METODOLOGIA

1) Berotzeko eta sakontzeko jarduerak banaka burutuko dituzue.

--Classroomean izango dituzue eskuragarri.

--Txosten batean izango dituzue jarduera guztiak ondo azalduta eta ebatzita.

--Jarduerak ordenean egin behar dituzue, jarduera bat eginda duzuenean irakasleari eman behar diozue (classroomean "entregar" aukera erabilita)

2) Ikerkuntza eta ekoizpen jardueretan ikasketa kooperatiboan oinarrituko gara lan egiterako orduan.

--Hiru ikaslez osaturiko taldeak egingo ditugu, talde barruan bakoitzari rol ezberdinak egokituz.

--Rolak aldatuz joango dira jarduera aldatzen den heinean. Problema ebazteko talde bakoitzean zein neurketa-metodoari jarraitu behar dioten erabakiko dute.

--Aurretik ikusitako ebazpen teorikoan oinarriturik, kaleko jarduera bakoitzean bi ikaslek angeluak eta distantziak neurtuko dituzte. Hirugarren ikasleak, argazki erreal bat erabiliz eskema irudikatuko du eta hartutako datuak adiraziko ditu, eta jarduera osoaren bideo grabazioa egingo du.

--Azkenik, talde kide guztien artean, beharrezko kalkulu trigonometrikoak egingo dituzte buruketa ebazteko, eta lana eginiko eskeman adieraziko dute txukun.

--Jarduera bakoitza egin ostean, ikasleek, guztion artean, irakasleak emandako txosten-fitxa beteko dute: aspektu hauek kontuan hartuta:

kolaboratiboki hartutako erabakiak,

izan dituzten arazoak,

hartutako neurriak,

kalkulu matematikoak...

--Talde bakoitzeko kide guztiek klinometroa eraiki behar dute.

--Jarduera guztiak amaitzean, bideo bat prestatuko eta editatuko dute proiektu osoa azalduta.

3) Unitate honen amaieran, ikasle bakoitzak ekintza osoaren laburpena eta iritzi kritikoa (autoebaluazioa) idatziko ditu bere blogean