiʻi no waho o ke Kulanui o Hawaiʻi ma Hilo i loko o nā hana Hale Kuamoʻo. He loea kēia poʻe pākahi ma kekahi māhele o ka hana.
ʻAuamo pū ʻia nā kuleana o ka Hale Kuamoʻo ma waena o ka Luna Hoʻokele Haʻawina Hawaiʻi o ka Hale Kuamoʻo, ke kākau ʻōlelo, nā limahana haumāna kulanui he nui, a me kekahi mau kumu o ke koleke ʻōlelo Hawaiʻi o ke Kulanui o Hawaiʻi ma Hilo e kōkua nui ana i ua mau hana nei ma waho aku o kā lākou mau hana maʻamau o ke kulanui. Komo pū kekahi poʻe noʻeau ʻōlelo Hawaiʻi no waho o ke Kulanui o Hawaiʻi ma Hilo i loko o nā hana Hale Kuamoʻo. He loea kēia poʻe pākahi ma kekahi māhele o ka hana.
E pau ʻole ana ka mahalo o ka Hale Kuamoʻo i ka pūʻulu limahana haumāna kulanui paʻahana nui. Inā ʻaʻohe a lākou mau hana hoʻoikaika, inā ʻaʻole nō i hiki i ka Hale Kuamoʻo ke hoʻopuka aku i nā meaaʻo ʻōlelo Hawaiʻi.
E pau ʻole ana ka mahalo o ka Hale Kuamoʻo i ka pūʻulu limahana haumāna kulanui paʻahana nui. Inā ʻaʻohe a lākou mau hana hoʻoikaika, inā ʻaʻole nō i hiki i ka Hale Kuamoʻo ke hoʻopuka aku i nā meaaʻo ʻōlelo Hawaiʻi.
Kahua Aʻo Haumāna Kulanui
Kahua Aʻo Haumāna Kulanui
He kahua aʻo ka Hale Kuamoʻo no ka haumāna Kulanui. Komo pū ka haumāna i ka hoʻomohala haʻawina e like me ka nui o kona mākaukau i ka hana. ʻO ka noiʻi, ka unuhi, ka hōʻano hou, ka haku haʻawina, ka haku moʻolelo, ka hakulau, ke kaha kiʻi, ka hoʻonohonoho, ka hoʻopuka, a me ka hoʻomalele kekahi mau hana a nā limahana haumāna o ke keʻena. Ma muli o ke komo ʻana o ka haumāna i ka papa ʻōlelo Hawaiʻi a me nā papa ʻē aʻe hoʻi o ke Kulanui, ua hiki ke hoʻoholo i kona ʻike naʻauao, ma ka ʻōlelo Hawaiʻi nō hoʻi i nā manawa a pau.
He kahua aʻo ka Hale Kuamoʻo no ka haumāna Kulanui. Komo pū ka haumāna i ka hoʻomohala haʻawina e like me ka nui o kona mākaukau i ka hana. ʻO ka noiʻi, ka unuhi, ka hōʻano hou, ka haku haʻawina, ka haku moʻolelo, ka hakulau, ke kaha kiʻi, ka hoʻonohonoho, ka hoʻopuka, a me ka hoʻomalele kekahi mau hana a nā limahana haumāna o ke keʻena. Ma muli o ke komo ʻana o ka haumāna i ka papa ʻōlelo Hawaiʻi a me nā papa ʻē aʻe hoʻi o ke Kulanui, ua hiki ke hoʻoholo i kona ʻike naʻauao, ma ka ʻōlelo Hawaiʻi nō hoʻi i nā manawa a pau.
Kōkua Kaiaulu
Kōkua Kaiaulu
Ke kākoʻo ʻana i ka hoʻōla ʻōlelo ʻōiwi ma ka hana pū ʻana me ko ka ʻāina ē.
Ke kākoʻo ʻana i ka hoʻōla ʻōlelo ʻōiwi ma ka hana pū ʻana me ko ka ʻāina ē.
Komo ka Hale Kuamoʻo i loko o ka hana hoʻōla ʻōlelo ʻōiwi ma ʻAmelika, ma ka Pākīpika, a ma nā ʻāina ʻē aʻe i ka hana pū ʻana me ka ʻAhahui ʻŌlelo ʻŌiwi ʻAmelika a me ka ʻAha Leo ʻŌlelo Polenesia.
Komo ka Hale Kuamoʻo i loko o ka hana hoʻōla ʻōlelo ʻōiwi ma ʻAmelika, ma ka Pākīpika, a ma nā ʻāina ʻē aʻe i ka hana pū ʻana me ka ʻAhahui ʻŌlelo ʻŌiwi ʻAmelika a me ka ʻAha Leo ʻŌlelo Polenesia.
He ʻahahui ka ʻAha Leo ʻŌlelo Polenesia na nā lālā aupuni he ʻumikūmāhā o Polenesia nei. Aia ka Noho Kuhina Hoʻomalu o ka ʻAha Leo ʻŌlelo Polenesia ma ka Hale Kuamoʻo. ʻO ka hana a kēia ʻaha, ʻo ia ka hoʻopaipai ʻana i ko Polenesia mau ʻōlelo ʻōiwi, ma nā papahana kū ʻāina, nā kuapo pili moʻomeheu, a me ka ʻaha kū makahiki lua, a me nā hana ʻē aʻe e like me ka nui i hiki.
He ʻahahui ka ʻAha Leo ʻŌlelo Polenesia na nā lālā aupuni he ʻumikūmāhā o Polenesia nei. Aia ka Noho Kuhina Hoʻomalu o ka ʻAha Leo ʻŌlelo Polenesia ma ka Hale Kuamoʻo. ʻO ka hana a kēia ʻaha, ʻo ia ka hoʻopaipai ʻana i ko Polenesia mau ʻōlelo ʻōiwi, ma nā papahana kū ʻāina, nā kuapo pili moʻomeheu, a me ka ʻaha kū makahiki lua, a me nā hana ʻē aʻe e like me ka nui i hiki.
No ka hoʻokō ʻana i nā pahuhopu ona, alu like pū ka Hale Kuamoʻo me nā keʻena aupuni a me nā keʻena aupuni ʻole kekahi, ma loko a ma waho aku nō o Hawaiʻi nei.
No ka hoʻokō ʻana i nā pahuhopu ona, alu like pū ka Hale Kuamoʻo me nā keʻena aupuni a me nā keʻena aupuni ʻole kekahi, ma loko a ma waho aku nō o Hawaiʻi nei.
Page updated
Report abuse