Background - V. Rev. Fr. Boutros Touma Issa Ramo Khoshaba Marya

               ܐܬܝܠܕ ܒܒܪܛܠܐ - ܥܪܐܩ ܒܬܡܝܢܝܐ ܕܫܒܛ ܕܫܢܬ ܐܨ̇ܠܐ̄ (1931) ܘܐܬܪܒܝ ܟܕ ܡܡܠܠ ܒܠܥܙܐ ܐܪܡܝܐ ܣܘܪܝܐ ܕܒܪܛܠܐ . ܐܒܘܗܝ ܡ̇ܢ ܗܘܝܘ ܡܠܦܢܐ ܡܢܚܐ ܡܫܡܫܢܐ ܬܐܘܡܐ ܒܪ ܥܝܣܐ ܒܪ ܪܡܘ (ܐܪܡܝܐ) ܕܒܝܬ ܟܘܫܐܒܐ (ܚܕ ܒܫܒܐ) ܡܰܪܝܰܐ ܘܐܡܗ ܡܢܚܬܐ ܟܘܪܬܶܐ ܒܪ̱ܬ ܚܢܘ ܕܒܝܬ ܚܬܫܝ.

               ܝܠܦ ܠܝܘܠܦܢ̈ܐ ܫܪ̈ܘܝܐ ܒܒܝܬ ܣܦܪܐ ܕܒܪܛܠܐ: ܟܕ ܝܘܠܦܢ̈ܐ ܥܕ̈ܬܢܝܐ ܘܠܫܢܐ ܣܘܪܝܝܐ ܘܛܟܣ̈ܐ ܕܥܕܬܐ: ܝܠܦ ܐܢܘܢ ܒܕܘܪ̈ܐ ܩܝܛܝ̈ܐ ܒܥܕܬܐ ܕܡܪܬܝ ܫܡܘܢܝ ܕܒܒܪܛܠܐ.

                ܒܫܢܬ ܐܨ̇ܡܗ̄ (1945) ܐܬܒܝܬܝ ܠܒܝܬ ܣܦܪܐ ܟܗܢܝܐ ܕܡܪܝ ܐܦܪܝܡ ܕܒܡܘܨܠ ܡܕܝܢ̱ܬܐ. ܘܒܬܪ ܫܒܘܥܐ ܫܪܪ ܡܕܒܪܢܐ ܕܒܝܬ ܣܦܪܐ ܕܢܗܘܐ ܦܛܪܘܣ ܒܫܢ̱ܬܐ ܬܪܝܢܝܬܐ ܕܒܝܬ ܣܦܪܐ ݂

                 ܒܫܢܬ ܐܨ̇ܢ̄ܐ (1951) ܩܕܝ ܠܣܗܕܘܬܐ ܥܠܝܬܐ ܕܒܝܬ ܣܦܪܐ ܥܗܝܕܐ: ܒܦܝܠܣܘܦܘܬܐ ܘܬܐܘܠܘܓܝܐ ܘܩܢܘܢ̈ܐ ܥܕ̈ܬܢܝܐ. ܘܒܗ̇ ܒܫܢ̱ܬܐ ܐܬܒܝܬܝ ܠܒܝܬ ܚܣܝܘܬܐ ܕܒܝܪܘܬ ܘܕܪܡܣܘܩ ܘܢܩܦܝ̈ܬܗܝܢ.