Antonia Ferrín

(Ourense 1914- Santiago de Compostela 2009) 

Foi unha matemática e astrónoma galega que obtivo as licenciaturas de químicas, farmacia e matemáticas e que traballou de mestra de escola, de instituto e de universidade. Destacou como investigadora, publicando en revistas especializadas como Urania, e foi a primeira muller en defender unha tese de astronomía en España: Observacións de pasos por dúas verticais, dirixida por Ramón María Aller . Realizou esta tese na Universidade de Santiago de Compostela. Foi a madriña dos 50 anos da licenciatura de matemáticas da Universidade de Santiago de Compostela.