卡爾在學校的生態角中，望著大魚缸，紅紅綠綠的小魚游來游去，卡爾再三檢查了電子餵飼器的齒輪沒有損耗，在餵飼器上加裝了防水的蓋子，就算下大雨都唔會弄濕飼料，就不會把齒輪卡住了，咁樣，大約一星期才添一次飼料就夠了，暑假就不用天天來看。
要將新一期既《機械人動向》雜誌交還去圖書館了，今天才剛寄到學校，一定要先睹為快，鬼叫我冇錢買咩～睇完雜誌，檢查完餵飼器，望一望錶，已經3點半，平時放學鐘應該響起來了。係時候去看看我的基地了。
廢棄的回聲球，聽大人講係某個大型實驗既廢棄物，面對如此大型既機械，大人們說因為新製的回聲球成本更低，所以壞掉的會變成垃圾。我望著它，簡直裡裡外外都是寶，怎會係垃圾？
回聲球有出入口，入面空間都幾大。我小心打開門口既紗網，紗網係防止蚊蟲飛入既。看見我近來既精心製作，電動單車，嚴格來說佢未係電動，因為我找不到電池。突然我聽到一些口大吱吱聲……
我望向旁邊的樺樹，慢慢聽取聲音來源，發現原來係一隻小鳥在樹低叫，可能係初生的關係，全身毛絨絨的，張大個口在叫。心諗，如果唔理牠，準會被狐狸吃掉。
再望望樹支，雀巢在約2米高既樹枝處，雀巢有點大，樹枝可能唔夠闊支撐，然後雀仔才掉下來。
剛好地上有塊頗大既樹皮，硬硬的。我將工具箱，樹皮同小鳥全放在背包上，開始爬樹，很快就到了雀巢，原來仲有4隻初生小鳥。
我事先在樹皮上插了索帶，輕輕將樹皮放在雀巢懸空既位置，固定好，同小雀們講：「小心唔好再跌喇！」
差唔多4點半，要去電器店了，嘉莉應該已經走了，我可不想聽佢兩父女鬧交，現在去剛剛好。
惡老頭電器店，店主係嘉莉姐姐既老爸，這個老煙槍一天可以抽幾包煙，我估計若切開他的肺，應該全是黑色既。
「Uncle Johan」我叫他。
他看著報紙唔了一聲，然後看一看煙包：「我去買煙，你睇住啦～」
我估佢除左買煙，仲會去打牌，要離開一陣。
我問他：「嘉莉姐姐呢？沒有來？」
Joahn答：「我見唔到佢囉～應該放低左個飯壺就走左，你要搵佢？」我搖搖頭，Joahn就走了。
我隨即在垃圾筒找到嘉莉既紙條，寫著：「老豆，阿媽煮左下午茶俾你，你今晚幾點返嚟？」原來兩父女沒有撞見，唔怪得uncle沒有發火。
我將紙條收起，諗住見到肥貓時俾佢，肥哥哥好喜歡收集嘉莉姐姐既野，呢張字條應該可以換幾粒糖。
「唔該！」一個婆婆推住手推車來到，上面有一把座地風扇，仲有一個汽車電池！
「師傅不在嗎？」
我說店主去左買野，原來嬸嬸既風扇開唔到，我說不如俾我睇睇。
我打開蓋子，發現電線斷了，估計係俾老鼠咬既。
「電線斷了，所以不能動，我幫妳更換電線吧～」
在店內放廢棄電器既角落，我稱呢個係「寶山」既地方，拆了電線出來更換，風扇就修好了！
嬸嬸很高興，問我修理費俾多少，我說我不是店主，不知道收幾錢，算啦唔收了。不過請妳不要同店主講，否則佢唔會再俾我看鋪。
嬸嬸說ok，我問嬸嬸個汽車電池要搬去邊？
嬸嬸說：「唉～好似壞了，係阿仔部車既，佢話會買新電池，我諗住試下俾老闆睇下先」拍拍手臂：「點知原來好鬼重，推到我手腳都震！」
我話：「嬸嬸可唔可以送電池俾我，我改裝緊一部電動單車，但電池好貴，我買唔起。」
嬸嬸笑了笑：「小朋友你真本事，單車都整到，好吧～就送俾你啦～我見好多候生仔有玩車既，不過小朋友你咁細個就自己整車，好叻喎～就算我整返好，阿仔都未必鍾意，要我推番呢舊野返去真係攞我老命，你要左佢都好，就算多謝你幫我整風扇啦！」
我用舊報紙將電池包好，Johan叔叔就回來，我問佢贏左幾多？佢聲都唔聲就坐底睇報紙。
我心知不妙，大聲講：「我急屎呀～返屋企先！」就衝出店。
離遠就聽到叔叔罵道：「懶人多屎尿！頂！你食屎啦！」
我帶住電池向回聲球既方向奔去。
等我研究下舊電work唔work好先……
又見到心愛既回聲球，我望了望雀巢，見到雀媽媽回來了，雀爸爸在旁邊既樹支上跳來跳去。
我把單車從回聲球中取出來，小心地安裝好電線，當手準備按下開關時，我心跳都快跳到停止。結果摩打轉動了，帶動著齒輪，後輪順利地轉動了！我叫了起來！Yeah!Yeah!Yeah!
不過突然摩打停止了，我馬上關上電源，仔細檢查。發現輸出位有嚴重生銹，估計因為發熱過大，就短路了。這個問題應該不大，磨走銹跡後應該可以運作到。剛剛成個系統能夠發動，證明電動單車已經完成，以後就要考慮充電既問題。
我擁有自己既電動單車，我擁有自己既電動車喇！好嘢！
太陽開始慢慢下山……