ܡܬܬܣܪ̈ܚܢܘܬܐ

ܡܬܬܣܪ̈ܚܢܘܬܐ

           ܒܫܢܬ ܐܨ̇ܡ̄ܗ 1945 ܐܬܬܣܪܚ ܩܪܘܝܐ ܒܥܕܬܐ ܕܡܪܬܝ ܫܡܘܢܝ ܕܒܒܪܛܠܐ: ܒܣܝܡ ܐܝܕܐ ܕܬܠܝܬܝ ܛܘܒ̈ܐ ܦܛܪܝܪܟܐ ܡܪܝ ܐܝܓܢܐܛܝܘܣ ܐܦܪܝܡ ܩܕܡܝܐ.

             ܒܫܢܬ ܐܨ̇ܢ̄ܒ 1952 ܐܬܬܣܪܚ ܐܦܘܕܝܩܢܐ ܒܥܕܬܐ ܕܡܪܝ ܓܘܪܓܝܣ ܕܒܙܚܠܗ: ܒܣܝܡ ܐܝܕܐ ܕܬܠܝܬܝ ܛܘ̈ܒܐ ܡܪܝ ܣܘܝܪܝܘܣ ܝܥܩܘܒ (ܦܛܪܝܪܟܐ ܡܪܝ ܐܝܓܢܐܛܝܘܣ ܝܥܩܘܒ ܬܠܝܬܝܐ).

         ܒܫܢܬ ܐܨ̇ܢ̄ܚ 1958 ܐܬܬܣܪܚ ܡܫܡܫܢܐ ܒܥܕܬܐ ܕܡܪܝ ܓܘܪܓܝܣ ܕܒܕܪܡܣܘܩ، ܒܣܝܡ ܐܝܕܐ ܕܬܠܝܬܝ ܛܘܒ̈ܐ ܦܛܪܝܪܟܐ ܡܪܝ ܐܝܓܢܐܛܝܘܣ ܝܥܩܘܒ ܬܠܝܬܝܐ.

  ܘܒܝܘܡܐ ܪܒܝܥܝܐ ܕܟܢܘܢ ܐܚܪܝ ܕܫܢܬ ܐܨ̇ܢ̄ܛ 4 - 1 -1959 ܡܫܡܫܢܐ ܦܛܪܘܣ  ܐܬܬܣܪܚ ܩܫܝܫܐ ܠܡܕܝܢܬ ܥܡܐܢ: ܒܥܕܬܐ ܕܡܪܝ ܦܛܪܘܣ ܘܡܪܝ ܦܘܠܘܣ ܕܒܒܝܪܘܬ: ܒܣܝܡ ܐܝܕܐ ܕܦܛܪܝܪܟܐ ܡܪܝ ܐܝܓܢܐܛܝܘܣ ܝܥܩܘܒ ܬܠܝܬܝܐ (1980+)  ܘܒܝܘܡܐ ܕܒܬܪܗ. ܚܙܩ ܠܥܡܐܢ ܕܢܩܘܡ ܒܬܫܡܫܬܐ ܕܥܕܬܐ ܘܝܬܝܪܐܝܬ ܬܫܡܫܬܐ ܕܥܐܕܐ ܕܒܝܬ ܝܠܕܐ ܠܦܘܬ ܚܘܫܒܢܐ ܡܕܢܚܝܐ.

     ܡܕܝܢ ܒܝܘܡܐ ܚܡܝܫܝܐ ܕܟܢܘܢ ܐܚܪܝ ܕܫܢܬ ܐܨ̇ܢܛ̄ 5 ـ 1ـ 1959 ܐܙܠ ܠܡܕܝܢܬ ܥܡܐܢ. ܟܕ ܗܘܝܘ ܟܗܢܐ ܕܥܕܬܐ ܘܡܕܒܪܢܐ ܕܒܝܬ ܣܦܪܐ ܕܬܡܢ.

     ܘܒܝܘܡܐ ܕܥܣܪܝܢ ܘܐܪܒܥܐ ܕܟܢܘܢ ܐܚܪܝ ܕܫܢܬ ܐܨ̇ܣܛ 24- 1- 1969 ܘܠܦܘܬ ܦܘܩܕܢܐ ܥܠܝܐ ܕܬܠܝܬܝ ܛܘܒ̈ܐ ܦܛܪܝܪܟܐ ܡܪܝ ܐܝܓܢܐܛܝܘܣ ܝܥܩܘܒ ܬܠܝܬܝܐ: ܐܬܥܠܝ ܠܕܪܓܐ ܕܟܘܪܐܦܣܩܘܦܐ ܒܥܕܬܐ ܕܡܪܝ ܐܦܪܝܡ ܕܒܥܡܐܢ: ܒܐܝܕ̈ܝ ܬܠܝܬܝ ܛܘܒ̈ܐ ܡܪܝ ܕܝܘܣܩܘܪܘܣ ܠܘܩܐ ܕܒܝܬ ܫܥܝܐ: ܐܦܛܪܘܦܐ ܦܛܪܝܪܟܝܐ ܕܒܐܬܪ̈ܘܬܐ ܡܩܕ̈ܫܐ ܒܗܘ̇ ܥܕܢܐ. ܘܐܬܩܠܣ ܒܨܠܝܒܐ ܩܕܝܫܐ ܘܐܬܬܩܝܡ ܐܦܛܪܘܦܐ ܡܝܛܪܦܘܠܝܛܝܐ ܒܐܬܪܐ ܕܝܘܪܕܢܢ.