No Kūkulu Kumuhana
No Kūkulu Kumuhana
Embedded Files
I Pāhana Heluhelu e Hoʻoulu i ke Aloha ʻĀina
I Pāhana Heluhelu e Hoʻoulu i ke Aloha ʻĀina
Me he ʻume mākēneki lā ia mea he aloha ʻāina e ʻumeʻume mau ana i ke kanaka i kona ʻāina, kona kaiaulu kanaka, a me kāna ʻōlelo ponoʻī. I pāhana ʻo Kūkulu Kumuhana e kālele ana i ka hoʻoikaika mākau heluhelu a kuanaʻike aloha ʻāina o nā kamaliʻi mai ka papa mālaaʻo a i ka papa ʻekolu. He ʻehā ala hoʻomohala i kō ai ia mau pahuhopu nui: (1) he hoʻomohala puke, (2) he hoʻomohala haʻawina, (3) he hoʻonui ʻike kumu, (4) he kākoʻo ʻohana.
Ke Mele Aloha ʻĀina a Liliʻuokalani
Ke Mele Aloha ʻĀina a Liliʻuokalani
Penei iho ka ʻōlelo aloha ʻāina a ka mōʻī ʻo Liliʻuokalani ma kāna mele ʻo Ke Aloha ʻĀina, “Pūʻili mai a paʻa i loko ke aloha i ka ʻāina, maliu i ka mea mana, a e ola nō ka lāhui! He aloha lā, he aloha, no kuʻu lāhui ʻōiwi, i hoʻokahi puʻuwai, kūpaʻa me ka lōkahi!” Pēlā hoʻi ke kipona aloha ʻāina ma ka naʻau o nā mea hoʻomohala o ka pāhana ʻo Kūkulu Kumuhana. He aloha ʻōlelo, he aloha kanaka, he aloha kaiaulu, a he aloha kūpaʻa mau a ola maikaʻi nō ka lāhui.
Page updated
Report abuse