E reo tuorooro no taku tupuna ko Uke Ariki

Ki te tiroe enua, ki te kapua’anga enua

Ka uru ei i te patiki nui, i te patiki ra’i

I te Taunganui o Uke Ariki

Tupuanga enua noku

Tei tu ki te rua o te maoake

Takiva te rangi o Tangaroa

Makemake te rangi o Avaiki nua

Ka neke te marama Ka neke o te au etu

Taku ariki marokura,

Taku tuingariki ka tumu ki te enua

E ariki i te tau-revareva

Kua rere to kura ki O Rongo

Akatoka ei au i toku nei manava

Ko koe ia e taku pito enua ko Akatokamanava.

Ko Uriaau George toku ingoa. E pito enua noku ko Akatokamanava, te enua o toku ui tupuna, putaranga mai ei au ki te ao nui marama o Iva. Puroro mai au mei roto i taku tupuna ko Uke Ariki, tae roa mai ki te tui ngariki e toru o toku au Matakeinanga, ko Nurau, Teakatauira e Paruarangi. Kua puta mai au ki teia ao, akaperepereia e toku ngametua. Kua utuutuʻia mai au i te ngari o aku nga tupuna. E tupuanga ruperupe toku ki teia ao, i riro mai ei au e ko au i teia ra, e puapii no te Reo Maori Kuki Airani tei riro ei parauʻanga naku. E ngakau parau katoa ana au iaku e tamaine Maʻuke .

Taku tokotoko e porutu ki te rangi atea, no taku vaka kia tere ki mua. A i e ko ko.