Villafria - Bernedo

(2024-05-28an, asteartea)

Gaur asteartea, maiatzak 28, GMBko 52 mendizalek (9 emakume eta 43 gizon) Bernedoko Villafriatik Okongo ermitara arteko ibilaldia egin dugu, Zazpi Euskal Hiriburuen zeharkaldiko Gasteiz eta Iruñea arteko zatiaren barruan. Ibilaldian zehar Peña del Castillo, Payorredondo, Peña del Leon eta San Tirso mendi-tontorrak zapaldu ditugu.

Gogoratzeko moduko irteera: eguraldi bikaina, eguzkitsua eta haizerik gabea gailurrerian zehar ibiltzeko. Gaur ere pagadietatik igaro gara eta ezpelen arteko bidexka estuetatik, baina gainetan eta San Tirsoko Bonetatik gertu udaberriko loreen eztanda ikusgarria izan da: ezkaia, erromeroa, salbia, izpilikua, bitxiloreak….

Ibilbidea eta denborak:

Villafria (711 m.), Bergongo bidea (899 m; 1,7 km; 0:32), Barransolba bizkarra (1.029 m; 4,2 km; 1:11), Goizabala (1.071 m; 4,7 km; 1:18), El Toro lepoa (1.204 m; 5,3 km; 1:33), Cruz del Castillo (1.435 m; 6,1 km; 1:57), El Toro lepoa (1.204 m; 6,9 km; 2:43), Payorrendondo (1.353 m; 8,2 km; 3:36), Peña del Leon (1.375 m; 9,0 km; 4:09), Ponterba lepoa (1.322 m; 9,7 km; 4:32), San Tirso (1.326 m; 10,7 km; 5:21), San Tirso lepoa (1.257 m; 11,2 km; 5:43), Billar lepoa (1.121 m; 12,3 km; 5:57), Villafria adierazlea (960 m; 13,2 km; 6:11). ), Okongo ermita (Bernedo) (766 m; 14,44 km; 6:28).