My reflections

E nui uatu rai te au kite e te marama i rauka mai i te tuatau o teia apiʻi te kariro i te akamatutu e te akapari atu i te turanga o te au puapii tei piri mai ki roto i tei apiʻi.

Ko tetai tuʻanga ʻōu taku i mou mai i roto i teia tuʻanga apiʻi, koia oki te apaiʻanga mai i te au ʻweb linkʻ no tetai au tutu me kore au ngaʻi te ka rauka i te ano ki roto.

Ko te tuʻanga o te memrise, i toku irinakiʻanga, kare au e karanga e, e ngōʻie e kare katoa au e karanga e ʻe, ngāta i te mea e ko teia tuʻanga nei kua raveʻia i roto i te au pupu rikriki. Kua riro tetai i te tauturu mai i te au ngāʻi kare au i kite me kore kare tetaʻi i kite.

Kareka ra ko te au angaanga raverave i roto i teia au tuʻanga, ka tauturu te reira iaku kia taangaanga au kiroto i te areapiʻi i te apiʻiʻanga i taku au tamariki. Ka riro teia au angaanga raverave i te taui i te manako o tetai au tamariki kia inangaro i te tamou e te taangaanga i to tatou reo Ipukarea. Ko tetai au tamariki ka riro tetai o te au angaanga raverave i te akamātūtū atu i te turanga o tetai au tamariki.

Kua maata katoa te tuatau o te taangaanga i te roro uira i roto i teia tuanga apii nei, e, e mea meitaki teia iaku i te mea e te taui nei te tuatau e te aru nei tatou i te au tauianga i roto i te tuanga tekinōrōti.

Kua kite katoa oki tatou i teia tuatau e, te oraanga o te tamariki e te au māpū tei runga te reira i te terepōni apaipai (mobile phones). Mako atu i reira teia au angaanga raverave ʻōu ki te uki o teia ra.

Ko tetai tuanga ua e tāʻīʻī nei rai au koia oki ko te tuanga o te au takiato korero.

Ko te mea puapinga i roto i teia apiʻi kia mou iakoe te au tu tkiato, te au tu takiato korero, ka ngōʻie ua i reira te aruʻanga o te apiʻi.

Ko te rua, koia oki kia nakiro rai i te taangaanga i te roro uira i te mea e ko te ravenga teia i te taui i te manako o te tamariki kia inangaro i te tamou i to tatou reo.

Te tupu nei te perepere kavana i te apai i teia apii, ta Ake e apii nei i te mea te aru nei te reira i te kite e te tekinōrōti o teia ra e ka ngōʻie te apiʻi e te tamouʻnga.