Siaradwyr Diwrnod 2
Siaradwyr Diwrnod 2
Embedded Files
Craig Sparrow
Cyfarwyddwr Gweithredol Datblygu
ClwydAlyn
Gweithiodd Craig ym maes tai ers 35 mlynedd gan ganolbwyntio ar ddatblygu tai yn bennaf. Yn gweithio o Ogledd Cymru, mae ar hyn o bryd yn Gyfarwyddwr Gweithredol Datblygu yn Tai ClwydAlyn gyda chyfrifoldeb am raglen ddatblygu fawr dros 7 sir a hefyd mae’n rhan o’r Tîm Arwain Gweithredol. Mae Craig yn adnabyddus yn y sector, yn Gadeirydd ar y Grŵp Cyflawni Strategol i Future Homes ac yn gefnogwr brwd i ddarparu cartrefi o’r safon uchaf sy’n gyfeillgar i’n hamgylchedd. Bu’n gweithio gyda Llywodraeth Cymru ar nifer o gynlluniau, gan gynnwys cyflawni’r Hyb Sero Carbon i Gymru, mae’n angerddol am weithio mewn partneriaeth a dod o hyd i ffyrdd newydd a blaengar o gyflawni mwy o gartrefi a chartrefi gwell. Mae Craig yn byw yng Ngogledd Cymru, mae ganddo ddwy ferch ac mae’n mwynhau teithio i brofi diwylliannau gwahanol.
Julie James AS
Y Gweinidog Newid Hinsawdd
Llywodraeth Cymru
Ganed Julie James yn Abertawe ond treuliodd gryn dipyn o’i hieuenctid yn teithio o gwmpas y byd gyda’i theulu. Dechreuodd ar ei gyrfa yn Llundain ond symudodd yn ôl i Abertawe gyda’i gŵr i fagu eu tri phlentyn ac i fod yn nes at ei theulu. Mae Julie yn hollol ymrwymedig i faterion gwyrdd, yn frwd o blaid materion yn ymwneud â’r amgylchedd ac wrth ei bodd hefyd yn nofio ac yn sgïo.Hyd nes iddi gael ei hethol yn Aelod Seneddol dros Gorllewin Abertawe roedd Julie yn gyfreithwraig amgylcheddol a chyfansoddiadol flaenllaw. Cyn hynny, roedd yn brif weithredwr cynorthwyol Cyngor Abertawe. Treuliodd y rhan fwyaf o’i gyrfa fel cyfreithwraig ym maes llywodraeth leol gan weithio fel cyfreithwraig bolisi gyda Bwrdeistref Llundain Camden cyn dychwelyd i Abertawe i weithio i Gyngor Sir Gorllewin Morgannwg ac yna Dinas a Sir Abertawe.Penodwyd Julie James yn Ddirprwy Weinidog Sgiliau a Thechnoleg ym mis Medi 2014. Ym mis Mai 2016, penodwyd Julie yn Weinidog dros Sgiliau a Gwyddoniaeth. Penodwyd Julie yn Arweinydd y Tŷ a’r Prif Chwip ar 3 Tachwedd 2017. Ar 13 Rhagfyr 2018 penodwyd Julie yn Weinidog Tai a Llywodraeth Leol. Penodwyd Julie yn Weinidog Newid Hinsawdd ar 13 Mai 2021.
Maria Vassilakou
Sylfaenydd a Phrif Swyddog Gweithredol
Vienna Solutions - Vassilakou Urban Consulting
Bu Maria Vassilakou yn Ddirprwy Faer yn Fienna oedd yn gyfrifol am Gynllunio Trefol, Traffig a Chludiant, Diogelu’r Hinsawdd, Ynni a Chyfranogiad y Cyhoedd (2010 -2019). Mae’n arweinydd trefol profiadol, yn ymroddedig i ddinasoedd agored, cynhwysol a gwyrdd, gydag angerdd am brosesau trawsnewid trefol sy’n arwain at newid cynaliadwy.Yn ystod ei 9 mlynedd fel Dirprwy Faer, roedd Maria Vassilakou yn gyfrifol am agenda drawsnewid anferth gan gyfrannu’n sylweddol at safle amlwg Fienna ar bob graddfa llefydd gorau i fyw yn fyd-eang. Roedd ei hagenda yn cynnwys, ymhlith eraill, trosi nifer o safleoedd tir llwyd mawr yn ardaloedd trefol modern gyda hyd at 2/3 yn unedau fforddiadwy.Ar ôl sefydlu Vassilakou Urban Consulting GmbH - Vienna Solutions, mae Maria Vassilakou yn awr yn gweithio fel lluniwr strategaethau a chynghorydd byd-eang ar drawsnewid trefol a rheoli trosi, gan rannu ei phrofiad a’i gwybodaeth am ddinas orau i fyw ynddi’r byd, Fienna, gyda dinasoedd, sefydliadau anllywodraethol, sefydliadau a chorfforaethau trwy’r byd.
Clare Hollinshead
Rheolwr Tai a Datblygu
Tai Pawb
Cychwynnodd Clare ei gyrfa fel gwirfoddolwr llawn amser mewn hosteli i’r digartref yn Llundain, a arweiniodd at swyddi amrywiol sydd yn cefnogi pobl oedd mewn risg o fynd yn ddigartref ac yna rheoli prosiect tai adsefydlu ar gyfer cyn-droseddwyr.
Symudodd Clare i Gymru yn 2005 a mwynhaodd flynyddoedd lawer yn rheoli prosiect mawr, llety â chymorth i fenywod yng Nghaerdydd lle’r oedd yn falch o weld menywod ifanc yn cael eu grymuso i gyflawni eu potensial. Defnyddiodd Clare ei sgiliau hefyd i gefnogi elusen dai lai fel ymddiriedolwr.
Mae gan Clare radd mewn Gwleidyddiaeth a Chymdeithaseg ac MA mewn Polisi Cymdeithasol a Throseddeg. Mae Clare hefyd wrth ei bodd yn teithio ar ei he-feic – yr unig ffordd y mae’n gallu cadw ar yr un cyflymder â’i phlant!
Symudodd Clare i Gymru yn 2005 a mwynhaodd flynyddoedd lawer yn rheoli prosiect mawr, llety â chymorth i fenywod yng Nghaerdydd lle’r oedd yn falch o weld menywod ifanc yn cael eu grymuso i gyflawni eu potensial. Defnyddiodd Clare ei sgiliau hefyd i gefnogi elusen dai lai fel ymddiriedolwr.
Mae gan Clare radd mewn Gwleidyddiaeth a Chymdeithaseg ac MA mewn Polisi Cymdeithasol a Throseddeg. Mae Clare hefyd wrth ei bodd yn teithio ar ei he-feic – yr unig ffordd y mae’n gallu cadw ar yr un cyflymder â’i phlant!
Gareth Lynn Montes
Polisi Tai a arweinydd ymchwil
Cyngor ffoaduriaid Cymru
Gareth works policy, especially housing, for the Welsh Refugee Council to ensure there are more pathways into housing for asylum seekers and refugees.
Helen White
Prif Weithredwr
Tai Taff
Helen yw Prif Weithredwr Taff Housing yn Nhreganna, Caerdydd. Maent yn darparu cartrefi a gwasanaethau i dros 5,000 o bobl ar draws De Ddwyrian Cymru. Mae Helen yn angerddol am ddarparu cartrefi a gwasanaethau gwych. Mae hefyd yn aelod o fwrdd Gyrfa Cymru, Sefydliad Pêl-droed Cymru a TPAS Cymru.
Susan Lloyd-Selby
Arweinydd Rhwydwaith Cymru
Trussell Trust
Arweinydd Rhwydwaith Cymru: Polisi a Materion Cyhoeddus Sefydlodd Susan fanc bwyd 11 mlynedd yn ôl ac ar ôl clywed am gymaint o bobl yn sôn am y dewisiadau amhosibl y maent yn eu hwynebu bob dydd, sylweddolodd nad banciau bwyd yw’r ateb pan fydd pobl yn mynd heb bethau hanfodol yn un o’r economïau mwyaf cyfoethog yn y byd.Ymunodd â’r Trussell Trust 9 mlynedd yn ôl ac mae’n awr yn canolbwyntio ar bolisi a materion cyhoeddus yng Nghymru, gan ddynodi’r newid sydd ei angen - yn neilltuol gan y Llywodraeth - i ddod â’r angen am fanciau bwyd i ben.Cred Susan nad yw bod heb ddigon o fwyd yn anochel a bod gobaith. Mae rhwydwaith gynyddol o bobl yng Nghymru sy’n credu bod gwell yn bosibl a bod y map ar gyfer ei gyflawni yn dod yn fwy clir.Mae ganddi ddiddordeb arbennig mewn cysylltu gyda sefydliadau ac unigolion sy’n rhannu’r gobaith ystyfnig hwnnw ac am weithio gyda’i gilydd i’w droi’n ffaith.
Emma Fish
Arweinydd Gwasanaeth – Tai a Phrofiad Cwsmeriaid
Bron Afon Community Housing
Bu Emma’n gweithio yn y sector tai cymdeithasol ers dros 20 mlynedd. Ar hyn o bryd mae Emma’n arwain y gwasanaeth Tai a Phrofiad Cwsmeriaid yn Tai Cymunedol Bron Afon. Mae Bron Afon yn landlord cymdeithasol Trosglwyddo Gwirfoddol ar Raddfa Fawr, sy’n rheoli dros 8000 o denantiaethau. Emma sy’n gyfrifol am y timau sy’n wynebu’r cwsmeriaid yn y sefydliad gan gyflawni pob math o reolaeth tai, gan gynnwys rheoli incwm, dyraniadau ac ymddygiad gwrthgymdeithasol. Mae’n arwain y timau sy’n ymdrin ag ymholiadau cwsmeriaid i’r sefydliad trwy sianeli ffôn a digidol. Mae hefyd yn gyfrifol am y timau ansawdd o gwsmeriaid sy’n ymdrin â chwynion ffurfiol, cysylltiadau a chynghorwyr a thrawsnewid digidol. Mae Emma’n angerddol am wella bodlonrwydd cwsmeriaid a chyflawni gwelliant parhaus yn y gwasanaethau sy’n bodloni anghenion y cwsmeriaid wrth iddynt newid. Mae’n hyrwyddo cydweithio effeithiol ar draws y gwasanaethau, sydd wedi creu deilliannau llwyddiannus i gwsmeriaid a chydweithwyr.
Stuart Fitzgerald
Dirprwy Gyfarwyddwr, Cartrefi a Lleoedd
Llywodraeth Cymru
Jo Valentine
Dirprwy Gyfarwyddwr, Yr Adran Llety Dros Dro
Llywodraeth Cymru
Craig O'Connor
Cadeirydd
Cymdeithas Swyddogion Cynllunio Cymru (POSW)
Craig O’Connor yw cadeirydd presennol Cymdeithas y Swyddogion Cynllunio yng Nghymru (POSW) ac mae’n Bennaeth Cynllunio yng Nghyngor Sir Fynwy.
Mae ganddo wybodaeth eang am arwain ar gyflawni’r gwasanaeth Rheoli Datblygu, Polisi Cynllunio a Rheoliadau Adeiladu. Mae ganddo hefyd brofiad o weithio fel ymgynghorydd cynllunio preifat yng Ngogledd Iwerddon gan weithio gyda Chyngor i wella cyflawni’r gwasanaeth cynllunio. Mae’n angerddol am wasanaeth cyhoeddus a sicrhau bod y gwasanaeth cynllunio yn canolbwyntio ar y cwsmer, yn effeithlon ac yn cefnogi cyflawni ffurfiau cynaliadwy o ddatblygu yn y lleoliad cywir.
Mae ganddo brofiad sylweddol o weithio ar draws nifer o asiantaethau i ddatrys problemau penodol a chred bod angen i’r gwasanaeth cynllunio fod yn effeithlon, gwydn ac yn gallu addasu i ymdrin â’r heriau sy’n newid yn barhaus sy’n wynebu’r diwydiant datblygu.
Mae ganddo wybodaeth eang am arwain ar gyflawni’r gwasanaeth Rheoli Datblygu, Polisi Cynllunio a Rheoliadau Adeiladu. Mae ganddo hefyd brofiad o weithio fel ymgynghorydd cynllunio preifat yng Ngogledd Iwerddon gan weithio gyda Chyngor i wella cyflawni’r gwasanaeth cynllunio. Mae’n angerddol am wasanaeth cyhoeddus a sicrhau bod y gwasanaeth cynllunio yn canolbwyntio ar y cwsmer, yn effeithlon ac yn cefnogi cyflawni ffurfiau cynaliadwy o ddatblygu yn y lleoliad cywir.
Mae ganddo brofiad sylweddol o weithio ar draws nifer o asiantaethau i ddatrys problemau penodol a chred bod angen i’r gwasanaeth cynllunio fod yn effeithlon, gwydn ac yn gallu addasu i ymdrin â’r heriau sy’n newid yn barhaus sy’n wynebu’r diwydiant datblygu.
Brendan Sarsfield
Cadeirydd
Sustainability for Housing
Treuliodd Brendan 20 mlynedd yn Brif Swyddog Gweithredol ar Gymdeithasau Tai yn Lloegr ond gadawodd Peabody 18 mis yn ôl. Yn awr mae’n Gadeirydd ar Sustainability for Housing; yn Ymgynghorydd yn NEC Software; yn Ymddiriedolwr o Hestia (asiantaeth cefnogi argyfwng): ac yn gweithio ar nifer o brosiectau tymor byr yn gysylltiedig â thai. Mae Brendan yn angerddol am dai cymdeithasol a chymdeithasau tai fel model ar gyfer cyflawni cartrefi a gwasanaethau o safon. Mae’n gredwr mawr mewn cymdeithasau tai fel sefydliadau sy’n cael effaith gadarnhaol ar gymunedau, lleoedd a phobl.
Natalie Swales
Partner
Devonshires
Mae Natalie yn Bartner yn ein Tîm Bancio Leeds sy’n arbenigo mewn gwaith cyllid trafodion digynnen. Mae Natalie yn arbenigo yn bennaf mewn cyllid tai cymdeithasol a fforddiadwy (yn cynnwys benthyca cysylltiedig â chynaliadwyedd) a chyllid prosiect. Mae ganddi brofiad eang yn cynghori benthycwyr, trefnwyr bondiau preifat ac ymddiriedolwyr ar ystod o drefniadau ariannol, yn cynnwys materion bond preifat, benthyca gyda gwarant a diwarant, ailstrwythuro cyfleusterau, benthyca cysylltiedig â chynaliadwyedd, cytundebau cyllido rhyng-grŵp, trefniadau mentrau ar y cyd, ail-gyllido grwpiau yn deillio o uno/ad-drefnu grwpiau a deilliadau cyfradd llog. Yn ogystal â negodi dogfennau cyfleusterau/bond, mae Natalie hefyd yn cynghori ar drefniadau gwarantau, gan weithio’n agos gyda’r Tîm Arwystlo Eiddo.
Emily Berry
Rheolwr Partneriaeth
Utility Aid
Mae Emily yn angerddol am gefnogi’r trydydd sector i arbed amser ac arian ar eu darpariaeth ynni. Cred bod cydweithio’n allweddol wrth gyflawni dyfodol cynaliadwy ac mae’n cynnal gweminarau a grwpiau trafod yn gyson i roi awgrymiadau a fydd yn eich helpu i ddynodi meysydd posibl i adfer costau a’ch cefnogi wrth leihau’r defnydd o ynni a lleihau gwastraff.
Kaylea McKenna
Arweinydd Tai
Utility Aid
Mae Kailea yn angerddol am gefnogi’r trydydd sector i arbed amser ac arian ar eu darpariaeth ynni. Gan weithio fel arweinydd tai Utility Aid, mae Kaylea yn ymwybodol iawn o’r heriau y mae’r sector tai yn eu hwynebu ac yn defnyddio’r wybodaeth hon i helpu i siapio ein gwasanaethau a darparu atebion.
Antoine Pellet
Arweinydd Perthynas Cwsmeriaid
HACT
Antoine sy’n arwain y rhaglen Credydau Ôl-osod yn HACT. Mae ganddo radd Baglor a Meistr yn y maes amgylcheddol ac mae ganddo dair blynedd o brofiad yn gweithio yn y sector tai cymdeithasol.Mae Antoine wedi bod yn rhan o sefydlu a thwf y rhaglen Credydau Ôl-osod. Mae’n chwarae rhan allweddol yn helpu i ddatblygu Credydau Ôl-osod a symud y rhaglen yn ei blaen ar adeg pan fo’r amgylchedd a lleihau allyriadau carbon wedi dod yn un o’r ffactorau allweddol yn y sector, o ran gwella cartrefi i breswylwyr a thaith y sector tuag at ei nodau sero net.
Simon Turek
Rheolwr Gyfarwyddwr
Arctica Partners
@tureksa
Simon yw sylfaenydd Arctica Partners, sydd wedi llunio partneriaeth gydag Ymddiriedolaeth Elusennol y Cymdeithasau Tai i greu Credydau Ôl-osod, prosiect credydau carbon i’r sector tai cymdeithasol. Mae’n gyfrifol am y cysyniad gwasanaeth a datblygu’r fethodoleg i fesur y gostyngiadau mewn allyriadau ac ychwanegolrwydd gweithgaredd ôl-osod.Mae gan Simon dros 15 mlynedd o brofiad yn y marchnadoedd carbon ac ariannol. Mae’n gyfreithiwr cymwys ac wedi gweithio fel rheoleiddiwr yn y Deyrnas Gyfunol ac yn yr Undeb Ewropeaidd. Bu Simon yn ymwneud â llywodraethu Cymdeithasau Tai ers 2010. Ar hyn o bryd mae’n Aelod o Fwrdd ac yn Gadeirydd ar Bwyllgor Cyllid y Gymdeithas Dai yn Llundain, Poplar HARCA.
Clare Folland-Nickels
Uwch Drawsgludwr Trwyddedig
Hugh James
Mae Clare yn Uwch Drawsgludwr Trwyddedig yn y tîm Eiddo yn Hugh James. Bu’n gweithio yn Hugh James ers dros 7 mlynedd ac mae wedi arbenigo mewn cyfraith eiddo ers 15 mlynedd.Mae ganddi brofiad yn cynghori cleientiaid masnachol a landlordiaid cymdeithasol cofrestredig ar draws y sbectrwm llawn o broblemau tai, gan gynnwys caffael safleoedd datblygu, cynghori yng nghyswllt cytundebau adrannau, caffael eiddo, gwerthu eiddo a sefydlu safle o ran safleoedd datblygu preswyl.
Rhian Price
Cyfreithiwr Eiddo Masnachol
Hugh James
Mae Rhian yn Gyfreithiwr yn y tîm Eiddo yn Hugh James. Ar ôl gweithio yn Hugh James am bron i 5 mlynedd mewn cyfraith eiddo mae wedi cymhwyso yn Gyfreithiwr yn ddiweddar. Mae ganddi brofiad yn cynghori cleientiaid masnachol, cymdeithasau tai, cynghorau lleol a landlordiaid cymdeithasol cofrestredig ar draws y sbectrwm llawn o broblemau tai, gan gynnwys cynghori yng nghyswllt perthynas landlord a thenant, caffael eiddo, gwerthu eiddo a hawddfraint.
Helga Warren
Rheolwr Gweithredu
Llywodraeth Cymru
Sian Coggins
Pennaeth Cyllid Tai
Llywodraeth Cymru
Carrie Satherley
Pennaeth Cyllido Blaengar
Llywodraeth Cymru
Page updated
Report abuse