Spjallbekkur

Spjallbekki er að finna víða um heim og er ætlað að hvetja til félagslegra samskipta og draga úr einmanaleika. Spjallbekkir hafa nú í kjölfar Viku einmanaleikans 2025 verið settir upp á þó nokkrum stöðum. 

Þeir eru merktir, til að gefa til kynna að sá sem situr þar er opinn fyrir samtali. Spjallbekkir skapa þannig vinalegt rými fyrir ókunnuga til að tengjast. Markmið þessara bekkja er að ýta undir samfélagskennd og draga úr einmanaleika og félagslegri einangrun með því að hvetja til lauslegra samræðna.

Spjallbekkir eru hvatning um að nýta alla bekki í gott spjall.

Hvernig þeir virka

• Bekkirnir eru sérstaklega merktir sem gefur til kynna að sá sem situr þar sé fús til að spjalla eða opinn fyrir samtali.

• Spjallbekkir eru staðsettir á opinberum stöðum eins og í almenningsgörðum, við gönguleiðir, í  verslunarmiðstöðvum og samfélagsmiðstöðvum, sem gerir þá auðveldlega aðgengilega fyrir vegfarendur.

• Merkingarnar hvetja fólk til að hefja samtöl, sem eflir tengsl og samfélagskennd. Þeim er ætlað að vera aðgengilegir öllum, óháð aldri eða aðstæðum, og bjóða þannig upp á lágan þröskuld til samskipta.