Añes - Angulo mendatea

(2023-10-10ean, asteartea)

Gaur, urriak 10, asteartea, EZH zeharkaldiko hirugarren etapa egin dugu. Goizeko 6:30 aldera irten gara Ordiziatik autobusez, gero Beasain eta Urretxu pasa eta Añes herrian ginen 8:15ean ibilaldiari hasiera emanez, 47 lagun, horietatik 13 emakumezkoak. Eguraldi ederraz gozatuz, Añes herritik abiatu gara goraka, hasieran errepidean eta gero pistaz, Gorobel mendilerro aldera. Uztaiko atakan gaina hartu dugu (1.000 m inguru), hortik mendilerro zabala pasa, Aro mendi ingurua, Eskutxi (gaurko punturik altuena, 1.185 m), Ungino ingurua, beheran aintzira eta koba dituela eta goialdean Unginoko begia. Aurrera pista hartu eta Moscadero eta Urieta gainak pasa ditugu. Hortik aurrera dena beheranzko bidean, zikinean ibili gara, elorri artean, otso zulora iritsi aurretik. Handik San Migel haitza eta ur-jauzia (urik gabe) ikusi eta hor ginen Anguloko mendatean 6:15 ordu pasa ondoren. Gero Artziniegara jaitsi, bazkaldu eta buelta, 6:30erako Ordiziara iristeko.

Ibilbidea eta denborak:

Añes, hasiera (430 m), Logenortz bidea (640 m; 2 km; 0:35), Burdin hesia (760 m; 3,5 km; 1:00), Uztaiko ataka (975 m; 5 km; 1:30), Aro mendi ertza (1.105 m; 6 km; 1:55), Aro mendia (1.120 m; 6,4 km; 2:05), Eskutxi (1.185 m; 8,2 km; 2:40), Ungino aintzira (1.050 m; 9,6 km; 2:20), Ungino begia (1.090 m; 10,5 km; 3:30), Ungino gaina (1.105 m; 11,6 km; 4:05), Moscadero (1.130 m; 14,3 km; 4:45), Urieta (1.113 m; 15,5 km; 5:00), Angulo mendatea, bukaera (735 m; 20,2 km; 6:15).