Dustin Echizen Del Mundo

Ang paaralan, itinuturing na pangalawang tahanan ng mga mag aaral. Sa paaralan, itinuturo ang mga kaalaman na huhubog sa isipan at karunungan ng isang batang mamamayan. Kadalasan, sa paaralan, malaya ang mga mag aaral. Pero hindi pa rin matatakasan ang mata ng mapanghusgang lipunan, hindi pa rin ito makakalaya sa kadena ng pag aasam ng pamilya sa tahanan. At kung minsan, para sa karamihan, ang paaralan ay minsang nagmimistulang kulungan. Kulungan ng kahirapan sa pag-aaral. Kulungan na ang tanging paraan upang makalaya ay ang karunungan.

Sa kasalukuyan, ang salitang ‘academic pressure’ ay maririnig sa karamihan ng mga mag aaral. Ito ang sitwasyon kung saan ang isang mag aaral o estudyante ay nakararanas ng ‘psychological discomfortness’ o ang problema na nararanasan ng isang estudyante mula sa kanyang akademikong pag aaral. Bawat mag aaral, walang takas sa bangungot ng sitwasyong ito. Problemang maaring magmula sa loob mismo ng silid-aralan, sa gitna ng komunidad, at maging sa loob ng sariling tahanan. Sa murang edad, maari ng makaranas ng academic pressure ang isang mag- aaral. Kadalasan, ang pinakamurang alaala kung saan mula ang problema, ay sa loob ng tahanan. Mula sa mga magulang na nag aasam ng kagalingan sa akademikong larangan. Ang komunidad, walang takas sa mapanghusgang tingin sa mag aaral, at mga inaasam ng mga taong ang tanging ginagawa ay ang magbigay ng istandard ng kahusayan sa lipunan. 

Maging sa loob ng silid aralan, ang pagkaranas ng pagkakaroon ng kompitensya sa ibang kasamahan at paghahambing sa sarili mula sa ibang kaklase na mayroong epesyal na kakayahan. Ayon kay Doctor Carl Reman Maranan, University Councilor at miyembro ng Counseling and Psychological Wellness Center ng University of Batangas (COPWELL), madaming aspeto ang maaring magdulot ng academic stress o academic pressure. Isa dito ang mataas na pag aasam ng mga guro o ang pagkakaroon ng ‘unrealistic expectation’. Ang mataas na istandard o pagtingin ng mga guro sa mga estudyante ay isa sa mga pangunahing daing ng mga mag aaral at ang madaming bilang ng mga aktibidad at gawain na ipinapagawa ng mga guro. Para kay Carl John C. Garcia, estudyante ng University of Batangas Senior High school ”tuwing marami kaming naka assign na gawain, nahihirapan din kami imanage lalo na’t may mga subjects na kailangan ng matinding preparasyon at minsan naiiwan yung ibang gawain na kailangan ding matapos”. 

Ang pagkakaroon ng sabay-sabay na gawain ng mga mag aaral ay ang nagsasanhi ng pagkaroon ng weakness of character o ang pagkakaroon ng mentalidad na hindi kayang gawin lahat ng mga gawain lalong lalo na kung limitado lamang ang panahon. Batay kay Dr. Maranan, maraming maaring kahantungan ang academic pressure. “Una ang stress, lahat ng tao nakakaranas ng stress, sa school man o sa bahay ito yung pagiging problemado ng mga mag aaral sa kanilang gawaing mga activities. Pangalawa, ang pagkakaroon ng anxiety, ito ay nararanasan kapag nag sabay sabay ang mga gawain at hindi alam kung paano tatapusin o kung kaya pa ba sa kapasidad na gawin ang mga ito. Pangatlo ay ang burn out, hindi tulad ng stress at anxiety, ito ay ang pag kawalan ng ganang gumawa ng mga gawain o maging ang magaral at ang pang huli ay ang depresyon, ito ang pinaka malalang maaring maranasan ng isang magaaral. 

Maaring makaapekto ito sa sikolohikal na pagiisip ng isang estudyante at maaring humantong sa kamatayan.” Sa pag aaral na isinagawa ni Shiela Geronimo kasama ang kanyang mga kasamahan na ’Understanding Percieve Academic Strees Among Students’ noong 2023, walang pinipiling kasarian ang academic pressure kaya pantay ang porsiyento na makaranas ang babae at lalaki ng academic pressure. Ang academic pressure ay normal na maranasan ng isang magaaral. Ayon sa COPWELL, maraming paraan upang maiwasan o mabawasan ang academic pressure. Ang pagkakaroon ng positibong mentalidad ng bawat mag aaral at ‘AI, kaibigan, hindi kalaban’ - UBDE Dir. pagkakaroon ng ‘time management’ upang mabawasan ang stress at anxiety.Maging ang simpleng pakikipagusap sa pamilya o mga kaibigan ay isang malaking tulong sa kalusugang mental ng magaaral. Ang paaralan, unang yugto ng buhay ng isang batang mamamayan. Paaralan na takbuhan mula sa magulong tahanan ngunit di nagtagal ay nagmistulang kulungan. Mga kulungan na ang susi ay kaalaman. Mga laban na ang sandata ay karunungan. Para sa karamihan, ang pagaaral, hindi lamang matematika o agham ang natutunan, kung hindi isang kaalaman kung paano harapin ang mas marami pang laban ng kinabukasan.