O museo do encaixe de Camariñas creouse no mes de novembro de 1996. Os obxectivos da súa creación son, entre outros:

• Promover o coñecemento e a difusión dunha práctica artesanal que permanece viva dende fai séculos en Camariñas para contribuír á promoción do patrimonio etnográfico e artístico galego.

• Recuperar pezas antigas e deseños utilizados tradicionalmente na zona.

• Potenciar o desenvolvemento e a evolución do sector do encaixe.

• Servir como instrumento mediador para o coñecemento das características culturais comúns con outros lugares ou países produtores do encaixe artesanal.

• Ofrecer un servicio cultural público que se sume aos puntos de interese turístico que posúe este municipio.