Siaradwyr Diwrnod 1

Sophie Taylor
Dirprwy Gyfarwyddwr Cyllid a Chaffael
Cartrefi Dinas Casnewydd
@SophieTNCH

Sophie yw Dirprwy Gyfarwyddwr Cyllid a Chaffael Cartrefi Dinas Casnewydd, gan arwain ar holl agweddau strategol, corfforaethol a gweithredol cyfrifeg ariannol a chynllunio rheoli trysorlys a chaffael, gan fod â rôl allweddol mewn gyrru newid diwylliannol a sefydliadol.Wrth ochr hyn, mae’n Gadeirydd Pwyllgor Archwilio a Risg Cymoedd i Arfordir lle bu’n ymwneud ag ailgynllunio dull gweithredu’r sefydliad ar reoli risg ac mae’n darparu trosolwg cadarn wrth i’r sefydliad fynd drwy gyfnod o ailstrwythuro a newid.Hi yw Cadeirydd Grŵp Cyflenwi Strategol CHC, gan gefnogi gwaith lobio ac eiriolaeth CHC ar faterion sector allweddol tebyg i ddatgarboneiddio, polisi rhent a’r system grant tai cymdeithasol.Cafodd hefyd ei phenodi yn ddiweddar i Bwyllgor Archwilio a Risg y Ffederasiwn Tai Cenedlaethol (NHF), gan roi cyfleoedd pellach i ddylanwadu ar bolisi tai ar lefel genedlaethol.

Sarah Dickins
Sustainable Economics Adviser
@Sarah_Dickins

Mae’r gohebydd sydd wedi ei gwobrwyo a’r cynhyrchydd rhaglenni dogfen, Sarah Dickins, wedi bod yn dadansoddi economi’r Deyrnas Gyfunol fel Gohebydd y BBC ers mwy na dau ddegawd. Gadawodd y BBC i sefydlu ei busnes ei hun fel Cynghorydd Economeg Gynaliadwy, gan weithio gyda chwmnïau a sefydliadau eraill i’w helpu i oresgyn rhwystrau sy’n atal newid ac yn benodol y rhwystrau sy’n arafu eu trosglwyddiad i Sero Net.

Fel gohebydd BBC yng Nghymru a thrwy’r Deyrnas Gyfunol treiddiodd dan groen diwydiannau trwm fel glo a dur, gwylio twf diwydiannau mwy newydd fel y sector technoleg, gwasanaethau ariannol ac electroneg. Yn fwy diweddar mae wedi bod yn rhoi adroddiadau am heriau Sero Net, datgarboneiddio a llunio economi gynaliadwy a mwy cydnerth.Am y deng mlynedd diwethaf mae wedi bod yn Ohebydd Economeg y BBC yng Nghymru gan weithio ar y teledu, radio ac ar-lein. Cyn hynny roedd yn cyflwyno rhaglen fusnes ddyddiol BBC 2, Working Lunch gydag Adrian Chiles a hefyd Business Breakfast BBC 1. Yn ddiweddar fe’i henwyd fel un o 100 Ysgogwr Newid Cymru gan Gomisiwn Cenedlaethau’r Dyfodol. Mae hi hefyd yn awr yn aelod o grŵp arbenigwyr Sero Net 2035 Cymru, yn chwilio am lwybrau at Sero Net yn gyflymach na tharged presennol Llywodraeth Cymru, sef 2050.

Ruth Power
Prif Swyddog Gweithredol
Shelter Cymru
@RuthPower10

Mae Ruth wedi cyflawni ymrwymiad i gyfiawnder cymdeithasol mewn amrywiol swyddi darparu gwasanaethau, polisi ac arwain yn y trydydd sector a’r sector statudol. Dechreuodd mewn gwasanaethau tai a digartrefedd awdurdodau lleol a chymdeithasau tai yng Nghaerdydd a Llundain, ac yna sefydlodd a rhedeg lloches i fenywod, ac uned mamau a babanod yn eu harddegau ar gyfer cymdeithas dai dan arweiniad pobl dduon.Ar ôl pum mlynedd fel Cyfarwyddwr Llundain yn Advice UK, roedd ganddi rolau polisi cenedlaethol a chomisiynu ym maes cyfiawnder troseddol. Ymunodd Ruth â Shelter Cymru fel Prif Swyddog Gweithredol yn ystod y pandemig.

Hannah Richardson
Swyddog Ymgysylltu Sero Net
TPAS Cymru
@hannahTPAScymru

Mae Hannah yn Swyddog Ymgysylltu Sero Net gyda TPAS Cymru ac mae’n ymdrechu i ddysgu ac ymchwilio ffyrdd i gael tenantiaid i ymwneud gyda datgarboneiddio a newid hinsawdd. Mae’n credu fod tenantiaid wrth galon datgarboneiddio tai yng Nghymru, a bod tenantiaid yn haeddu sedd wrth y bwrdd. Mae’r swydd newydd hon yn TPAS Cymru wedi galluogi Hannah i deithio ledled Cymru i ddysgu mwy am wahanol brosiectau a chynlluniau Sero Net darparwyr tai, gan ei gadael gydag ymdeimlad o ysbrydoliaeth am ddyfodol Sero Net. Mae wrth ei bodd yn gweld tenantiaid eisiau gymryd rhan yn Sero Net ac mae’r trafodaethau a gafodd gyda staff tai ar sut y gall Sero Net helpu i greu cartrefi hapusach, iachach a mwy effeithiol i bawb wedi ei chalonogi yn fawr.

Mark Jones
Swyddog Ymgysylltu Cynllunio
Cymorth Cynllunio Cymru
@planningaid

Mae Mark yn Gynllunydd Tref Siartredig ac yn aelod o’r Sefydliad Brenhinol Cynllunio Trefi (RTPI). Mae wedi gweithio yn y sectorau cyhoeddus a phreifat a chafodd ei gyflogi mewn gwaith cynllunio tref a gwlad ers 1989. Ymddangosodd fel tyst arbenigol mewn nifer fawr o ymholiadau cyhoeddus ac mae hefyd wedi rhoi tystiolaeth i Bwyllgorau Tŷ’r Cyffredin a Thŷ’r Arglwyddi.Mae Cymorth Cynllunio Cymru yn elusen gofrestredig sy’n hyrwyddo ac yn cefnogi ymgyfraniad effeithlon gan y gymuned, gan weithio i godi gwybodaeth a galluedd cymunedau i ymwneud yn effeithlon mewn materion cynllunio yng Nghymru.Mae Mark wedi gweithio gyda Cymorth Cynllunio Cymru am 5 mlynedd ac mae ganddo brofiad helaeth o lunio prosiectau ymgysylltu â’r gymuned. Mae wedi cynghori nifer o awdurdodau lleol ar ymgysylltu ar gynlluniau Datblygu Lleol ac mae’n arwain y gwaith ymgysylltu yn gysylltiedig gyda phrosiectau penodol gan gymdeithasau tai. Bu’n llwyddiannus wrth gyflwyno nifer o brosiectau a gyllidir gan Lywodraeth Cymru i gefnogi ymgysylltu â’r gymuned mewn cynllunio.

Jo Carter
Cyfarwyddwr Sefydlu
ServiceWorks
@serviceworks4

Rhedodd Jo i ffwrdd o swydd ddiogel mewn lywodraeth leol yn 2013 i gyd-sefydlu Satori Lab, lle datblygodd ymhellach ei hangerdd dros helpu pobl i ddylunio a gweithredu gwasanaethau cyhoeddus sy’n gweithio ar gyfer y bobl sy’n defnyddio ac yn eu cyflenwi – yn bennaf yng Nghymru.Wedi’i ailfrandio yn ServiceWorks ym Mawrth 2020 (yn union cyn cyrhaeddiad Covid), mae’r asiantaeth sydd â’i phencadlys yng Nghaerdydd yn adnabyddus am ei chyrsiau hyfforddi rhagorol mewn dylunio gwasanaeth sy’n canoli ar y defnyddiwr, gan helpu pobl i ddatblygu’r ffordd o feddwl, offer a dulliau sydd eu hangen i ddylunio gwasanaethau da.Yn ddiweddar bu’n gweithio gyda United Welsh, Caredig, Cymoedd i Arfordir, Cymdeithas Tai Sir Fynwy, Tŷ Cwmnïau, Llywodraeth Cymru ac Archwilio Cymru.

Chris Jofeh
Cadeirydd
Grŵp ymgynhorol Llywodraeth Cymru ar ddatgarboneiddio cartrefi presennol

Tan mis Ebrill 2018, Chris oedd arweinydd ôl-osod adeiladau byd-eang Arup, ac yn rhinwedd y swydd honno cynhyrchodd adroddiad 2016 Towards the delivery of a national residential energy efficiency programme. Cynigiodd yr adroddiad hwn gyfres o gamau i greu’r amodau cywir ar gyfer haneru yr ynni a ddefnyddir yn holl gartrefi Prydain o fewn 25 mlynedd.Mae bellach yn ymgynghorydd i Arup ac yn gadeirydd grŵp ymgynghorol annibynnol Llywodraeth Cymru ar ddatgarboneiddio cartrefi presennol. Cyflwynodd ei adroddiad “Cartrefi Gwell Cymru Well Byd Gwell” i Weinidogion Cymru ym mis Gorffennaf 2019 ac ym mis Medi 2019 fe wnaethant dderbyn pob argymhelliad. Mae Chris yn awr yn arwain y gwaith i gynghori Llywodraeth Cymru ar raglen genedlaethol o ddatgarboneiddio preswyl.

Mark Doubler
Pennaeth Eiddo
Bron Afon Community Housing

Mark sy’n arwain gwasanaeth eiddo Bron Afon gan gynnwys 150 o weithwyr uniongyrchol, rheoli asedau a thimau cydymffurfio yn ogystal â bod â chyfrifoldeb am swyddogaeth iechyd a diogelwch y sefydliad. Ar hyn o bryd mae’n gweithio ar weledigaeth 15 mlynedd ar gyfer yr adran gweithwyr uniongyrchol fydd yn nodi ymrwymiad Bron Afon i gyflawni Safonau Ansawdd Tai Cymru 2023 “yn fewnol” a gwneud y mwyaf o’r cyfle ar gyfer gwaith datgarboneiddio.Fel cyn-bennaeth Tai a Chefnogaeth, mae Mark yn falch o’i allu i roi deiliaid contract a chwsmeriaid yn ganolog i’r gwaith i wella’r gwasanaeth eiddo, gan ganolbwyntio ar ddarparu gwasanaethau sy’n cynnig gwerth gwych am arian a phrofiad rhagorol i’r cwsmeriaid.

Andrew Partington
Pennaeth Partneriaethau
NetRet Group Ltd

Andrew Partington yw Pennaeth Partneriaethau NetRet Group Cyf, gan sefydlu’r cwmni fel y darparydd Cynllun TrustMark cyntaf yng Nghymru. Mae NetRet yn cynnig ymagwedd unigryw, gan ddarparu hyfforddiant a sgiliau galwedigaethol i ôl-osod personél, gan eu galluogi i gyflawni’r safonau gweledigaethol sydd eu hangen ar gyfer ardystiad TrustMark a PAS.Mae’n rhagori mewn cyflenwi rhaglenni hyfforddiant graddfa fawr a gyrru ymgysylltu â’r farchnad i gyflawni targedau. Gan weithio gydag asiantaethau llywodraethol, mae Andrew yn darparu cymorth strategol a datrysiadau masnachol gan hybu twf a chynaliadwyedd yn y sector.Mae ei ddatrysiadau blaengar wedi bod yn llwyddiannus wrth ddatblygu llwybrau ar gyfer y sector tai cymdeithasol a chontractwyr, gan feithrin gweithlu sgilgar. Gydag arweinyddiaeth Andrew, mae NetRet yn arwain wrth hybu newid cadarnhaol yn y diwydiant.

Craig Sparrow
Cyfarwyddwr Gweithredol Datblygu
ClwydAlyn

Gweithiodd Craig ym maes tai ers 35 mlynedd gan ganolbwyntio ar ddatblygu tai yn bennaf. Yn gweithio o Ogledd Cymru, mae ar hyn o bryd yn Gyfarwyddwr Gweithredol Datblygu yn Tai ClwydAlyn gyda chyfrifoldeb am raglen ddatblygu fawr dros 7 sir a hefyd mae’n rhan o’r Tîm Arwain Gweithredol. Mae Craig yn adnabyddus yn y sector, yn Gadeirydd ar y Grŵp Cyflawni Strategol i Future Homes ac yn gefnogwr brwd i ddarparu cartrefi o’r safon uchaf sy’n gyfeillgar i’n hamgylchedd. Bu’n gweithio gyda Llywodraeth Cymru ar nifer o gynlluniau, gan gynnwys cyflawni’r Hyb Sero Carbon i Gymru, mae’n angerddol am weithio mewn partneriaeth a dod o hyd i ffyrdd newydd a blaengar o gyflawni mwy o gartrefi a chartrefi gwell. Mae Craig yn byw yng Ngogledd Cymru, mae ganddo ddwy ferch ac mae’n mwynhau teithio i brofi diwylliannau gwahanol.

Roisin Willmott
Cyfarwyddwr
Sefydliad Brenhinol Cynllunio Trefi
@RTPICymru

Mae Roisin yn Gynllunydd Trefi Siartredig ac yn Gyfarwyddwr y RTPI, gan arwain polisi ac aelodau gwasanaethau RTPI yng Nghymru a Gogledd Iwerddon, a Planning Aid England.Bu gan Roisin nifer o swyddi mewn llywodraeth leol a’r sector addysg bellach yn datblygu a chyflenwi cynlluniau adfywio ac mae wedi gweithio mewn ymgynghoriaeth economaidd a chynllunio ar draws y Deyrnas Unedig ac Ewrop. Yn 2017, dyfarnwyd OBE i Roisin am wasanaethau i gynllunio yng Nghymru.

Sarah Williams
Pennaeth Strategaeth Gorfforaethol a’r Swyddfa Rheoli Rhaglenni
Cyfoeth Naturiol Cymru

Sarah sy’n arwain yr Adran Strategaeth Gorfforaethol, a dros y 12 mis diwethaf mae wedi canolbwyntio ar baratoi cynllun corfforaethol newydd Cyfoeth Naturiol Cymru – Natur a Phobl yn Ffynnu Gyda’i Gilydd. Yn wyddonydd cymdeithasol ac economegydd gyda PhD mewn rheolaeth amgylcheddol o Brifysgol Hull, mae ganddi 25 mlynedd o brofiad o weithio gyda phroblemau amgylcheddol cymhleth yn y sector cyhoeddus, ymgynghoriaeth a’r maes academaidd. Ar ôl datblygu’r cynllun corfforaethol newydd, mae Sarah yn canolbwyntio ar ail osod fframwaith perfformiad Cyfoeth Naturiol Cymru i sicrhau bod yr adnoddau yn eu lle tu ôl i’r tri amcan llesiant. Wedi ei geni a’i magu yn bumed cenhedlaeth ar fferm yng nghanolbarth Cymru, mae gan Sarah ddealltwriaeth ddofn o’r heriau sy’n wynebu cymunedau gwledig ac amaethyddol Cymru.

Paul Stevens
Cyfarwyddwr Gweithredol
Centrus
@_Centrus

Mae Paul yn un o sylfaenwyr Centrus gyda dros 25 mlynedd o brofiad bancio corfforaethol a gafodd gyda Lloyds a Santander a phrofiad cynghori ar draws codi cyfalaf ac ailstrwythuro, cyfuno a chaffael, trysorlys a deilliadau. Rhoddodd gyngor i amrywiaeth o sefydliadau ar draws gwahanol sectorau, gan gynnwys tai, adfywio, eiddo, addysg, gofal iechyd ac elusennau. Mae gan Paul MBA o Henley lle’r oedd ei draethawd terfynol yn canolbwyntio ar Gyfrifoldeb Cymdeithasol Corfforaethol ac Ymgysylltu Effeithiol â Rhanddeiliaid.

Arun Poobalasingam
Pennaeth Rheoli Perthynas
The Housing Finance Corporation

Ymunodd Arun â THFC yn Awst 2021 fel Pennaeth Rheoli Perthynas a Datblygu Busnes. Ymunodd o HSBC lle’r oedd yn helpu i sefydlu ac yna bu’n arwain eu busnes tai cymdeithasol yn canolbwyntio yn bennaf ar gymdeithasau tai mwy. Ar ôl dechrau ei yrfa yn gweithio i Diageo, symudodd i Network Rail i weithio fel modelydd ariannol ac yna symud i’r tîm Trysorlys a gododd dros £20bn o ddyled trwy’r Marchnadoedd Cyfalaf Byd-eang yn ystod ei gyfnod. Gadawodd yn 2007 i ymuno â thîm eiddo HSBC ar gyfnod diddorol i’r sector ac arbenigodd mewn eiddo am y rhan fwyaf o’i amser yno. Yn THFC mae’n gyfrifol am y tîm Rheoli Perthynas trwy’r Deyrnas Gyfunol.

Rachel Orgill-Harris
Partner
Devonshires

Mae Rachel yn Bartner yn y Tîm Bancio. Mae’n cynghori ar amrywiaeth o drefniadau ariannol, yn cynnwys materion bond cyhoeddus, lleoliadau preifat, cyfleusterau benthyca, cytundebau cyllido rhyng-grŵp, ailstrwythuro cyfleusterau, ail-gyllido grwpiau a deilliadau cyfradd log. Prif arbenigedd Rachel yw cynghori dyroddwyr ar faterion bondiau cyhoeddus a rhaglenni bond gwerth miliynnau o bunnau ac mae hefyd yn aml yn gweithredu ar gyfer cleientiaid ar eu gwerthiannau bond a gadwyd a diweddariadau rhaglen EMTN. Mae gan Rachel hefyd brofiad sylweddol mewn cydsyniadau uno ac ail-gyllido ar ôl gweithredu ar uniadau Southern Housing a Notting Hill Genesis, ymysg eraill.

Bethan Gladwyn
Partner, Pennaeth Rheoli Tai
Hugh James

Bethan yw pennaeth y tîm rheoli tai o ganlyniad i’w gallu a’i gwybodaeth arbenigol yn ei maes o’r gyfraith, gan iddi ymarfer ym maes tai cymdeithasol ac ymddygiad gwrthgymdeithasol yn unig ers iddi gymhwyso yn 2003.Yn arbenigwr mewn cyfraith ac ymarfer tai cymdeithasol, ymddygiad gwrthgymdeithasol a landlord a thenant (preswyl), cynorthwyodd Bethan wrth sefydlu uned ymddygiad gwrthgymdeithasol gyntaf Cymru yn Hugh James. Mae ganddi dros 15 mlynedd o brofiad yn cynghori awdurdodau lleol a landlordiaid cymdeithasol cofrestredig ar bob mater rheoli tai a gorfodi tenantiaeth, yn arbennig o ran camau i atal niwsans ac ymddygiad gwrthgymdeithasol.

Harry Cursham
Rheolwr Gyfarwyddwr/Sylfaenydd
Vivus Solutions

Cafodd Harry bron 40 mlynedd o brofiad mewn gwaith adeiladu traddodiadol a chalch trwy’r Deyrnas Gyfunol ac Ewrop. Arweiniodd y profiad unigryw a’r gwersi a ddysgodd at ‘Y Datrysiad Vivus’ a’r defnydd o ddeunyddiau a thechnegau priodol ar y cyd er mwyn cyflawni ein gofynion ‘modern’ y mae eu hangen ar frys. Mae Vivus yn awr yn ymwneud â’r Sector Tai Cymdeithasol, gan gyflenwi a gosod rendr aer-calch EWI a phlaen a ddatblygwyd gan Vivus, sy’n gweithio ar y cyd â’r rendr sydd yno’n barod. Mae’r EWI yn awr yn dangos perfformiad sy’n newid safonau fel datrysiad i adeiladau hŷn sy’n tangyflawni. Gall ddatrys oerfel, lleithder a llwydni gan arwain at well iechyd a lleihau tlodi tanwydd, effeithlonrwydd carbon, effeithlonrwydd ynni – mae’r rhestr bron yn ddiddiwedd. Cred Harry bod POB hen adeilad yn werth ei drin, y gellir ei drin yn briodol a’i annog i berfformio yn y ffordd yr oedd wedi ei ddylunio yn hanesyddol i wneud - i ddiogelu’r preswylwyr - pam arall gawson nhw eu hadeiladu? “Trwy eu diogelu hwy, maen nhw yn eu tro yn ein diogelu ni.”

Helen White
Chief Executive
Tai Taff

Helen yw Prif Weithredwr Taff Housing yn Nhreganna, Caerdydd. Maent yn darparu cartrefi a gwasanaethau i dros 5,000 o bobl ar draws De Ddwyrian Cymru. Mae Helen yn angerddol am ddarparu cartrefi a gwasanaethau gwych. Mae hefyd yn aelod o fwrdd Gyrfa Cymru, Sefydliad Pêl-droed Cymru a TPAS Cymru.

Siân Diaz
Cyfarwyddwr Datblygu
Linc Cymru
@diaz_sian

Siân Diaz, y Cyfarwyddwr Datblygu sy’n arwain Tîm Datblygu Linc gyda chyfrifoldeb am gyflawni rhaglen tai fforddiadwy wedi eu hadeiladu o’r newydd ar draws De Cymru. Hi hefyd sy’n goruchwylio gweithgareddau Gwerth Cymdeithasol a Manteision Cymunedol y sefydliad ac mae’n cael ei gyrru ymlaen gan yr awydd i ddarparu’r effeithiau cadarnhaol mwyaf trwy’r prosiectau y mae Linc yn eu cyflawni.Cyn ymuno â Linc ym Medi 2021 roedd Siân yn swydd Uwch Reolwr Datblygu yn Lovell lle’r oedd wedi gweithio ers dros 16 mlynedd. Cychwynnodd ei gyrfa gyda Countryside Properties ar ôl graddio yn 1999.Mae gan Siân radd mewn Cynllunio Tref a Rhanbarthol, Diploma Syrfëwr ac mae’n Syrfëwr Siartredig RICS (Cynllunio a Datblygu).Mae’n eithriadol o angerddol am dai, datblygu ac adfywio ac mae’n cael ei gyrru gan ei hawydd i wneud newid cadarnhaol i fywydau pobl trwy gyflawni cymunedau cynaliadwy.

Louise Attwood
Cyfarwyddwr Gweithredol Eiddo
Linc Cymru

Louise Attwood a’i thîm sy’n gyfrifol am gyflawni strategaeth fusnes a thwf newydd ysefydliad ar draws ein cartrefi ar rent cymdeithasol a rhent y farchnad, yn ogystal âbusnes byw’n annibynnol Linc. Yn ychwanegol mae Louise hefyd yn gyfrifol am arwain apherfformiad Rheoli Asedau, Iechyd a Diogelwch a Thimau Adfywio Cymunedol Linc.

Debansu Das
Cyfarwyddwr Datblygu Busnes
Zed Pods Limited
@debansudas

Mae Debansu yn angerddol am dai, cynaliadwyedd, ac amrywiaeth. Mae’n pledio achos adeiladu oddi ar y safle yn y sector tai cymdeithasol trwy weithio mewn partneriaeth ac ar y cyd.Mae hefyd yn eiriol dros Werth Cymdeithasol Zed Pods, contractwr menter fach i ganolig arbenigol sy’n dylunio ac adeiladu cynlluniau tai modiwlaidd dim carbon i aelwydydd bregus.Debansu sy’n gweithredu fel catalydd i’r prosiectau yma ddwyn ffrwyth, mae’n helpu cleientiaid i oresgyn rhwystrau a datgloi safleoedd cyfyng ar gyfer cartrefi ar rent cymdeithasol. Mae’n gweithio gyda’r holl randdeiliaid, o’r rhai sy’n gwneud y penderfyniadau i reolwyr prosiect, o lunwyr polisïau i gymunedau lleol, i gyflawni manteision economaidd, gwella cydraddoldeb cymdeithasol, a diogelu’r amgylchedd. Mae ganddo dros ddau ddegawd o brofiad yn y sector hwn ac mae’n lladmerydd cydraddoldeb, amrywiaeth a chynhwysiant mewn gweithleoedd, ymhlith cadwyni cyflenwi a chymunedau o breswylwyr. Debansu yw Cadeirydd y “Rhwydwaith Amrywiaeth Tai”, sy’n arbenigo mewn rhoi hyfforddiant mewnol mewn cydraddoldeb, amrywiaeth a chynhwysiant a helpu unigolion i gynyddu hyder trwy raglenni “mentora” adnabyddus.

Imran Mubeen
Cyfarwyddwr y Trysorlys
Bromford

Imran sy’n arwain y tîm trysorlys yn y Bromford Housing Group, cymdeithas dai sydd â dros 46,000 o gartrefi gan wasanaethu dros 100,000 o gwsmeriaid yng Ngorllewin Canolbarth Lloegr a Gorllewin Lloegr.

Cododd Imran dros £1bn o gyllid newydd trwy fuddsoddwyr yn y Deyrnas Gyfunol a thramor, gan gyhoeddi bond cyhoeddus cyntaf y grŵp a’r leoliad preifat cychwynnol. Mae wedi arloesi o ran cyllid cynaliadwy, gan ddarparu’r benthyciadau cyntaf i gysylltu bod yn wyrdd a llywodraethu yn y sector tai cymdeithasol.

Cyhoeddodd Imran fframwaith cyllid cynaliadwy Bromford a achredwyd a sefydlu adroddiad effaith y grŵp ar gynaliadwyedd sydd yn awr yn cael ei ddarparu yn flynyddol.

Mae Imran yn parhau i yrru llwyfan cyfradd gredyd ddeuol Bromford, sy’n arwain y sector, gyda Moody’s (A2) a S&P (A+) ac mae’n un o’r prif yrwyr syniadau yn y sector ar bob mater sy’n ymwneud â chyllid a thrysorlys.

Ian Walters
Pennaeth Rheoleiddio
Llywodraeth Cymru

Tori James
Anturiaethwr a Siaradwr
@torijtweets

Tori James yw’r fenyw gyntaf o Gymru i ddringo Mynydd Everest. Mae Tori’n un o sêr y rhaglen ddogfen gan y BBC ‘On Top of the World’ ac yn awdur y gyfrol ‘Peak Performance’.Yn 2005 roedd yn aelod o’r Pink Lady PoleCats, y tîm cyntaf o ddim ond menywod i gwblhau ras 360 milltir anodd iawn i Begwn Magnetig y Gogledd. Ym Mehefin 2014 roedd Tori’n rhan o’r tîm Beeline Britain a ddaeth yn dîm cyntaf i deithio mewn llinell syth o Land’s End i John O’Groats. Roedd y daith 1,100km hon yn golygu taith caiac ar y môr a dorrodd record ac fe’i cofnodir yn y ffilm ‘As The Crow Flies’ sydd wedi ei gwobrwyo.Mae Tori yn byw yng Nghaerdydd. Mae’n anturiaethwr a siaradwr ysgogi. Tori yw Llywydd Girlguiding Cymru, mae’n Gymrawd i Fforio Prydain ac yn llysgennad i Wobr Dug Caeredin yng Nghymru.

Page updated

Report abuse