Tuklasin ang Nakatagong Sikreto ng Mababang Paaralan ng Lannig!

Tahimik, malinis, maaliwalas ang lugar. Disiplinado, talentado, maasahan, magagalang at aktibo ang mga mag-aaral. Magagaling, maaasahan at may paninindigan ang mga guro. Nagtutulungan, nag-uunawaan at nagkakaisa ang lahat. Ito ang aking pinapangarap na paaralan at ditto ko pala matatagpuan sa Mababang Paaralan ng Lannig.

Malinis ang paligid ng paaralan. Pagbungad mo pa lamang sa bukana ng pergola ng paaralan, makikita mon a ang kalinisan ng paaralan. Walang nagkalat na mga basura dahil ito ay ipinagbabawal sa paaralan. Magaganda ang mga namumulaklak na halaman. Hitik na hitik ang garden ng paaralan ng mga gulay na pina[akinabangan ng mga mag-aaral. Masipag pa silang mag-aral. Sa katunayan, palagi silang nakasusungkit ng matataas na pwesto sa anumang patimpalak ng DepEd at iba pang ahensya. Nagtatagumpay sila sa larangan ng isports, pamamahayag, poster at marami pang iba. Tunay na kahanga-hanga ang kagalinganag kanilang ipinapakita. Disiplinado rin ang bawat mag-aaral ng paaralan. Ipinagbabawal ang pagbubully sa kapwa nila mag-aaral. Ang bawat isa ay nagtutulungan sa pagpapanatili ng kaayusan ng paaralan. Masisipag ang mga bata sa pagpapanatili ng kagandahan ng paaralan maging sa kanilang pag-aaral.

Tinitingala ang kanilang mga guro dahil sa kanilang kahusayan sa pagtuturo. Maging sila man ay namamayagpag sa larangan ng edukasyon. Nakapag-uuwi rin sila ng karangalan. Sa katunayan, nasa paaralan ang pinakamahusay na guro at master teacher ng distrito at maging ng Division ng Cagayan. Kahit sila man ay napapagod sa buong araw na pagtuturo, tinatapos nila ang kanilang araw sa ngiti sa kanilang mga labi dahil sila ay naniniwalng sila ang katuwang upang maging maunlad ang ating bayan. Isang hiling mo lang sa kanila, tiyak na ikaw ay kanilang matutulungan. Salamat sa mga gurong walang humpay na maging sandigan ng ating bayan.

Maasahan din sa lahat ng pagkakataon ang mga magulang. Sila ang kasangga ng mga guro sap ag-unlad ng paaralan. Tunay na salat sa pasilidad ang paaralan ngunit dahil sa patuloy na suporta ng mga magulang at namumuno sa lugar, lahat ay nagagawan ng solusyon. Sama-sama ang bawat isa sa pag-iisip ng mga kaparaanan kung paano matutugunan ang pangangailangan ng paaralan. Salat man sa materyal na bagay ang karamihan, naibabahagi naman nila ang kanilang talento at panahon para sa minamahal na paaralan.

Tunay na kaygandang pagmasdan ang Mababang Paaralan ng Lannig. Dito nananamnam ang tunay na diwa ng pagiging Pilipino. Dahil sa paniniwalang ang edukasyon ang pinakamahalagang yaman na kanilang maipapamana sa kanilang mga anak, patuloy na naipapadama ang diwa ng bayanihang nanalaytay sa dugo ng bawat mamamayan ng Lannig. Patuloy silang naghahawak kamay na buhatin ang pangalan ng paaralan sa rurok ng tagumpay. Halina! Sama sama tayong isulong ang edukasyong de kalidad sa Mababang Paaralan ng Lannig. Makakaasa ka sama-sama kayo sa pagkamit ng tagumpay!