Беларуская школка ў Вільні

Бацькоўскі клуб

17 верасня (субота), 11:00

“Устойлівая псіхіка”. Уводная сустрэча

Запрашаем на першую сустрэчу бацькоўскага клуба, на якой у фармаце дыялогу мы вызначым самыя балючыя тэмы, складанасці ў адносінах з дзецьмі, адносінах у сям’і, адносінах з сабою, на якія варта звярнуць увагу ў эміграцыі.

Будзем разбірацца, што такое ўстойлівая псіхіка і што нашу ўстойлівасць падрывае. Што варта рабіць, каб яе захоўваць, і пры чым тут праца нервовай сістэмы?

На першай сустрэчы мы пазнаёмімся з пунктам гледжання псіхалогіі на чалавека, паспрабуем гэтыя веды перанесці на сябе і сфармуляваць запыт, чым жа курс можа быць карысны менавіта Вам. Высветлім, як з усімі нашымі праблемамі звязаная псіхіка і нервовая сістэма, у якіх выпадках псіхалагічныя веды не здольныя дапамагчы, а ў якіх будуць карыснымі.

Чакаем Вас!