O cine é unha arte que nos abriu as portas para traballar todo tipo de actividades. Dende o comezo do curso quixemos crear un ambiente cinéfilo no centro, onde todo o alumnado se sentise protagonista, aprendendo todo o vocabulario e estruturas orais necesarias para crear esta realidade.

Os alumnos sentíronse moi motivados, elaborando materiais, traballando diferentes roles e vivindo en primeira persoa situacións relacionadas co mundo do cine: crear unha taquilla e elaborar as entradas, recrear unha sala de cine, como se vive unha entrega de premios...

Ao longo do curso programamos moitas actividades co obxectivo de desenvolver as competencias lingüísticas, tanto orais coma escritas ... Achegáronse ao mundo dos diferentes tipos de filmes, descubriron a importancia das bandas sonoras e viron representado no cine o paso do tempo dende os pioneiros ata os últimos avances técnicos. que podían ser

Mostraron as súas emocións e sentimentos, sorprendéndonos as reaccións que tiveron ante algunhas proxeccións. Tamén nos sorprendeu a súa reacción ante determinadas imaxes e películas que pensamos que poderían parecer antigas e non ser do seu interese.

Os alumnos mais pequenos e os de niveis superiores participaron en actividades internivelares, moi enriquecedoras para todos porque favorecen o traballo cooperativo e teñen que tomar decisións, co que se espertan o pensamento crítico e o espiritu democrático.

A realización do proxecto foi moi satisfactoria e estamos contentos co resultado, por iso pensamos continuar o curso que ven traballando o mundo do cinema, aínda que dende outro punto de vista máis práctico: como facer unha curta , como empregar diferentes técnicas coma o croma, como se fai a dobraxe dunha curta...

Esperamos que os Multicines Efrén sexan todo un éxito