Obnova Plemenite opčine

teksta napisal Slavko Stepanić

LETA GOSPODNEGA 91

Posle onoga rata nakom 1947.leta, kat su partizani ukinuli Plemenitu opčinu Turopolsku i maznuli nezinu imovinu, puno se ni više pripovedalu o 700 leti turopolskog plemstva. Ukupno turopolski plemiči su imali 16 000 rali šume ii 1 700 rali livada i pašnaka i još puno nekretnine, a neki veliju kat bi se to denes preračunalo da je vrednost 2 000 000 dolara. Potom su samo neki lokal patrioti nekaj o tem pripovedali jel su to čuli od svoje pretkof ili su imali knige od Lašovskog pak su žne čitali o povesti Turopola. Nu nato su se mnogi smejali a nato je jen denešni veliki dužnosnik Plemenite opčine rekel da se mi vračamo f srejdni vek a da su denes neke druge tekovine kak su bractvo i jedinstvo. Nu kat je nestalo bractva i jedinstva onda su se mnogi okrenuli, a kad poslušam denes don Ivana Grubišića, a on veli da se ni jen čovek 1990-te ni obratil.

Ali ipak z 1990-tum nekaj se premenilo f glava i pri nami Turopolcem, nekaj stare nostalgičarof se setilo Plemenite opčine Turopolske i na incijativu pokojnoga Iveka pl.Jankovića i prvog komeša Zdraveka pl. Lučića počelo je z obnavlajnem Turoplskog bratstva.

Još 1989.leta prvi je imal ideju Zdravek Lučić i on je napisal scenarija a prije se toga spominal i savetuval z Jožum Kovačevićem kniževnikom z Buševca. I tak je f dvorane Galženica 15.prosinaca1989. napravlena pučka pretctava. Starog župana je glumil Ante Dujić a biležnik je bil Želko Ličko. Kanditati su za komeša bili su Stef Stepanić zvani Dragi i Rajko Bundalo. Pobedil je Štef Dragi z Lomice.

Kat je došla 1990.demokracija f Turopole, moglo se slobodneše prikazati taj stari turopolski običaj a zdravek Lučić je napravil novoga scenarija.

Napravlen je i Incijativni odbor za obnovu Turopolskoga bractva a za precednika je zebran Ivek Janković.

Napravlen je opet pučki običaj inštalacije komeša, 14.prosinca pret Muzejom Turopola skupili su se svi sudioniki i krenuli s tamburaši prema Narodnomu sveučilištu Juraj Kokot. Bili su tu sudionili teru buju glumili suce Plemeniteh sučija i kandidati za komeša a i članovi folklora z Lomice, Mraclina i goričkog Ivana Mladena. Najprije je f dvorane otpevana Turopolska himna onda su se prectavili suci teru su se prectavili u ime nektere sučije. Kandidati za komeša su bili Štef Kos z Mraclina i Dragec Katulić z Buševec. Dugo su prectavlali saki svoj program a pobedil je Štef Mraclinec.

Zebrani su i dužnosniki za Plemenitu opčinu, Stjepan Briglević za biležnika, Zdravek Lučić za fiškuša, Branko Čunčić za blagajnika a za zastavnika Ivan Sever.

I tak je Incijativni odbor osnovan krajem studenoga 1990. a okuplali smu se svaki tjeden f jene sobe f nakadašne stare Općine, svaki tjeden nas je bilo sve više i počeli su dohajati plemiči ze skoro sve sučije. Predsedal je Ivek Janković a Zdravek Lučić nam je tumačič o Turopolskom bractvu.

več s sečnju 1991. počelo je z osnivajnem Incijativnemi odboremi f pojedinemi sučijami. Prva sučija tera je osnovala odbora bila je f Prvonožini bilo je to 13.sečnja a zebran je sudec i sučijski dužnosniki. Na Male gorice bilo je spravišče 15 sečnja, Kurilofcu 17.I. a Bukovčaku, Cerovskomu vrhu i Vukomeriču 20.sečnja. Na Lomice je bila obnova 24.sečnja a Buševcu 28.sečna. Na Gustelnice i Dubrancu bilo je spravišče 27.sečna i na Plesu-Rakarje 31.sečna. U velače su još održana spravišča f Rakitovcu, Mraclinu, Lukavec Gorni-Markuševec, f Kuće, Dragonošcu, Kobiliću, fRašće, velike Mlake i Dolnem Lukafcu. Jedino nisu uspeli se konstituitari na Cvetković brdu, pak smu 2.lipna kulko se sečam išli tam: Zdravek Lučić, Kazo Šipušić i ja. Dobili smu obečejne da buju i oni poslali svega suca na obnovu Plemenite opčine.

-------------------------------------------------------------------------------------------------------------------------------------

7.srpna 1991.skupila se brača Turopolci v negdašne Turopolske večnice a denešnem Muzeju Turopola i obnovili su Turopolsko bratstvo.

Ze Zagreba ispret Rvackog sabora teri je bil i pokrovitel, došli su potprecedniki Vladimir Šeks i Stjepan Sulimanec te minister poloprivrede Ivica Gaži. Bil je lepi sunčani dan a sve uzvanike ispred muzeja dočekali su Francek Rvačić i još jen plemič.

Kat smu se svi skupili f velike dvorane negdašne Večnice turopolske, mogla je svečanost početi.

Najprije su pevačice z Lomice otpevale rvacku himnu a onda Mraclinke pevale turopolsku himnu. Precedajne spravišča pripalo je Čedomiru pl.Gusiću sucu z Male Gorice, jel po turopolskom starom zakonu spraviščem preceda najstariji sudec dok se ne zebere komeš.

Na desne polovice f dvorane su sedeli suci z Plemenitih sučija a na leve polovice razni gosti, mi prisednike sedeli smu ze strane vuz obluke. Dvorana je bila sva popujnena tak da su još neki ludi morali ostati v gajnku muzeja.

Turopolsku povelu o bratstvu prečital je Dragec pl.Katulić a posle su ju potpisali najprije saborski izaslaniki Šeks i Sulimanec, komeš Lučić, članovi magistrata, si suci i prisedniki. Onda je bilo usvajanje obnovitelskog štatuta, rasprava i usvajajne a svi plemiči su to po običaju prifatili.

Onda je bilo prečitano kak se f Plemenitemi sučija glasalo za izbor komeša a met Zdravekom pl.Lučićem i Ivicom pl.Lederom više je jušof dobil Lučić odnosno glasof od 24 sucof. Lučić je preglašen pobednikom, dal je zakletvu, zauzel predcedavajuče mesto i svem se prisutnemi zafalil.

Onoga časa kad je komeš dal zakletvu f parku blizu muzeja pukel je po strarom običaju top i javil je narodu da imamu novoga komeša.

Turopolskoga štuka napravil je Jožek pl.Bobesić z Buševec

Nakom toga zdigli su se si suci z Plemenitih sučija gornega i dolnega Turopola i dali isto zakletvu teru je čital Stjepan pl.Šipušić-Kazo:

Ja (saki je rekel svoje ime)sudec Plemenite sučije(svaki je rekel z tere), prisižem na živoga Boga, preodičenu Djevicu Mariju i sve Svece Božje, te zadajem veru svoju i obečajem poštenjem svojem, da ču kao sudac plemenite sučije (reči z tere)svoje dužnosti savesno ispunjavati na boljitak poverene mi sučije po mom najbolem znajnu i uverenju zastupati i županovim odredbama se pokoravati, te kao član zastupstva Plemenite opčine Turopolja na skupštine i sednice dolaziti, koli na skupštinama toli izvan njih, napredak Plemenite opčine Turopolja braniti i promicati.

Tak mi Bog pomogel, blažena Devica Marija i svi Sveci Božji. Amen

Z Bukovčaka je bil Vinko pl.Cerovski a još i denes je sudec f svoje sučije, Bušefčan Franjo pl.Kos zastupal je svoju sučiju, z Cerovskog vrha Marko pl Juratović a isto još den denes je sudec f svoje sučije. Cvetković brdo zastupal je Ivan pl.Cvetković a Dragonožec s Havidićem i Lipnicom Drago pl.Havidić. Z Dubranca je došel Joža pl.Ceković a ze susedne mu Gustelnice Josip pl.Huzjak. Z Rašč je bil prisuten Zdravko pl.Arbanas a s Kobiliča Stjepan pl.Vitez. Kučani su imali po staromu turopolskomu običaju dva suca Branka pl.Berkovića i Zdravka pl.Pucekovića a kurilovečki i kušanski sudec bil je Ivica pl.Leder. Lomicu je zastupal Vlado pl.Deverić, Dolni Lukavec i Meštricu Želko pl.Stanilović a Gorni Lukavec i Markuševec Dragec pl.Noršić. Malu Goricu zastupal je Čedomir pl.Gusić a Mraclin i Lazi su isto po tradicije imali dva suca Jožeka pl. Galekovića i Mladena pl.Kosa.

Plešane i Rakarce zastupal je Stjepan pl.Mirenić. Z Prvonožine došel je Stjepan pl.Prvonožec a z Rakitovca Neno pl.Sever. Goricu tera ima najmenše plemičof zastupal je sudec Juraj pl.Cundeković. Veliku Mlaku zastupal je Ivek pl.Lacković a Vukomerić i Petravce Tomo pl.Pavličića.

Potem kad su se zakletve završile, počele surasprave i usvajajna.

Potom su predloženi prisedniki od strane komeša: Zlatko pl.Crnić, Slavko pl.Cvetnić, Josip pl.Deverić, Josip Frkin-plebanuš gorički, Ivan pl.Janković, Josip pl.Kovačević, Branko pl.Lučić, Imbro pl.Pučko, Josip pl.Robić-Haba, Zvonko pl.Robić, Josip pl.Smolković, Slavko pl.Stepanić.

Suci su to jednoglasno prifatili a prisedniki su dali zakletvu.

Još je trebalo zebrati časništvo a zebrani su: Franjo pl.Sever tajnik, Stjepan pl.Šipušić biležnik, Zdravko pl.Lučić knigoznanstvenik, Branko pl.Čunčić blagajnik, Ivica pl.Leder kaštelan, Martin Modrušan arhivar i Ivan pl.Sever poslužitel opčinski, svi su isto dali zakletvu.

F Nazornom odboru bili su Mirko pl.Stanilović(precednik), Mijo pl.Kundić, Alojz pl.Pučko, Drago pl.Devunić, Mijo Klarić

Donešena je i odluka o povratku imovine teru su potpisali gosponi z Rvackog sabora i gospon komeš. Ispred sabora plemičom se obratil Vladimir Šeks. Na kraju bil je kratki umetnički program a Bušefska dramska grupa čitala je pesme od lomičkog pesnika Stjepana pl.Lektorića.

Nakom završetka Obnove turopolskog bractva svi smu se preselili f Kurilovec v Društveni de su kurilovečki plemiči pripremili svečani ruček a posle vuz tamburaše bilo je i tanca.

Obnova zemljišnih zajednica i povrat njihove nasilno oduzete imovine

Teks i foto: Veljko Skočilić

Skup ovlaštenika i nasljednika ovlaštenika zemljišnih zajednica u krčmi “TUR“ - Velika Gorica - 27. rujna 2001.

U krčmi “TUR“ u Velikoj Gorici na skupu ovlaštenika i nasljednika ovlaštenika zemljišnih zajednica traži se konačni put ali riješenje u svezi obnove zemljišnih zajednica i povrat njihove nasilno oduzete imovine. Prisutni su u četvrtak 27. rujna 2001. tražili od Sabora Republike Hrvatske da se prvenstveno vrati, ili na neki drugi način naturalnog oblika nadoknadi, nasilno oduzeta imovina 1947. godine.

Problem zemljišnih zajednica može se tek sagledati kod saznanja da je pred drugi svjetski rat bilo u Hrvatskoj preko 2000 zemljišnih zajednica, s imovinom preko 1.000.000 jutara poljoprivrednog i šumskog zemljišta. Prijavu za povrat je 1991. podnjelo njih 1658, a procjenjuje se da ima oko 400.000 ovlaštenika i nasljednika. Ispred POT-a istaknutu ulogu oko povrata imovine imaju Zdravko pl. Lučić i Franjo pl. Kos, a i SUVLAH sa svojim vrijednim Nikolom Karađole.

Svi oni obavljaju “lobiranja“ kod svih hrvatskih stranaka i saborskih zastupnika, pa i kod predsjednika države, a kane posjetiti i premjera. Borba za povrat ulazi u završnu fazu jer se problem nalazi kao zakonski tekst u drugom čitanju u Hrvatskom Saboru. Bilo bi lijepo da se svima vrati nešto što je nasilno oduzeto iako povijest dokazuje vrlo često sasvim suprotno: što se oduzme teško se vrati, više nikad nego ikad.

28. rujna 2001.