Прадметная галіна: беларуская мова.

Міжпрадметыя сувязі: руская мова, методыка выкладання беларускай мовы 

  Прывітанне! Я — спадар Сінтаксіс! 

Мы ўжо з вамі сустракаліся, калі вы мне дапамагалі "вылечыць" Словазлучэнні. 

Дзякуй вам за гэта! 

Сёння я запрашаю вас у вандроўку па самым важным для яшчэ аднаго жыхара майго царства — Сказа.

Калі мы з вамі адпраўляемся ў вандроўку, то заўсёды чакаем, што там мы знойдзем нешта незвычайнае, або адбудзецца што-небудзь цікавае, ці здарыцца чароўная падзея.

Што вы чакаеце ад нашай вандроўкі?

Думаю, што разлічваеце на цікавыя заданні, захапляльныя станцыі і прыпынкі.

Калі так, то не сумнявайцеся! Сядаем у наш чароўны сродак перамяшчэння і —  айда вандраваць па аснове! 

Удзельнікі вэб-квэста павінны:

Ведаць: асноўныя тэарэтычныя пытанні сінтаксісу як раздзела граматыкі; характэрныя адзнакі і ўласцівасці галоўных членаў сказа.

Умець характарызаваць: галоўныя члены сказа і адзначаць іх асаблівасці.

Валодаць навыкамі: поўнага сінтаксічнага разбору простага сказа; валодання вуснай і пісьмовай формамі літаратурнай мовы; самастойна асэнсоўваць і тлумачыць розныя моўныя з’явы; карыстацца моўнымі сродкамі беларускай мовы ў практычнай дзейнасці.