TUR tradicija i događaji
Plemenitaši turopolske Plemenite opčine proslavili 25.obletnicu ot obnove.
Zestala se brača turopolska 10.lipna 2016.leta, da proslave jubilej ot 25 let ot obnove vu nekadašne svoje večnice(denes Muzej Turopolja). Plemenita općina turopolska osnovana je još davne 1225.a deluvala je do 1947.leta dok ni tadašna politika sve zela.
Na incijativu Zdraveka pl.Lućića i Ivana pl.Jankovića počelo se 1990. z obnovum.Najprije su obnovlene sućije i kat je sve bilo gotovo pršlo se na obnovu Plemenite opčine.
Svečana sednica bila je 7.srpna 1990. Isto de idenešna proslava. Pokrovitel je bil Rvacki sabor a ze Zagreba su došli Vladimir Šeks, Stjepan Sulimanec iIvica Gaži vu ime sabore i rvacke Vlade i potpisali povelu Turopolskoga bractva, teru su još potpisal komeš.
Denes 10.srpna jezero leta 2016. Bila je puna večnica plemićof. Najprije se išlo kmeše vGoričku cirkvu Naveščejna. Posle meše pret Muzejom turopolski banderijalci pokazali su vojno prestrojovanje.
Nakon toga bila je svećana sednica teru je otprl i vodil v.d.komeš Jurica Odrčić a pevači zKuć su otpevali rvacku i turopolsku himnu.
Posle svečanosti išlo se van pret muzej zbok velike vrućine. Nakom domjenka i pića pala je i pesma.
Još je nekuliko manifestacije Plemenite opčine ostalo za ovo leto: 5.kolovoz dan Ouje v Dubrancu, 27.8. Žirovina v Turpolskimu lugu, Mala meša 8.9.v Dubrancu i Lucijsko spravišče 13.12.
MALOMEŠNO SPRAVIŠČE 2014
Turopolski ovlašeniki odrćsli du tradicionalno malomešno spravišče v Dubrancu na Malu mešu 8.9.2014. Spravišče ni bilo baš bracko a Radovan pl.Arbanas z Lukavca je napisal na fejsbuku da je to bila ,,Kazališna komedija,, jer se nisu mogli plemiči v ničemu dogovoriti. Još su rekli da su nužne promene v POT-u jel se vujnega zavlekla pulitika,
Lomička premendba i kortešacija 2013
Lomički ovlašteniki održali su svoju 14.studenoga leta gospodnega 2013. redovitu premendbu(premendba je stara kajkavska reč za promjenu)
Na početku je najprije na radiju odigrana rvacka imna a onda turopolska, nis videl da bi ruku na srcu držal teri Adezeovec.
Na spravišču ovlaštenikof ni došlo do premende jel je ostalo sve po starom.
Sudec Saša Stepanić-Ruzlinov, dosudec Jura Arbanas- Rojc, Pisar Dubravko Lektorić-Firek, blagajnik Ivica Stepanić a bil je tu još Mija Jakuničef Fana ali nisem razmel v tere funkcije.
Bože Dumičevom su podvrgel papera da pročita dužnosnike sučijskog odbora, teri je napisan v Skangerove iže.
Bilo je oko 35 ludi na spravišču a sudec je rekel da imaju registrerane 17 ovlaštenikof teri plačaju članarinu.
Po mojem lomička sučija ima 332 punoletna ovlaštenika. Sudec je rekel da se budu išli popisavat po selu ovlašteniki, pak bumu videli čiji je broj točen.
Ipak glavne face na spravišču su bili Jura Glagolić z Velike Mlake i Zdravek Lučič Goričan poreklom z Kuč. Oni su korteširali i predstavili se z zvojem programom za novoga komeša(župana).
Prvi je korteširal Jura pl.Glagolić. Jura je čak objašnaval tri putl da on ni krščen v cirkve 1990.leta več 1949.leta, dobro ojdnega kaj nam je to povedal.
Jura veli da ga zoveju Beli, valna po negvom tate a obadva su igrali skupa nogometa za Mlaku, jel levo krilo a drugi desno krilo.
A kaj je Zdraveku Lučiću dospelo da se kortešira za komeša ni meni ni baš jasno. Ipak kat je bilo glasuvajne Lučić je dobil 11 a Glagolić 2 glasa, tak da je Zdravek lomički kandidat za komeša a izbor bu na svetu Luciju.
Nadam se da ak Zdravek pobedi da bu za fiškuša(tajnika) zebral Lomičana.
Pot kraj spravišča javil se i Števa Skanger i sve opetuval kaj su prethodniki tri put ponovili tak da malo ispadne pameten, a s Tomekom Arbanasom z Dolneg Lukavca grdo se porečkal.
Inače navek ga negva žena opomijne kat je v pitajnu plemstvo z rečima: Števo, Števo kaj ti nimaš pametnešega posla.
Švrgač se ni opče javil, nek je verovatno zmišlal novu pakost, jel ga stalno muče nomadi(dotepenci) osobito oni kaj veliju da su i plemeniti ili je razmišlal tere bu sankciju poduzel ak ne bude Zdravek zebran za komeša.
Božim čudom ni došel ni Iva Glavasti(bratić mu ni valda poslal obavest) kaj je navek debelo lajal i ometal spravišče ali ga je zato prilično zamenil jen vrbarec.
Na spravišče je i došel novi lomički plebanuš Ivan Torbar i lepo je plemičom dal uputu da si čuvaju svoju domaču reč kaj i da si čuvaju tradiciju. Fala gosponu plebanušu Torbaru na lepim rečima. Bivši plebanuš fra Kapistran navek je samo pulitiku tiral f cirkve.
Mala meša v Dubrancu leta Gospodnega 2013 Po tradicije navek su v Dubrancu na Malu mešu turopolski komeši posle meše odrzali govor pred svem pukom. Tak je bilo i ovo leto 8.rujna 2013.a govora je odrzal komeš Frajno pl.Kos. Sako leto v Dubranec na proščejne dojne puno svet ne samo z Vrvja(Montes Turopolia) več i z dolnega Turopola(Campus Turopolia). Negdar su čak i mnogi ludi z Dolnega Turopola išli na prespalovo v svoje kleti, tak da bi mogli rano dojti k Majke Boze Dubrajnske. Denes se to tak više ne dela jel svi imaju avute i za dvajst minut su v Dubrancu.
Lepo sunčano vreme i ovo leto obasjalo je Vulomeričke gorice i još jeno proščejne je prešlo na terem su turopolski plemenitaši odrzali Malomešno spravišče kao uvod za Svetu Luciju kat se bu zebiral novi komeš. Ali ni proščejne dubrajnsko ni više kak je negda bilo, dok su se ze svakog brega spuščali ludi a posle meše igrale su pot šatori muzika a na sve strane se trzila prasetina i piče. Školovani ludi bi rekli O tempora o more a mi selaki velimu,,Kak je negdar bilo lepo,,.
POGLEČ FILMA http://youtu.be/2h3xERiZLNA
Plemići obnovili još jemput svoju Opčinu na dan svete Lucijje
Još davnog leta 1947.plemičom su ondašne vlasti zele svu imovinu a bilo je je fala Bogu fajn. Turopolski plemići su morali su puno let čekati da bi se mogli bar zestati. Najprije su počeli z folklorom 1998.i 1999.leta a onda se negdo setil da bi mogli obnoviti pravu plemičku opčinu.
To je bilo 7.srpna 1991.leta, a vreme je bilo sečam se vruče i toplo. Negdašna zgrada Plemenite opčine(denes muzej) bila je dupkom puna čak su morali ludi v gajnku stati. Od onda sako leto na taj spomen Turopolski plemići obnavlaju svoju opčinu.
Tak je bilo i ovo leto 8.srpna 2012.leta v Lukavcu gradu zestala se grupica ot 35 plementašof ali su prije toga morali iti kmeše v lukavečku cirkvu. V glavnom na mešu su išli oni kaj do 1990.leta nisu išli f cirkvu, verovatno jem je sveta Lucija presvetlila pamet. Obnovitelsko spravišče otprl je nakom duleg vremena komeš Franjo plemeniti Kos. Govor je v glavnom o delu Plemenite opčine i se kaj ju muči. Dobili su i novoga kapetana banderija teri je moral priseći a to je Mika Glagolić. Kaj bu z Plemenite opčine zgleda da to samo dragi Bog zna, jel baš se niš pametnog se ne piše da bi bar malko bila kak je negdašna Plemenita opčina
12.lipajna 2011.
Telovo
V katoličke cirkve ot trinajstoga stoleča napravlen je blagdan terem se slavi sečajne kat je
napravlena euharistija na Veliki četrtek.
Taj blagdan zove se Telovo a navek se slavi prvi četrtek posle Svetoga Trojstva.
Verniki su slavil Jezuševu prisutnost tera je bila posvečena ostije.
Krščani su vu ono vreme imali veliku želju za gledajnem posvečene ostije.
Jel su mislili da ak glediju ostiju da je isti učinek koj i pri pričeščivajnu.
Tak je i ta želja za gledejnem Presvetoga pri meše dovela do podizajna posvečene ostije.Svetek Presvetoga Tela i Krvi Jezuševe, svetek je Sakramenta v terem se na neveroveten i neopisani način daruje Boža lubaf i milosrđe.
Tak i navek bilo v Turopolu a naši Lomičani išli su na Goricu de je bila velika prošecija a po vulice su bile napravlene velike senice sve v cveču i okičene z rožama. Došli su i vatrgasci z naše negdašne fare Naveštejna Blažene Device Marije. Naravno i lomički vatrogasci su navek bili na prošecije lepo oblečeni v uniformami a sudec Plemenite sučije dal je na piće kaj su si posle meše popili pri Popoviću.
Nakom drugog sveckog rata više udruge nisu išle v prošecije ali još se taj blagdan održaval v Šenoine ulice de su bile postavlene senice a deca v beline su nosile latice cvetja. To je tak trajalo negde do iledu 955.leta a onda više nisu smele cirkvene prošecije iti po ulicami.
Nakom takozvane demokracije ot 1990.leta moglo se opet iti z prošecijom po ceste jel su cirkva i oni teri su to branili potpisali pakt o nenapadajnu.
Najprije su obnovlene Telovske procesije na Gorice u vreme župnika Jože Frkina a pret par let su i Velikomlačani obnovili telovsku navadu.
POGLEČ FILMA https://picasaweb.google.com/100432003438502310335/TIJELOVO2012UVelikojMlaci#
3.srpajn 2011. Plementaši preslavili 20 let obnovlejna
Skupili se turopolski plemići v Lukafcu gradu da preslave 20 let otkak su napravili novo Turopolsko bractvo. Kuliko je je bilo neznam jel nis tam bil - konvertiti liberalne struje zgleda niš do toga ne držiju da pozoveju one kaj nekaj znaju. Bole se okružiti zonemi male pametnešemi.
http://sites.google.com/site/turopole/Home/obnova-plemenite-opcine
A kak je to bilo pret dvajset let morete pogledati na ovomu linku https://sites.google.com/site/turopole/Home/obnova-plemenite-opcine
Nadam se da sebumu videli na tridesete obetnice obnavlajna turopolskoga bractva.
4.svibanj,
Florijanovo 2011.
Po celom Turopolu po se fara vatrgasci su slavili i obeležavali svega zaštitinika Svetoga Florijana, zaštitnika ogna i vatrogascof. Još jemput su vatrgasci pokazali odanost vjeri, tradicije i zaštite ludske imovine.
Svi vatrgasci kretali su ispret svojih vatrogasnih domava, pokloncof ili kipova sv.Florijana k meše, f povorkami i svečanemi odorami.
Tak su i f goričke fare se organizerali vatrogasci z Kurilovca, Kobilića i Gorice, skupili se na Male Gorice pret pokloncem Svetoga Florijana. Plebanuš Vladek razum prečital je Evanđelje po Mateju i sva Društva predvođena goričkum limenom glazbom, krenuli prema cirkve Navješčenja BDM. Tu je bila svečana meša na tere je igrala limena glazba.
I još jemput se videla tradicija i prijatelski odnosi ze svemi društvi.
Buševec, 27.lipanj 2010. Turopolska svadba
Po knige Jože Kovačevića Ženidba Vida pl.Lackovića napravlena je prectava v režije Iveka Rožića. Mogli smu videti kak su se negda pret više ot 100 let održovale svadbe v Buševcu, Mraclinu i Dolne Lomice. Najprije se išlo v snoboke da se pogodiju zadrugari za mladenku i kuliko bu miraza dopelalala k hiže. Svadve su trajale i po nekoliko dan a svadbuvalo se i pri mladenke i mladencu. Miraz kaj je mladenka dopelala moralo je videti celo selo.
Sve te zapise ot stare lude prikupil je naš plemenitaš Joža Kovačević i napisal knigu i ostavil Turopolu nematerijalnu baštinu. Prvi put svadba je napravlena 1967.leta a sat je to več 9.izvedba. nadamu se da bude još puno takve svadbe i da bu ostala nematerijalno dobro ne samo Turopola več i Hrvacke pa i šire.
Gastro Turopole i izložba jabuk 2009.
Po 10.put na Gorice je bila izložba jabuke a po 8.put Gastro Turopola. Manifestacija se je održala 14.i 15.studenoga. Ovo leto se sve skupa održalo v goričkom Srednoškolskomu centru. Bilo je oko 100 izlagačof z cele Rvacke. V šatoru ispret škole bil su folklori z celoga Turopala. Osim turopolske kotlovina pekel se i vol pak se moglo dobro pojesti i popiti. Ugostiteli su se i takmičili i v pripremi jela a najbolši su bli učeniki z Strulovne škole a tu su još bili drugi i trejti restoran Babriga z Kurilolovec i restoran Grof z Male Bune. Osim turopolske specijalitetof došli su i majstori z Korčule i Lastova a došli su ze Siska, Varažnina Kostajnice i Zeline.
Štrudlina ot 10 kvadratne metrof napravile su kuvarice z Dečjeg vrtića Velika Gorica a potrošile su 200 kil jabuk za štrudlu. Bila je i velika izložba jabuk i razne piča, ukupno oko 180 vrst jabuk.
Jožek Pavišić z Korilovca dopelal je tikvajnu tešku 187 kil.
Piši kući – propalo
Baš prek radija poslušam kak stalno reklamiraju jene novine i naslov vujnemi naslova „Piši kući-propalo je“. Zemem v ruke te besplatne goričke novine i vidim teksta de piše da se imovina plemičom i vrbarcom nebu vrnula. Kat se prišlo glasajnu v Grackom veču došli su svi člani poglavarstva samo ni došla gospa Vesnica Ožboltova. I onda su svi z SDP i kompanije zdigli ruke da su za povrat imovine a bilo je 13 ruke a onda su pak ADZ-ovci zdigli svoje 13 ruk ali su bili suzdržani i tak je glasuvajne završilo 13:13. Nigde ne piše da su Turopolci imali jenu plemenitu ruku f koalicije ADZ-Seljaki a ta ruka je ostala suzdržana i ni štela pomoči svojem plemičom.
I tak su plemiči popušili još jemput povratek svojega imajna a za sve veliju da je kriva Vesnica. Očito su pozabili kat je nijof strateg napal još v travnu na vrate Opčine Vesnicu a bilo je tu svega da je imalo celo Turopole kaj videti. Taj isti strateg se još 94.obračunal z delom turopolske plemičof a protif akademika Cvetnića bila je prava hajka samo zato kaj se čovek štel kandiderati za komeša.
Jen plementaš 2006. rekel je na Lucijskom spravišču da nam nedu komanderali dotepenci i nomadi i čovek je zato dobil titulu ašešora. Još je dal taj isti plementaš 2004.na Lucijskom spravišču dal predloga da tužimu Državu ak nebu štela vrnuti imovinu, jer to je imovina samo naša i samo naša, a da oni teri se busaju f prsa to nisu pravi domoljubi a da su to priće za samo malu decu, dvaput je ponovil.
Verovatno plemeniti komeš bu nekaj prifatil ot te velike reči i nekaj poduzel protiv dotepencof i nomadof. Verovatno ima plemičof kaj neveruju mojem pisajnu a ja se nebi toga ni setil, da nis pregledal stare DVD-e z Lucijske spraviščof.
Mala Meša 09 - Dubranec
Jesensko sunce obasjalo je vukomeričke brege a majka Boža dubranska pozvala punu hodočasnikof da dojdu knje.
Ni to bilo kak negda, kat su mnogi Turopolci teri su imali trsje v dubranjske fare došli na prespolovo i v rano jutro se peške zaputili k Majke Bože dubrajnske. Mužike su posle meše igrale na tri meste a prasetina se tržila sekut okolo cirkve.
Breg okoli cirkve bil je pun sveta, pevalo se f cirve i išlo okolo ontara.
Ovo leto bilo je prilično sveta pri meše, cirkva je bila puna a mladi zagorski plebanuš Želko Lovrić imal je propovet o prirodi jel se osečal v našem Gornem Turopolu kak da je doma v svemu Zagorju. Plemenitaši su otišli pret ontar pak je domači plebanuš Štef Barić pozdravil komeša. Jeden plemić z Plemenite opčine nise vufal zajti f cirkvu pak je mešu posluša z cintora, valda čovek misli još navek da se nesme iti f cirkvu. Kat je meša završila mladi plebanuš Želko je rekel da svi idemu oko ontara.
Najprije su išli oko ontara plebanuši a onda ves svet kak je to več tradicija v našem Turopolu a velkom delu Rvacke. Isto je išel oko ontara i jen plebanuš kaj je nedavno zazidal ontara v svoje fare i više se nemre iti okolo njega. Valda je takva navada v negvom kraju a Turopolci na to sve debelo mučiju i nečeju se čoveku zameriti nate samovole. Ak ovo prečita teri klimavec i javi temu plebanušu pak bu došla milicija k meni, ali nebi jem to preporučil jel bu to znal celi rvacki narot.
Inače dubranjska fara dobila je novoga plebanuša Štefa Barića ze Zagorja, posle smrti Jure Gvozdanića i Iveka Lovrića mislim da su dobili još jenog dobrog plebanuša i dabu na hasen turopolskoga roda.
Spomen-ploča Franji pl.Lučiću
F subotu 12.prosinca 2008.leta f Kuče, rodnomu selu ot Franje pl.Lučića otkrita je spome-ploča negdašnem turopolskomu komešu a i poznatomu rvackomu glazbeniku.
Feletar i Kos otpiraju ploču
Spomen-ploču dali su deti Plemenita opčina turopolska i Družba "Braća Hrvatskog Zmaja" a povod je bil 120-ta obletnica rođejna i 90-.ta. obletnice i imenovajna za turopolskog komeša. Spomen-ploču su skupa otkrili: dr. Dragutin Feletar, Veliki meštar Družbe «Braća Hrvatskog Zmaja» i Franjo pl. Kos komeš Plemenite opčine turopolske. Posle svečanog otrivejna spomen-ploče na stare drvene kučke škole, svečanem mimohodom išlo se v Društveni dom de je je održan svečani koncert. Na početku programa KUD Nova zora z Dolne Lomice, otpevala je rvatsku i turopolsku imnu. Posle toga su bili pozdravni govori. F kulturnom programu nastupili su: Marija Ercegovac, KUD Gradići, Crkveni zbor Župe Pohoda BDM, Vukovina i KUD Nova zora. Franjo pl.Lučić spada met največe turopolske muže a osim kaj je bil komeš ot 1918 do 1927.leta, bil je skladatel, muzikolog i orgulaš. Kao turopolski komeš posvetil se prosvete, kulture, gospodarstvu i kulturnomu napretku svojega Turopola. Za negvogaa mandata otprto je bilo nekuliko škole, knižnice i čitaonica, skoro po svemi seli. Promical je moderno gospodarstvo a negvum zaslugom dodelene su i prve stipendije nadarenim mladičem teri su posle postali turopolski intelektualci. Leta 1927. Vrnul se glazbi teru ni zapuštal niti za vreme sveg mandata. Rodil se 30.ožujka 1889.leta v Kuče a vmrl je v Zagrebu 16. ožujka 1972. V negvu čast i na spomen na negvo delovanje vulica v središtu Velike Gorice nosi negvo ime, a tak i gradski pevački zbor te velikogorička Umetnička škola. Na taj način Družba braće hrvatskog zmaja, Plemenita opčina turopolska i Grad Velika Gorica počeli su zajedničke obiležavati obletnicu rođenja Franje pl.Lučića teri je bil i član Družbe braće hrvatskog zmaja. V ožujku bude se održalo puno programof pod nazivom "Lučićevi dani", a očekuje se da bu onda otkrita bista Franje Lučića v blizine Muzeja Turopola.
Lepum našum
3.12.2008.
Na Gorice je bilo trejtega prosinca snimajne za televiziju emisije LIJEPOM NAŠOM. Bilo je jako puno pevačof, tamburašof i folklora. Ot turopolske folklorašof bili su gorički folklorni ansambl Turopole, bušefski Ogranek selačke sloge i šilakovečki folkloraši a kak gosti bila je Mladost ze Sanobora. Još su tu bili i banderijalci ot Plemenite opčine turopolske. Čez emisuju je vodil Brankec Uvodić i lepo se oblekel v turopolsku nošnu. Turopolsku su nošnu još pokazali parovi ze: Lomice, Gradičof, Lukafca, Čutorjeva, Nove Čič i Mičefca. Pevali su: goričke Jane, Andrej Rukavina, Rajko Suhodolčan, Indira i Colonija, Dražen Kurilofčan, Mimi Lacković z Mlake, Pero Rogan z Mraclina, Mira Vlahović ze Zaprešiča, sandra Kulier z Gorice, samoborka Vlatka Burić, goričan Čiro Gašparec Maja Šuput i Tereza Kesovija. Z Kozjače je došel Đimi Stanić i otpeval svoju Kobilu Suzi i z Barbarum Dimnačara. Na kraju je Đimi pozval sve gledaoce na domjenak ali svakoga f svoj dom. Posebno je publika bila zadovolna z pevajnem precednicom Gracke skupštine Vesnom Škare Ožbolt a na gitare ju je pratil gradonačelnik Tonino Picula. Ot tamburaške sastavov su igrali: Stres, Ex Panonija, Tamburaši za dušu, Slavonija band i Gazde. Sve buju to mogli videti na televiziji svi ludi ne samo f Rvackem nek i v puno druge države 14. I 21.prosinca.
Lepo naše Turopole
V nedelu 12.listopada 2008.g. ob 7 vur navečer, folklorna društva z goričkog kraja nastupila su v Dvorani Vatroslav Lisinski na koncertu pod imenom LEPO NAŠE TUROPOLE. Koncert je bil povodom 10.leta rada Zajednice KUD-ova Grada Velike Gorice. Čez program su vodili Drago Rubala i Elizabeta Stipetić
Program je zgledal ovak:
Najprije su čez dvoranu prešle Turopolske mažuretkijne a onda je gradski zbor z Gorice otpeval pesmu ,,Lepi Juro kres nalaže,, Potom je gospođa Vera Pribanić zrecitirala jenu pesmicu a žene z Plesa su pogazale pretstavu o selskomu životu a otpevale su i pesme: Lepa moja šuma zelene, Oj Savice i Juro, Juro sedni si. Branko Berković z Kuč je zreciteral jenu pesmicu a Čutorjevski folkloraši du otpevali pesme: Vesela budi Marijo i Curica mala. Jesensko kopanje(pesmicu) zrecitirala je Vera Pribanić a KUD Dučec z Mraclina izvel žetvene običaje i pesme: Dobra ti većer Gospodar i Čije je to žito. Onda je pesmicu Zvana su došli izrecitirala Vera Pribanić. Posle toga su na ret došli Lomičani, prvo je staru pesmu Cvili jelen otpeval Iva Klafurić-Medekof a društvo Nova Zora izvelo lomičku svadbu. Pesmicu Daleko selo zrecitirala je opet Vera Pribanić a KUD Čiće z Novoga Čića izvel je pesme: Ječam žela i Ja sam posavečko dijete. Na ret je došel Branko Berković i zrecitiral pesmicu Mirno je f kleti, onda su Mičevčani pevali: Široka mi kopriva, Ti si moje guske kral(podmladak) i Drmeš Onda je bila pauza i v drugom delu je ovak nastavlen program:
Goričke mažurezkinje tancale us Jazz dance. Dječji zbor Zvrk z Gorice otpeval je pesme: Fala, fala Antonio i Tika taka tak. Gradićani su pokazali pesme i plesove ze Slavonije: Ajde cure da čijamo perje, Savo vodo i drmeš. Vokalni sastav ,,Jane ,, z Gorice otpevale su pesme: Turopolje zeleno i Ej lipo ti je(splet slavonske pesme) Lukavčani su nastupli z međimurskemi pesmi i tanci a Buševčani z spletom slavonske pesmamo i plesi: Od čega se prave gajde. Gradski zbor ,,Franjo pl.Lučić z Gorice otpeval je pesmu: Dobar veće dobri ljudi. Velikomlačani nastupili su ze slavonskemi pesmami i tanci. Na kraju priredbe Šilakovci su pevali pesme z Korduna: Hvaljen Isus prijatelji mili i Preljepo je u našem kraju.
Raspeti f Turopolskom lugu
Turopolci su dobili još jeno pravo domaće raspelo. Postavleno je f Turopolskome lugu na križajne cesta za Krčka vrata i Vratovo a dale su ga napraviti Rrvacke šume. Blagoslovil ga je 30.kolovoza 2008.g.prečasni Josip Ružman dekan Velikogoričko-odranski vuz nazočnost plemića Plemenite opčine turopoljske. Fala Bogu da nam još negdo drži tradiciju vuz Plemenitu opčinu a to su plebanuši ze Zagorja i Međimurja.
A jen plebanuš z jenog drugog kraja čak je zrušil drveno raspelo v rastove šume i del cementerano. Turopolci to znaju ali i dale debelo mučiju.
Bog nem greje oprosti.
16.Turopoljska trka
V nedelu 15.ožujka 2008.leta, održana je 16.poredu Turopolska trka a došli su trkači ot sekut, z Rvatske, Bosne, Slovenije, Mađarske i Slovačke. Bilo je oblačno vreme ali toplo i sve trke su prešle vredu. V glavne trke na 21 kilometer pobedil je Slavko Petrović z AK Zagreb-Uliks a trebalo mu je da do Velike Mlake dva put sim i tam prebeži za 1 vuru 6 minute i 37 sekunde, drugi je bil Saša Stolić ze Srbije a trejti Dražen Dinjariz AK Rudolf Perišin. Među ženskemi prva dva mesta zele su Mađarice Ida Kovach i Monika Nagy, dok je trejta bila Barbara Belušić iz Rvatske. F trke za pojedinačno prvenstvo Rvatske za juniore i juniorke u duljini 5 km dominirali su trkači z AK Dinamo-Zrinjevac. F natjecanju osnovnoškolcof najviše je imala uspeha škola Eugen Kumičić. Sudelovalo je prek 1200 natjecatelof v disciplinami od najmlajše školskih uzrasta pak do najstareše veteranof a najstareši je ima 81 let(Vilim Pap). Održane su trke od 1 km do 5 km oko Radnikova stadiona. Trke su održane po toplom ali oblačnom vremenu f surajdne Plemenite opčine Turopoljske i Maraton kluba z Gorice. Motiv ovoletošne trke bil je drenek, drevce tero se nosi na blagoslov f cirkvu na Cvetnu nedelu. Trku je otprl komeš Plemenite opčine Turopoljske Franjo pl. Kos,
Mala Meša f Dubrancu
8.rujan 2007.
Blagdan Male Gospe ili kak mi Turopolci velimu “Mala Meša”, a to je svako leto 8. rujna. Cirkva zapraf slavi rođejne Isusove majke, Blažene Device Marije. Inače čez leto Cirkva slavi samo tri rođejna – Isusovo 25. prosinca, Sv. Ivana Krstitelja 24. lipnja i Marijino 8. rujna. Saki Marijanski blagdan posebno je čašćen i slavjen v narodu i običaj je da se za takof dan organiziraju brojna proštenja. F našem turopolskome kraju najpoznatije Malomešno proštenje je pri Majke Bože f Dubrancu na bregu iznad sela, de se već stolećima časti gospin kip. Od negda ovde su išli Turopolci z dolneg Turopola, pa ves vukomerički kraj, ludi sve do Kupe pa i dale, došli su da im Majka Boža dubranečka usliši molitve. Negda su naši Lomičani došli jen dan prije Male Meše f Kostejnevec ili Jankovke f svoje trsje, de su prespali f svojem kletima, a v jutro rano išli su pješice do Majke Božje v Dubranec. Posle svete Meše komeš Plemenite opčine turopoljske na kamenu pred cirkvum držal je govor, a posle toga ves Dubranec je bil v narodnome veselju, pod šatore pil se gverc, sekla se vrvska prasetina, a f selu je igrala muzika na više mesta a slavlje bi se preteglo v noć. Pod noć sve vrvske dekle su z mamami zaputile su se pešice f svoja sela restepena širom dubranečke fare.
Denes još navek na proščejne f Dubranec dojde puno ludi ali ne tak puno kak negda, ali naše Lomičanof još priličen broj dojde svako leto a tak je bilo i na ovom proščejnu a posle meše nekteri se navrneju f svoje trsje da vide kakva bu berba a nekteri ostaneju na plemičkom spravišču. Ovo letu mešu je f Dubrancu predvodil naš domači sin Mraclinec Vladek pl.Cvetnić z još 8 plebanušof. Tu je bil i komeš Plemenite opčine turopolske Franc pl. Kos z magistratom i banderijem a domači plebanuš Ivek Lovrić sve ih je lepo pozdravil, zato kaj poštuju tradiciju. Posle meše mikrofona je zel komeš turopolski i pozdravil sve plebanuše i sve teri su bili pri meše. Komeš Franc pl.Kos je pozval se Turopolce da čuvaju tradiciju za naša buduča pokolejna i pozval se plemiče da se ukluče f Plemenitu opčinu, posebno one teri želiju dobro svojemu kraju..
Iz prošlih vremena Mala Meša f Dubrancu 8.rujana 2001. - fotografije Veljko Skočilić
Turopolska šetnica
V nedelu 8 srpna 2007.leta na Gorice je popoldan održana šetnica čez naš grad vu organizacije Plemenite opčine turopolske. Manifestacija je održana pot nazivom ,,TUROPOLJSKA ŠETNICA,, Šetači su bili oblečeni ot narodne pa do starogratske nošne a osim turopolskog puka bili su i ludi z pulitike(Tonino Picula, Goran Beus Richembergh, Vesna Fabijančić-Križanić)
F šetnice su sudelovale i vudruge:
Turopolski banderij
Limena glazba DVD Velika Gorica
Udruge Zajednice KUD-of Velika Gorica
Udruga umetnika SPARK
Šetnica je započela ispret Kluba Plemenite opčine pri gostione TUR a onda se išlo prema Muzeju Turopola do cirkve Naveštejna. Opet smu se vrnuli nazaj prema muzeju i zagrebačkum vulicom do trga F.Tuđmana gde je bilo osvežejne v restoranu. Kat smu se odmorili krenuli smu Zvonimirovom vulicom do raspela Pleške i Rakarske vulice. Onda smu skrenuli prema cirkve Naveštejna a pri restoranu Park smu skrenuli opet de smu i počeli f Krčmu Tur, gde je nastavleno družejne vuz okrepu.
Foto album z turopolske šetnice
Održana 3. Izložba kojnof rvatski posavec 2007.
Na Gorice na semištu Žužićevom bila je 3.lipna 2007.leta 3.po redu izložba kojnof. To je organizerala Plemenita opčina ze Središnem savezom uzgajivačem kjnof rvavki posavec a precednik je toga društva Branko Borković zvani Mlađi Jastreb. Bilo je lepo vreme pak je došlo puno ludi s celo Turopola a bilo je ludi od sekut. Kat je bilo več pokazano pol kojnof onda je izložbu otprl naš gradonačelnik Tonino Picula. Dopelano je 22 kojnof ot sekut a oni su se zvali: Ričko, Dilber, Mica, Musa, Olga, Olja, dvije Riđe, Corona, Biba, Koka, Rička, Bistra, Ribica, Cveta, Dona, Vilma, Beti, Zora, Ceza, Dora i Cveta. Najviše je dopelano omice a to su kobile mlajše od tri let a nisu još imale mlado, mlajše kobile su bile četiri, dva pastuva mlajša i tri stare kobile. Suci su dobro pregledali svakoga kojna uglavnom sve nekve pretdispozicije a onda donesli odluku. Najlepšom su proglasili Micu stariju kobilu od Stjepana Dijanežević, druga je bila Olja mlada kobila od Jure Đumlije a treče mesto je ope zel Stjepan Dijanežavić s omicom Dorom. Još su i nekteri drugi kojni dobili povalnicu. Najviše posla je imal kaštelan lukavečki Želko pl.Stanilović jer je moral sve kojne i vlasnike najavljivati i nekaj reči o njemi, a sve je to bilo pod brigom komeša plemenitog Franje.