O PANO

Cómo novidade deste curso, nos torneos dos recreos, incorporouse "O pano".

Certo é que non foron moitos os equipos que se apuntaron a esta modalidade, pero os que xogan o pasan en grande!

CADROS DE HONRA DOS TORNEOS REMATADOS

CARTELERÍA DEPORTE ESCOLAR

Como parte do plan proxecta no que está a participar o noso centro, está a animación á participación no deporte escolar a través do programa Xogade, para iso o alumnado de Plástica de 3º e 4º da ESO dirixidos pola profesoras Adela e Begoña deseñaron os carteis para anunciar os eventos deportivos de Xogade nos que pode participar o noso alumnado. A continuación, algúns dos traballos:

MARCADOR ELECTRÓNICO

A profesora Ledicia, coa súa impresora 3D, fíxonos a carcasa dos díxitos do marcador electrónico que está deseñando o alumnado de 1º CM Instalacións de Telecomunicacións dirixidos pola profesora Carmen Freiría. Agardamos que á volta deste confinamento dea tempo a facer as placas coa electrónica e poder estrear o marcador este curso

Concurso de logotipos

A comezos do curso convocouse un concurso de logotipos para elixir o logotipo que irá nas camisetas dos representantes do centro en deporte escolar. Nas imaxes tedes unha pequena mostra de todos os que se presentaron e poderedes comprobar que a elección non foi fácil xa que o alumnado traballou ben nas clases con Begoña e Adela..

CAMPIONATO ZONAL DE ORIENTACIÓN

O pasado 11 de marzo o noso centro participou no campionato zonal de orientación por clases celebrado no CUVI. Aínda que na imaxe so se ve unha pequena parte dos participantes, do noso centro participou case todo o alumnado de segundo da ESO. O alumnado tiña que atopar o maior número de balizas posible nunha hora de tempo. As balizas estaban distribuídas por todo o campus.

CAMIÑANDO...

O pasado 25 de outubro, alumnado de 4º ESO C e 4º ESO D, acompañados pola profe Fini e a profe Chus, visitaron a adega e os viñedos "Altos de Torona" e, como non fixeron exercicio suficiente camiñando polos viñeros, decidiron volver a pé ao IES por unha ruta de 5 km deseñada polo profesorado e alumnado do Ciclo Medio de Aproveitamento e Conservación do Medio Natural.

DÍA EUROPEO DO DEPORTE ESCOLAR

Este curso comezamos celebrando o Día Europeo do Deporte Escolar. Organizáronse por equipos de 6 ou 7 persoas para participar nas distintas actividades programadas, como brilé, baile, ioga, diferentes carreiras, baloncesto, etc. Salvo pequenos percances, a xornada foi alegre e divertida para toda a comunidade.

CALENDARIO TORNEOS RECREO MARZO

Calendario partidos aprazados

Este é o calendario dos partidos que non se poderon xogar no primeiro trimestre. O xoves da semana que vén teremos a reunión onde se fará o sorteo para a fase final. Non faltedes porque alí se vos dirá que equipo xoga xa ese venres a primeira semifinal!