ÞRÍVÍDDARPRENTARI

Þrívíddarprentun er tækni sem var þróuð og kom fram árið 1980 en ruddi sér ekki til rúms fyrr en í kring um 2009. Prentararnir sjálfir taka við upplýsingum á formi CAD (computer-aided design) skrár sem er búin til í þrívíddar hugbúnaði og kemur þeim til skila með stút sem hitar þráð, oftast plastþráð, upp að bráðnun og sprautar honum svo á yfirborð. Þannig byggir prentarinn lög af plasti, hvert ofan á annað, þar til hluturinn er orðinn til. Þrívíddarprentarar hafa ýmis notagildi í framleiðslu á ýmsum hlutum og hafa verið notaðir í kennslu til að kynna nemendur fyrir stafrænni framleiðslutækni.