The logo for the Kukulu Kumuhana project is an ahu of expertly stacked rocks. This symbolizes the kahua or foundation on which the project team built (kukulu). Dots in the pohaku or rocks represent piko with their multi-layered meanings. A fern leaf and shoot on either side of the ahu represent the fragrance of traditional Hawaiian knowledge and the potential for creativity and fruition.

No Kūkulu Kumuhana

I Pāhana Heluhelu e Hoʻoulu i ke Aloha ʻĀina

Me he ʻume mākēneki lā ia mea he aloha ʻāina e ʻumeʻume mau ana i ke kanaka i kona ʻāina, kona kaiaulu kanaka, a me kāna ʻōlelo ponoʻī. I pāhana ʻo Kūkulu Kumuhana e kālele ana i ka hoʻoikaika mākau heluhelu a kuanaʻike aloha ʻāina o nā kamaliʻi mai ka papa mālaaʻo a i ka papa ʻekolu. He ʻehā ala hoʻomohala i kō ai ia mau pahuhopu nui: (1) he hoʻomohala puke, (2) he hoʻomohala haʻawina, (3) he hoʻonui ʻike kumu, (4) he kākoʻo ʻohana.

A panoramic view of Mount Olomana and the Koʻolaupoko range sheltering Maunawili Valley where Liliuokalani composed many of her famous songs.

Ke Mele Aloha ʻĀina a Liliʻuokalani

Penei iho ka ʻōlelo aloha ʻāina a ka mōʻī ʻo Liliʻuokalani ma kāna mele ʻo Ke Aloha ʻĀina, “Pūʻili mai a paʻa i loko ke aloha i ka ʻāina, maliu i ka mea mana, a e ola nō ka lāhui! He aloha lā, he aloha, no kuʻu lāhui ʻōiwi, i hoʻokahi puʻuwai, kūpaʻa me ka lōkahi!” Pēlā hoʻi ke kipona aloha ʻāina ma ka naʻau o nā mea hoʻomohala o ka pāhana ʻo Kūkulu Kumuhana. He aloha ʻōlelo, he aloha kanaka, he aloha kaiaulu, a he aloha kūpaʻa mau a ola maikaʻi nō ka lāhui.