4. bekkur

Lykilhæfni fyrir 4. bekk

Megintilgangur náms og kennslu í lykilhæfni er að þroska sjálfsvitund og samskiptahæfni nemenda, búa þau undir virka þátttöku í lýðræðissamfélagi og að þeir öðlist getu til að nýta sér styrkleika sína til áframhaldandi náms og starfsþróunar þegar þar að kemur. Lykilhæfni snýr að nemandanum sjálfum, er ætlað að stuðla að alhliða þroska hans og tengist öllum námssviðum. Góð lykilhæfni gerir einstaklingum kleift að læra við ólíkar aðstæður, takast á við breytingar, vinna í samfélagi með öðru fólki og bregðast við á þann hátt sem hentar þeim sjálfum til uppbyggingar og farsæls lífs. Lykilhæfni er hæfni fyrir borgara framtíðarinnar, einstaklinga sem þurfa að vera tilbúnir að læra allt lífið (Gunnar E. Finnbogason, 2016).

Hæfniviðmið
Aðalnámskrár 2024

Vinna nemenda til að
uppfylla hæfniviðmiðin

Upplýsinga- og miðlalæsi

Nýting skólasafns:

nýtt skólasafn sér til gagns og ánægju,

Nemendur nota skólasafnið til að velja sér bækur fyrir heimalestur og yndislestur.

Í ákveðnum verkefnum eru bækur safnsins nýttar til heimildaöflunar.

Upplýsingaleit:

leitað að og valið viðeigandi upplýsingar og stafrænt efni,

Nemendur hafa Chromebook tölvur til afnota í skólanum og geta nýtt sér leitarvélar í verkefnavinnu.

Nemendur fá fræðslu um gagnsemi og hættur internetsins. Fræðsluefnið er á mms.is og nefnist Stafræn borgaravitund og Netumferðarskólinn.

Greining og úrvinnsla gagna:

greint muninn á fræðilegu efni og skáldskap,

Í heimildavinnu er farið yfir áreiðanleika upplýsinga, hvaða netsíðum er hægt að treysta og hvað ber að varast.

Nemendur fá fræðslu um gæði upplýsinga. Fræðsluefnið er á mms.is og nefnist Stafræn borgaravitund.

Heimildanotkun:

þekkt að höfundarréttur gildir um fjölbreytt efni og unnið með heimildir á einfaldan hátt.

Nemendur fá fræðslu um skráningu heimilda samkvæmt kennslubókinni Heimi, handbók um heimildaritun frá mms.is, höfundur Svanhildur Kr. Sverrisdóttir. Þau þurfa að skrá heimild í bókakynningaverkefninu.

Sköpun og miðlun

Kynningarefni:

nýtt hugbúnað við gerð einfaldra kynninga,

Nemendur vinna a.m.k. tvö glæruverkefni (Google slides) á vetri, annað er haustverkefni og nefnist Um mig, 5-7 glærur um fjölskyldu, áhugamál og fleira sem nemandi vill sýna.

Hitt er bókakynning þar sem nemandi velur bók sem nýbúið er að lesa í heimalestri eða yndislestri, segir frá söguþræði bókarinnar, aðal- og aukapersónum, höfundi bókarinnar og hvaða aðrar bækur höfundur hefur skrifað. Nemandi þarf að skrá bókina sem heimild aftast í glærusýningunni. Nemendi þarf svo að kynna bókina sína fyrir samnemendum. Þá er farið yfir framkomu og upplestur fyrir áheyrendur og hvert er hlutverk hlustenda á svona kynningu.

Ritvinnsla:

nýtt hugbúnað við uppsetningu einfaldra ritunarverkefna,

Nemendur vinna nokkur ritunarverkefni með Google Docs yfir veturinn.

Áhersla á að kunna á stillingaramboðin, s.s. að velja letur og stærð leturs, miðja, feitletra, skáletra, gera punktalista, setja inn myndir, töflur o.fl. sem nýtist í ritvinnslu.

Fingrasetning er æfð reglulega. Fingrafimi af vef mms.is er notuð ásamt erlendum síðum s.s. typing.com.

Vinnsla tölulegra gagna:

nýtt hugbúnað við framsetningu á einföldum tölulegum gögnum,

Athuga með einföld töflureikniverkefni

Ljósmyndir og kvikmyndun:

tekið ljósmyndir og stutt myndskeið,

Ljósmyndaratleikur???

Actionbound eða annað sambærilegt.

Myndvinnsla og myndsköpun:

nýtt tæki og hugbúnað við myndsköpun,

Samþættingarverkefni í samfélagsfræði, þar sem nemendur vinna gagnvirkt veggspjald sem geymir hljóðskrár með upptökum af þeirra eigin texta.

Hljóðvinnsla:

nýtt hugbúnað í einfalda hljóðvinnslu,

Samþættingarverkefni í samfélagsfræði, þar sem nemendur vinna gagnvirkt veggspjald sem geymir hljóðskrár með upptökum af þeirra eigin texta.

Netmiðlun:

nýtt hugbúnað við einfalda netmiðlun.

Nemendur útbúa vefsíðu í Google Sites þar sem þau safna saman verkefnum í ýmsum námsgreinum og útbúa vísi að námsmöppu (portfolio).

Stafræn borgaravitund (námsefni kemur fljótlega)

Jafnvægi í stafrænni notkun og vellíðan:

beitt góðri líkamsstöðu við notkun stafrænnar tækni og útskýrt muninn á jákvæðum og neikvæðum skjátíma og sagt frá hvernig notkun stafrænna miðla getur haft áhrif á líðan,

Friðhelgi og öryggi:

útskýrt á einfaldan hátt hvað persónuupplýsingar eru og hverju má og má ekki deila í stafrænu umhverfi,

Stafrænt fótspor og auðkenni:

lýst á einfaldan hátt hugtakinu stafrænt fótspor, skilið hvernig það verður til og hvert sé samspil þess og netnotkunar,

Virðing í stafrænu umhverfi:

gert sér grein fyrir mikilvægi þess að leita til fullorðinna ef hætta eða áreiti skapast á netinu,

Samskiptareglur, orðræða og virðing í stafrænum samskiptum:

þekkt hugtakið neteinelti og einfaldar reglur í samskiptum og myndbirtingum á netinu og þekkt leiðir til að vernda sig og aðra fyrir neteinelti.

Lausnaleit

Stafrænn stuðningur:

nefnt dæmi um einfaldan stafrænan stuðning í námi,

Aðgengi að öllum námsbókum sem til eru á hljóðbókaformi frá mms.is er á heimasíðum bekkjanna.

Nemendur fá aðstoð til að breyta letri á tölvunni yfir í Open Sans ef það hentar þeim betur.

Möguleikar aðstoðartækisins Helperbird í Google Chrome vafranum kynntir fyrir þá nemendur sem þurfa þannig aðstoð.

Varðveisla gagna:

gert sér grein fyrir því að í sumum hugbúnaði þarf að vista gögn til að varðveita vinnuna,

Nemendur fá leiðbeiningar um hvar þarf að geyma gögn sem ekki vistast sjálfkrafa.

Nemendur fá leiðbeiningar um hvernig sækja skal skjöl og verkefni sem unnin hafa verið í Google Classroom til að setja inn á heimasíðuna sína.

Tölvur og snjalltæki:

þekkt mismunandi tegundir tölva, snjalltækja og helstu jaðartæki og nýtt til menntunar,

Nemendur hafa aðgang að persónulegri Chrome book tölvu fyrir dagsdaglega vinnu í skólanum.

Í Engjaskóla vinnum við út frá því að tölvur eru vinnutæki í skólanum en ekki leiktæki.

Einnig eru til iPadar í skólanum fyrir verkefni sem nýtast í upptökur og hljóðvinnslu.

Notkun hugbúnaðar og einföld forritun:

þekkt ýmsan hugbúnað og tæki og nýtt þau til að leysa einfaldar þrautir.

Nemendur læra á margvíslegan Google hugbúnað

Einnig eru notaðar vefsíður á netinu eins og Code.org, Typing.com, Hour of Code o.fl.

Nemendur nota Code.org og Hour of Code til að kynnast grunnhugtökum í forritun.

Page updated

Report abuse