Karangan Bahasan Tradisi Sunda

Pengertian Karangan

Karangan nyaéta hiji wangun tulisan nu ngungkapkeun pikiran jeung perasaan panulis dina kasatuan téma anu utuh. Karangan dihartikeun ogé ku hasil runtuyan pamikiran atawa ungkapan perasaan kana wangun tulisan anu teratur. Sacara umum, Karangan ditempo salaku polah atawa kagiatan komunikatif antara panulis jeung pamaca dumasar téks nu geus dihasilkeun.

karangan dibagi kana jenis-jenis dihandap ieu :

Karangan narasi

Karangan narasi téh nyaéta hiji karangan nu nyaritakeun peristiwa atawa kajadian ku tujuan supaya nu maca saolah-olah ngalaman kajadian nu dicaritakeun.

Karangan Deskripsi

Karangan deskripsi nyaéta karangan nu ngagambarkeun hiji obyék nu tujuana supaya nu maca ngarasa saolah-olah ninggali sorangan objek anu digambarkeun éta.

Karangan Eksposisi

Karangan éksposisi nyaéta karangan anu ngajéntrékeun sajumlah pangaweruh atawa informasi jeung pangaweruh anu sajelas-jelasna.

Karangan Arguméntasi

Karangan arguméntasi nyaéta karangan anu boga tujuan pikeun ngabuktikeun hiji bebeneran supaya nu maca yakin kana éta bebeneran. Pikeun ngabuktikeun téh butuh data jeung fakta anu ngayakinkeun.

Karangan Persuasi

Karangan persuasi nyaéta karangan anu boga tujuan pikeun mangaruhan nu maca.[rujukan?] Karangan ieu ogé butuh data salaku pangrojong.