Embedded Files
Úr Aðalnámskrá Grunnskóla, endurskoðun 2024
Úr Aðalnámskrá Grunnskóla, endurskoðun 2024
21.2.1
Skapandi og listræn vinna í dansi veitir nemendum tækifæri til að koma þögulli þekkingu og skilningi á veruleikanum á framfæri með hreyfingu og líkamstjáningu. Með sköpun og líkamlegri tjáningu í dansi fá nemendur tækifæri til að hlúa að og örva hreyfi- og rýmisgreind og efla félagsþroska með þátttöku í paradönsum, hringdönsum og hópdönsum. Dans veitir einstaklingum þannig aukið tækifæri til þroska, mennta og líkamsræktar.
Um dans í Aðalnámskrá grunnskóla
Áhersluatriði Engjaskóla í dansi:
Áhersluatriði Engjaskóla í dansi:
Nemendur fá tækifæri til að tjá sig með líkamanum, þróa hreyfifærni, sköpunargleði og sjálfstraust í gegnum dans og hreyfingu.
Lögð er áhersla á að efla líkamsvitund, líkamstjáningu og hæfni til að vinna með takt, rými, form og hreyfimynstur.
Nemendur læra að skapa eigin danshugmyndir, vinna með tilraunir og þróa dansræna tjáningu með samspili hreyfingar, tónlistar og ímyndunarafls.
Samvinna og samskipti í hreyfingu eru mikilvæg; nemendur vinna saman í pörum og hópum og byggja upp virðingu, samheldni og samstarfshæfni.
Kennslan styður nemendur í að tjá tilfinningar, hugmyndir og sögur í gegnum dans og að lesa, skilja og túlka danshreyfingar annarra.
Nemendur kynnast fjölbreyttum dansstílum og hreyfihefðum og öðlast aukinn skilning á dansi sem listformi og menningarlegri tjáningu.
Áhersla er lögð á að nemendur hreyfi sig með öryggi, virði mörk annarra og tileinki sér góð vinnubrögð og líkamsbeitingu.
Page updated
Report abuse