Á þessari síðu er að finna hugmyndir að verkefnum sem unnin voru með hjálp NotebookLM. Útfrá greiningu verkfærisins á Laxdælu hönnuðum við tímalínuverkefni sem er hugsað sem kveikja að stærra lokaverkefni. Greining NotebookLM á helstu persónum sögunnar var nýtt til að útbúa flettispjöld á Quizlet sem býður upp á skemmtilega möguleika í gegnum leiki, bæði einstaklingslega og í hópum. Að síðustu bjó NotebookLM til Deep Dive hlaðvarp um Laxdælu sem við settum inn á Youtube svo við gætum nýtt það á auðveldan hátt sem hlustunarefni inni í Google Forms. ChatGPT hlustaði á myndbandið og bjó til fyrir okkur 15 krossaspurningar sem við settum upp í Google Forms. 

Verkefnin má sjá hér að neðan en þau tengjast inn á lykilhæfni í Aðalnámskrá Grunnskóla, sem og íslensku, upplýsinga- og tæknimennt og erlend tungumál. Öll verkefnin henta sem tímaverkefni, en hlustunarverkefnið og Quizlet býður upp á möguleikann að vinna þau heima. Tímalínuverkefnið er hópverkefni og þarf að vinnast í kennslustund undir umsjón kennara. Í framhaldi af því er síðan skapandi vinna sem nær yfir lengra tímabil.

Um er að ræða þrjú dæmi um verkefni sem unnin voru með hjálp NotebookLM en klárlega býður verkfærið upp á ótal fleiri möguleika sem áhugavert væri fyrir lesendur þessarar síðu að skoða. Smelltu hér til að prófa sjálf/t/ur.