Este San Valentín, o equipo de voluntariado da biblioteca preparou unha selección de lecturas perfectas para explorar o amor en todas as súas formas. Desde historias románticas cheas de emoción ata libros que axudan a comprender as relacións saudables, aquí tes as súas recomendacións:

📖 Romper el hielo (Maple Hills 1), de HannaH Grace: unha novela de romance xuvenil con diálogos enxeñosos e unha historia que combina o amor e o deporte.

📖 Manga Boyfriends (vol. 1 e 2), de Refrainbow: unha lectura diversa e entrañable sobre a amizade, o amor, o o poliamor e a autoaceptación.

📖 Donde todo brilla, de Alice Kellen: unha historia sobre o amor propio, os soños e a importancia de atopar o noso camiño.

📖 Las mujeres que aman demasiado, de Robin Norwood: un ensaio imprescindible para reflexionar sobre as relacións tóxicas e o amor desde unha perspectiva psicolóxica.

📖 Me quiero, te quiero, de María Esclapez: unha guía para comprender mellor as relacións e construír vínculos sans e equilibrados.

📖 Que sea amor del bueno, de Marta Martínez Novoa: un libro que nos invita a identificar os mitos do amor romántico e a apostar por relacións baseadas no respecto e na liberdade.

📖 Te esperaré, de Jenniffer L. Armentrout, é unha novela romántica na que Avery, fuxindo dun pasado traumático, comeza unha nova vida universitaria. Alí coñece a Cam, que con paciencia e cariño axúdalle a superar os seus medos e a abrirse ao amor. 

📽️ Podes ver no noso vídeo coas recomendacións feitas polo noso equipo de voluntariado. Anímate a descubrir estas lecturas na biblioteca! ❤️📚

A lectura non só e unha actividade de entretemento, senón que hai historias que sanan, que serven de inspiración e guía nos momentos difíciles.

Estes son algúns dos libros dispoñibles na biblioteca do CIFP A Farixa, na seccion de biblioterapia: libros que curan:

Ven a polo teu exemplar!!!

Ilustración feita por @carolineselmes 

Os días internacionais están marcados pola ONU para lembrarnos situacións ou feitos que nos implican a todas as persoas. É preciso espertar do letargo ante a magnitude da traxedia e comprender que esta crise humanitaria e de humanidade que está a sufrir o pobo palestino interpélanos a cada un de nós.

Se queres profundar no tema, vén e colle na nosa biblioteca o cómic "Palestina", de Joe Sacco!

Sacco utiliza este cómic para narrar as súas experiencias persoais e as historias das persoas que coñeceu nas súas viaxes á zona. A obra non se centra só nos eventos políticos, senón tamén nas historias humanas, mostrando a complexidade do conflito e as súas distintas perspectivas. Esta obra é considerada peza clave da corrente coñecida como xornalismo historietista ou cómic xornalístico e sérvenos para entender de maneira accesible o papel que Oriente Medio xogaba e xoga na xeopolítica contemporánea. 

Escolle a túa lectura ou xogo e ven por eles!!

Encántache ler e buscas novas formas de mergullarche no mundo das letras? Os podcasts literarios son a resposta! 

Nesta entrada propoñémos unha selección de podcasts sobre libros e literatura, para que atopes o acompañante perfecto para os teus intres libres.

• Un libro una hora: este é o podcast para quen busca resumos concisos e entretidos de clásicos e novidades literarias. 

• Librorum: Ideal se buscas análises profundas de obras literarias e conversacións con escritores.

• El vuelo del cometa: se te apasiona a ciencia ficción, este é o teu destino.

• La milana bonita: un podcast cun toque feminista, onde se analizan obras escritas por mulleres e visibilízanse voces femininas na literatura.

• punzadas sonoras: un pódcast  a cargo de las filósofas Paula Ducay e Inés García 

Hoxe reflexionamos sobre un dos maiores desafíos que enfrontamos como sociedade: a pobreza. Para profundar neste tema, desde a Biblioteca do CIFP A Farixa queremos recomendarche o libro "Aporofobia: el rechazo al pobre", da filósofa española Adela Cortina.

O termo “aporofobia” foi acuñado pola autora, e figura actualmente no diccionario da Real Academia co significado de “fobia as persoas pobres ou desfavorecidas”

O libro denuncia cómo as guerras e crisis económicas provocan movementos migratorios masivos de persoas que foxen da miseria, da pobreza e da morte, atopando no camiño o rexeitamento, non só dos cidadáns senón tamén das institucións dos países aos que chegan en busca dun futuro. Tamén fai diversas propostas para erradicar a pobreza.

Se queres profundizar no tema, ven e colle o libro na nosa biblioteca! 

Estamos novamente de noraboa!

Este 2024, Galicia volve brillar no panorama cultural de España, alzándose con dous galardóns de gran prestixio. A ourensana Chus Pato ven de acadar o Premio Nacional de Poesía 2024 pola súa obra "Sonora", mentras que Bea Lema acada o Premio Nacional do Comic coa obra "Él cuerpo de Cristo" 

Noraboa as dúas premiadas!!

Estes recoñecementos destacan o talento das nosas creadoras e amosan que algo se está a facer  moi ben na nosa terra, pois nos derradeiros  5 anos outras dúas galegas han acadado o Premio Nacional de Poesía (Yolanda Castaño con "Materia" e Olga Novo con "Feliz Idade").

En breve poderedes disfrutar destas dúas obras na nosa biblioteca! 

Podcast literario

Queremos compartir convosco a páxina web  lamilanabonita.com que é unha verdadeira xoia para os amantes da lectura en todas as súas formas. 

Nela encontrarás podcasts sobre obras literarias clásicas e contemporáneas, como “Dune” de Frank Herbert e “Divina comedia” de Dante Alighieri; entrevistas con autores e análises detallados de libros, como “El perfume” de Patrick Süskind; e outro contido variado, dende discusións sobre manga e anime ata exploracións de cheiros na literatura e mitoloxía nórdica.. 

Bótalle unha ollada e xa nos contas que che parece!

Cando non es quen de decidirche pola túa próxima lectura, non dudes en preguntarlle ao persoal da biblioteca, que estarán encantados de axudarte a seleccionar a túa próxima viaxe lectora.

Podes tamén botarlle unha ollada a  estas páxinas web, elas tamén poden axudarte e darche recomendacións axustadas aos teus gustos.

• The Fussy Librarian: configura as túas preferencias de xénero e linguaxe para recibir recomendacións personalizadas por correo electrónico

• What Should I Read Next: Ingresa o título dun libro que che gustou e obterás suxerencias baseadas nas preferencias doutros lectores

• Quelibroleo.com: Introduce un título e autor dun libro que gozaches para obter unha lista de libros afíns.

• Ebrolis: este servizo selecciona ebooks gratuítos ou a prezos reducidos segundo os teus intereses

Esperamos que vos sexan útiles!