Zudairi- Irantzuko monasterioa

(2024-07-17an, asteazkena) 

Gaur uztailak 17, asteazkena, Ordiziatik autobusez irten gara goizeko 6:30ean GMBko 54 mendizale, Zudairira joan eta zazpi hiriburuetako Gasteiz-Iruñea arteko zatiaren 13. ibilaldia egitera. Goizeko 8:00ak aldera abiatu gara, eguraldi ederraz gozatuz. Aurrena Bakedao herrira joan eta, igoera lasaian, Ubabako begiratokira iritsi gara. Goi-lautadara heltzean, pago eta soilgune artean egin dugu aurrera. Lehenengo Bardoitzako tontorra zapaldu dugu. Geroago baso sorgindu batetik pasa eta Kerezmendi tontorrera iritsi gara. Ibilbideari jarraituz, Larraitza eta Azantza tontorrak pasa ondoren, jaitsiera hasi dugu. Azkenean, 14:20ak inguruan, Irantzuko monasterioan bukatu dugu ibilaldia eta autobusez Abartzuzara joan gara bazkaltzera.

Ibilbidea eta denborak:

Zudairi (565 m), Urederra ibaia (531 m; 1,5 km; 0:20), Bakedao (610 m; 2,3 km; 0:30), Bakedaoko portu zaharreko eremu laua (938 m; 5,3 km; 1:25), Nartzisoren txabola (979 m; 5,9 km; 1:40), Bardoitza (1.107 m; 9,2 km; 2:30), Aitzuloak parajea (1.042 m; 12,6 km; 3:35), Guremendi (1.133 m; 13,2 km; 4:05), Kerezmendi (1.118 m; 15 km; 4:25), Larraitza (1.051 m; 17,4 km; 5:05), Azantza (1.075 m; 19,1 km; 5:30), eta Irantzuko monasterioa (645 m; 23,4 km; 6:20).

Desnibel metatua: igoeratan: 911 m; jaitsieratan: 831 m.