Inscrición e bases

Se che interesa asistir ao curso debes cubrir o seguinte formulario de inscrición

Data límite: 20 de agosto de 2026.

O número máximo de prazas por edición é de 12

Custe do curso: 250 euros (a pagar unha vez confirmada a aceptación da solicitude de inscrición.

As solicitudes serán revisadas, comunicándose a aceptación definitiva a partir do 25 de agosto. As solicitudes aceptadas deberán facer o pagamento (data límite o 28 de agosto).

As solicitudes non aceptadas por cubrirse o cupo pasarán a unha lista de agarda para seguintes edicións que terán lugar en 2027.

INSCRICIÓN AO CURSO

Bases

O FUTURO ESTÁ NA MADEIRA: CONSTRUCIÓN SOSTIBLE E EFICIENTE

BASES DE PARTICIPACIÓN

1. ObxectoAs presentes bases teñen por obxecto regular o proceso de inscrición, selección, participación e asistencia das persoas participantes no curso O FUTURO ESTÁ NA MADEIRA; CONSTRUCIÓN SOSTIBLE E EFICIENTE, organizado pola Fundación Arume.2. Persoas destinatariasPoderán solicitar a súa participación as persoas que cumpran os seguintes requisitos:a) Ter cumpridos os 18 anos na data de inicio do curso.
b) Posuír a acreditación profesional necesaria.
c) Presentar a solicitude de inscrición dentro do prazo establecido.
d) Aceptar expresamente as presentes bases de participación.e) Facer o pagamento, unha vez aceptada a solicitude, dentro do prazo establecido.A data tope para facer a inscrición é o 20 de agosto de 2026.3. Solicitudes e admisiónAs solicitudes presentaranse mediante o formulario habilitado para tal fin, e aceptaranse unha vez comprobado o cumprimento dos criterios establecidos pola organización. Destas, aceptaranse as 12 primeiras, quedando as seguintes nunha lista de agarda (ben para posibles cancelacións de solicitudes ou para seguintes edicións). A admisión comunicarase ás persoas seleccionadas a través do correo electrónico ou do medio indicado na solicitude.As solicitudes aceptadas deberán facer o pagamento do custe do curso (250,00€) por transferencia bancaria, antes do 28 de agosto de 2026.Aquelas solicitudes inicialmente aceptadas pero que non teñan feito o pagamento no prazo establecido serán canceladas.
4. Dereitos das persoas participantesAs persoas admitidas terán dereito a:a) Recibir a formación prevista no programa do curso.
b) Dispoñer dos materiais didácticos necesarios para o seu seguimento.
c) Solicitar información e aclaracións ao equipo docente.
d) Recibir un certificado de participación, sempre que cumpran os requisitos establecidos.5. Obrigas das persoas participantesAs persoas participantes comprométense a:a) Asistir e participar activamente nas actividades formativas (sesións didácticas e visitas).
b) Respectar as normas de convivencia e o desenvolvemento das sesións.
c) Utilizar adecuadamente os recursos e materiais postos á súa disposición.
d) Comunicar á organización calquera circunstancia que poida afectar á súa participación.6. Requisitos de asistenciaa) A asistencia ao curso é obrigatoria.b) Para obter o certificado correspondente será necesario asistir, como mínimo, ao 85 % das horas lectivas e visitas programadas.c) As faltas de asistencia deberán ser comunicadas e, cando proceda, debidamente xustificadas.d) A acumulación de ausencias superiores ao 15 % da duración total do curso poderá supoñer a perda do dereito á certificación. 7. CertificaciónA organización expedirá un certificado de participación ás persoas que:a) Cumpran os requisitos mínimos de asistencia.
b) Superen as actividades de avaliación que, se é o caso, se establezan.
c) Completen satisfactoriamente o programa formativo.8. Protección de datos e imaxe persoalOs datos persoais e imaxes facilitados polas persoas participantes serán tratados de acordo coa normativa vixente en materia de protección de datos, exclusivamente para a xestión da actividade formativa.9. Aceptación das basesA presentación da solicitude implica a aceptación íntegra das presentes bases e das decisións adoptadas pola organización para a correcta xestión do curso.

Page updated

Report abuse