DRAMA

'Mae meddyliau creadigol yn ysbrydoli eraill'

Amlinelliad o'r Cwrs

Pam dewis Drama a Theatr?

• Gallwch chi ddatblygu eich gallu presennol i berfformio a defnyddio hyn i gyflawni Safon Uwch. 

• Byddwch chi’n meithrin hyder ac yn cael hwyl. 

• Byddwch chi’n dysgu i weithio fel rhan o dîm ac yn cydbwyso amrywiaeth o syniadau. 

• Bydd gennych chi gymysgedd o waith ymarferol ac ysgrifenedig yn wahanol i unrhyw bwnc arall. 

Pa sgiliau fyddaf yn eu datblygu?

Byddwch chi’n cael y cyfle i ddysgu a datblygu amrywiaeth o sgiliau trosglwyddadwy ac i ymarfer cymhwyso’r rhain at sefyllfaoedd newydd e.e sgiliau dadansoddol, datrys problemau, trefnu a rheoli amser. Byddwch chi hefyd yn gallu cydweithio i gynhyrchu, datblygu a chyfleu syniadau, a bydd pob un o’r rhain yn datblygu eich deallusrwydd emosiynol. 

Bydd eich sgiliau ymarferol yn cael eu mireinio a byddwch chi’n dangos creadigrwydd, myfyrdod a gwydnwch, yn ogystal â datblygu hyder a sgiliau cyflwyno cryf. 

Bydd eich sgiliau ysgrifenedig dadansoddol a chreadigol, yn ogystal â’ch gallu i hunanfyfyrio, yn cael eu datblygu trwy amrywiaeth o dasgau. 

Bydd astudio Drama a Theatr yn rhoi cyfleoedd i chi feddwl ar lefel uwch, trwy ystyried syniadau sy’n mynd y tu hwnt i iaith. Mae’n hyfforddiant gwych ar gyfer yr ymennydd a fydd yn eich helpu mewn meysydd eraill hefyd. 

Trwy astudio Drama a Theatr, byddwch yn meithrin sgiliau i lwyddo yn eich camau nesaf.