Preguntas frecuentes

ESTES CURSOS CONDUCEN A UN CERTIFICADO?

Non. Para os cursos de actualización só se expide un certificado de aproveitamento. 

Os cursos de actualización teñen sentido para alumnado que xa certificou e quere reforzar a súa competencia, ou para alumnado que non pode ou non quere asistir a un curso oficial. 

Para certificar un nivel de lingua o ideal é matricularse nos cursos oficiais da EOI, o presentarse as probas de certificación por libre. 

HAI QUE ser alumno da eoi para matricularse? 

Non. Os cursos para o público en xeral están abertos a todo o mundo.

HAI QUE ACREDITAR UN NIVEL DETERMINADO PARA MATRICULARSE?

Non é imprescindible acreditar un nivel para matricularse, pero sí é recomendable ter o nivel. A matrícula nestes cursos é  decisión voluntaria do alumnado, polo que o centro non se fai cargo da falta de aproveitamento por ter o alumnado un nivel insuficiente.

canto custan estes cursos?

Os cursos custan 1,5 € por hora, e ademais é posible que teña que aboar a taxa de servizos xerais (13 €) e a taxa de apertura de expediente se nunca se foi alumno dunha EOI galega (22 €). Así, por exemplo:

• curso de 120 h: alumnado novo 215 €; alumnado antigo 193 €.

• curso de 60 h: alumnado novo 125 €, alumnado antigo 103 €.

Se ten dúbidas aconséllase consultar consultar o importe co centro antes de facer o pagamento.