Hovudprosjekt i 2025: Migrasjonsminne

Utvandringsjubiléet "Crossings 200" er ein av to store markeringar i år: Den 4. juli er det to hundre år sidan den 16 meter lange sluppen "Restaurationen" la ut frå Stavanger - og dermed var den organiserte utvandringa frå Noreg i gang.  Det store minnesamlingsprosjektet "Migrasjonsminne" skal bygge eit immaterielt kulturminne av personlege og slektshistoriske forteljingar om korleis migrasjonshistoria har påvirka norsk historie på mikronivå.  Prosjektet er eit samarbeid mellom Memoar, Landslaget for lokalhistorie, Slekt og data, Tamil Diaspora Arkiv og Rådet for mangfold og integrering. Grunnfinansiedringa kjem frå Sparebankstiftelsen DNB. 

Memoarkonferansen 2025 

Konferansen blir 14. og 15. november. Hovedtema blir munnleg historie om migrasjon, og invitasjon til å presentere blir sendt ut i desse dagar. Aktuelle tema er prosjektpresentasjonar og kunnskapsdeling av utvandringshistorie, innvandringshistorie, migrasjon i historisk perspektiv, diasporaer i Skandinavia - og skandinaviske diasporaer i USA og andre land. 

Dagen før, torsdag 13. november, arbeider vi med programmering av ein fagdag om langtidsarkivering av munnleg historie. Meir informasjon om dette kjem. Kom gjerne med innspel til programmeringa både av konferansen og fagdagen. Utvikling av arbeidet kan fylgjast på www.memoarkonferansen.no.

Memoar og immateriell kulturarv

26. og 27. august 2024 representerte Bjørn Enes Memoar på møte i «Nettverk for levande kulturarv» – tidlegare IKA-nettverket. Eit viktig punkt på møtet handla om Memoars engasjement for etablering av eit Senter for immateriell kulturarv  i Vestland/Bergen. Hans rapport er i Memoar.blog