Bazeia ba despaxu do Reitor No. 12/UNTL/R/III/2020, ne’ebe nomeia Comissão para Avaliação de Riscos e Elaboração e Gestão do Plano de Contingência Interna COVID-19 da UNTL, no mos bazeia ba despaxu No. 13/UNTL/R/III/2020 kona-ba Medidas Imediatas para Prevenção do COVID-19 na UNTL, maka komisaun ne’e rasik hahu halao nia servisu liu husi aproximasaun ba Organização Mundial da Saúde Timor-Leste (OMS-TL) atu kolle informasaun kredivel no mos halao reuniau inisial atu hare kompilasaun dokumentu ida ne’e rasik.

Ho hanoin ida atu prepara intituisaun sira hasoru moras COVID-19, hodi nune’e fo resposta ida ne’ebe lais no efektivu, maka UNTL mos nudar hanesan intituisaun boot nebe hamahan ema barak, tantu estudante, dosente no funsionariu administrativu sira, iha hanoin ida atu prepara dokumentu ida ne’e atu sai nudar matadalan ba hasoru moras refere.

Objektivu husi Planu Kontinjensia ida ne’e:

· Prevene civitas academica UNTL tomak atu hetan moras COVID-19;

· Sira ne’ebe suspeita hetan moras ne’e enkamiña ba atensaun sistema saude nian hodi hetan tratamento;

· Prevene sira ne’ebe hetan ona moras COVID-19 hadaet tutan moras ba ema seluk.

Medida ne’ebe sei foti:

· Forma Grupo de Traballu Tekniku ba asuntu refere iha UNTL laran;

· Implementa medida prevensaun primaria hodi prevene moras ne’e;

· Estabelese fatin observasaun temporariu iha UNTL laran:

· Estabelese mekanismu koordenasaun ho Ministeriu da Saude RDTL no mos OMS-TL;

· Estabelese planu karik presiza atu taka temporariamente UNTL.

Ida ne’e mak sai nudar konteudu prinsipal Planu Kontinjensia ida ne’e nian no sai nudar matadalan ida ba ita civitas academica tomak.

Planu_Kontinjensia_UNTL_COVID-19