Governu Timor-Leste, ho apoiu husi Organização Mundial da Saúde Timor-Leste, foti ona medida oin-oin atu prevene no limita surtu COVID-19 iha Timor-Leste (LINK: http://timor-leste.gov.tl/?p=23718&n=1&lang=tp). Maibé, atu garante susesu husi asaun sira-ne’e hotu, populasaun tomak tenke hala’o knaar importante ida hodi evita moras ida-ne’e bele da’et habelar.

Informasaun ne’ebe civitas academica tomak presiza hatene no halao para prevene moras COVID-19:

a) Fase liman beibeik ho sabaun no bee mos;

b) Bainhira mear ka fani taka inus no ibun ho liman sikun ka uza tissue;

c) Soe kedas tissue foer ba lixeira no fase liman;

d) Evita kumprimentu sira ne’ebe ho kontaktu fisiku

e) Evita halo kontaktu besik ho ema ne’ebé maka me’ar no isin manas;

f) Labele besik (metru 1) ba ema sira ne’ebé iha sintoma klíniku respiratóriu (me’ar, fani no susar atu dada-iis);

g) Hamos tutir ita nia área servisu ho desinfektante hodi prevene moras husi coronavirus (COVID-19)

h) Karik iha sintoma klíniku respiratóriu (isin-manas, me’ar, fani no susar atu dada-iis) tenke uza máskara;

i) Ema hirak ne’ebé presiza máskara atu taka ibun mak ema sira-ne’ebé ho sintoma klíniku respiratóriu ka sira ne’ebé fó asisténsia direta ba ema sira ho sintomas ne’e, maibé la’ós ba ema hotu-hotu;

j) Te’in na’an no manu-tolun halo tasak didi’ak molok atu han;

k) Antibiotiku laos aimoruk hodi hamate coronavirus;

l) Coronavirus (COVID-19) bele hadaet ba kualker ema ida sein hare ba nia rasa ka etnia.