Sugjerime
Pyetje orientuese
Një artikull i mirë merr në konsideratë dy aspekte kryesore, të cilët në mënyrë të përmbledhur janë:
trajtimi i tematikës: ky aspekt lidhet me përmbajten apo gjërat substanciale të kërkimit. Gjykohet si mënyrë e mirë që gjatë punës kërkimore të mundoheni t'i përgjigjeni këtyre pyetjeve:
Për abstraktin:
A është përmbledhur gjithçka në pak fjalë?
Për problemin e kërkimit:
A paraqitet një nevojë për një njohje më të mirë apo për të hedhur dirtë mbi një problem?
Cili është qëllimi i studimit? Po hipotezat, objektivat apo pyetjet e kërkimit?
Kujt i adresohet studimi? Cilët janë palët e interesuara për të?
Cila është e raja që sjell studimi? Në ç'aspekt shihet kjo risi?
Për teorinë:
Çfarë thotë teroria e deritanishme për problemin në studim? A është ajo e konsiliduar?
Cilët janë autorët e parë dhe më me ndikim në trajtimin e problemit? A ekziston një konvergjencë apo divergjencë mes pikëpamjeve të tyre?
A është i mundur grupimi i autorëve? Çfarë kriteresh mund të përdoren për t'i kategorizuar ata?
Për metodën e procedurat:
Cila është metoda e përshtatshme për kontrollin e hipotezave? A është e nevojshme përshtatja e saj me rastin në studim? Nëse po, cili është argumenti?
A kontribuon ajo në arritjen e qëllmit?
A mund të zbatohet për problemin në studim? Cilat janë dobësit e saj?
Cila është natyra e të dhënave? Cili është burimi dhe sa është numri i tyre?
Për gjetjet, analizat dhe interpretimet:
A është e nevojshme një njohje paraprake e problemit me një analizë përshkruese?
Çfarë thonë rezultatet e marra? Si mund të interpretohen?
A konfirmohen hipotezat? A arrihen objektivat? A merret përgjigje për pyetjet e kërkimit?
Për përfundimet:
A bëhet mirë kalimi nga rezultate apo gjetje në përfundime?
A janë ato konsistente me kërkimete e mëparshme? Nëse jo, çfarë mund të thuhet?
A ka vend për kërkime të mëvonshme?
Për bibliografinë:
A është i qartë dallimi mes bibliografisë dhe referencave?
A bëhet dallimi midis citimit të drejtpërdrejt dhe atij të tërthortë? Po ndërmjet citimit dhe perifrazimit?
Çfarë stili referilim është përdorur? A është shkruar ai në mënyrë korrekte?
Për shtojcën:
Çfarë informacioni kërkoni të vendosni te shtojca?
A është ai i lidhur me pjesët e mësipërme?
paraqitja formale: marrja në konsideratë e aspektit formal mund të duket humbje kohe, por e vërteta është se merr një rëndësi të veçantë në fushën e kërkimit. Për këtë, duhet patur kujdes:
faqja e parë:
Cili është institucioni?
A është formuluar mirë titulli i detyrës? A e përfaqëson drejtë kërkimin?
Cili e përgatit? Kush e pranon?
Në çfarë date dorëzohet? Po vendi?
faqja e dytë e në vijim:
Si është hierarkia e çështjeve të trajtuara (mund të jetë e organizuar si parashtirmet e pikës 1)?
A janë cituar burimet e informacionit, idetë e të tjerëve dhe të tjera të ngjashme?
A është shkruar lista e referencave në fund (pas përfundimeve)? Çfarë stili është përdorur për shkrimin e tyre?
A është e nevojshme shtojca në fund?
shkrimi:
Sa është numri maksimal i fjalëve apo faqeve të lejuara?
Cila është kaligrafia e shkrimit?
Sa është madhësia e tij, sipas nivelit të shkrimeve?
Në vijim do të mundohemi t'ju sugjerojmë lidhur me botimet e formatit të printuar dhe elektronik, të cilët mund t'ju vijnë në ndihmë në përgatitjen e punës suaj.