中華白海豚會怕羞面紅？

中華白海豚係一種活潑好動嘅動物，佢嘅成年體呈粉紅色，佢活躍時會令到表皮嘅微絲血管充血，所以望落好似白裡透紅，就如同人類喺怕羞時會面紅一樣！

現正面臨死亡威脅

沿岸各項填海工程令中華白海豚面臨死亡威脅！據香港海豚保育協會報告指出，本港中華白海豚喺2024年僅餘一條。過去以至即將進行嘅大規模填海，如赤鱲角機場、港珠澳大橋同第三條機場跑道等工程項目，都令適宜中華白海豚生存嘅自然環境消失。

因佢哋生活喺近岸嘅淺水區，其繁殖、生長、覓食、遷徙等等都同人喺沿岸嘅所作所為息息相關。沿岸工程令水質受到嚴重污染，例如開挖海泥令海水內沉積物數量增加，魚類鰓部更易堵塞同減低海中嘅溶氧濃度，令大批魚類緩慢生長或死亡，中華白海豚難以覓食。同時海中污染物，如重金屬等亦導致佢哋嘅健康受到威脅。

而且，聲音作為海豚賴以為生嘅重要一環，海豚依賴回聲來獵食、溝通及定位，但海底工程撞擊式嘅打樁聲同海上輪船頻繁來往所發出嘅高噪音，令佢哋難以同同類溝通，嚴重更可能導致死亡。

香港嘅人嘅夥伴

1997年香港特區成立嘅時候，中華白海豚被選為吉祥物，更被譽為「海上大熊貓」同「海上國寶」等，廣受香港人關注。

佢除咗喺香港特區成立之際具特殊地位，同時亦對野生動物保護產生積極嘅作用。為咗保護中華白海豚，香港政府喺龍鼓洲水域首先建立咗海岸公園保護區。但係，近年來圍海築堤、捕捉同誤捕，以及缺乏生態保護嘅海洋工程建設，令原來常見嘅中華白海豚嘅數量明顯減少。

唔少人認為面對填海工程，海豚仍可以另覓新居，但其實佢哋已無處可去。珠江口以北嘅水太淡，以南嘅水太鹹，所以佢哋淨係可以困喺鹹淡水交界，即河口地帶。作為香港人，中華白海豚係我們嘅夥伴，各界人士應對此多加關注，認真審視填海工程為中華白海豚帶來嘅危機，保護佢哋。

赤腹松鼠

赤腹松鼠每當見面時會「kiss」對方？

行行吓公園，見到兩隻赤腹松鼠喺度kiss？！唔通係因為佢哋恩愛或者太熱情？錯啦！原來佢哋係靠嗅覺辨認對方，第一次遇見素未謀面嘅同類時，佢哋會靠近對方，熟悉對方嘅氣味，睇落就好似kiss緊咁；而當佢哋再次見面，佢哋就可以靠靈敏嘅嗅覺知道對方嘅身份啦！佢哋嘅認「鼠」方法係咪好特別呢～

與香港的淵源

雖然喺香港隨處可見，但原來赤腹松鼠並唔係「本地鼠」！60年代開始，佢哋俾商人由東南亞地區輸入作寵物售賣，有啲被放生，有啲喺運輸過程中逃脫，從此喺香港市區落地生根，而家先可以成為香港唯一嘅松鼠家族。雖然赤腹松鼠並唔係香港原生動物，但亦受到《野生動物保護條例》（香港法例第170章）所保護。

本地松鼠、外來松鼠大不同？

喺2018年，本港曾出現一隻「充公松鼠」，因為佢為一名香港公眾人士非法管有嘅動物而被當局充公。佢係一隻雄性赤腹松鼠，但並唔屬於本地野生族群，所以唔可以喺香港郊外野放。最後新加坡動物園成為咗佢嘅歸宿。

其實亞洲各地都有佢哋嘅蹤影，但唔同地域嘅松鼠都有唔同嘅基因。如果市民隨意野放外來物種，就可能會為本土野生動物造成負面嘅生態影響。例如將疾病傳播俾本地野生動物、同本地物種競爭食物同生存空間、造成基因污染等。所以，市民唔應該輕易放生任何寵物，尤其係非本地物種。而且市民唔應該因為覺得佢哋可愛而購買任何野生動物，市場嘅需求只會對佢哋造成威脅。等我們做個有公德心嘅好公民，齊心協力保護本地野生動物啦！

豹貓 

最唔衛生嘅貓？

平時我哋見到家養嘅貓喺排泄之後都會埋砂，而豹貓係喺排泄之後就會瀟灑咁走人，佢哋唔係唔注重衛生，而係會用佢哋嘅排泄物嚟標示活動領域。但係呢種習性亦都令研究者更加方便咁去確認豹貓嘅領地同健康狀況。

豹貓vs老鼠邊個會贏？ 

豹貓係老鼠嘅其中一個天敵，如果豹貓消失咗嘅話老鼠嘅數量可能會大增，衍生更多傳染病，而人類喺利用老鼠藥滅鼠嘅過程當中，亦都會令環境受到污染。 豹貓亦有助於調節生態系統的結構和功能，促進多樣性，並確保生態系統的穩定性。原來豹貓唔止得意，仲對保持生態平衡咁重要！

保護豹貓的多面策略

在環境方面，香港政府和非政府組織（如香港野生動物基金會）推出了針對豹貓的保護計劃，這些計劃包括棲息地保護和生態監測。透過這些行動，提升了生態系統的健康，並保護了多樣的生物。在社會方面，學校和社區中心舉辦以豹貓為主題的教育活動，提升學生和公眾對環境保護的認識。這些活動，例如講座，不僅讓人們了解豹貓的生態角色，也促進了對自然保護的重視。最後在治理方面，香港的野生動物保護政策受到豹貓數量和棲息地狀況的影響。相關數據和研究結果促使政府制定更嚴格的環境保護法規，以保護豹貓及其棲息環境，促進可持續發展。同時，在豹貓保護的背景下，環保組織、學術界和政府部門之間建立了合作關係，共同開展研究和保護工作，這種跨部門合作模式有助於提高治理效率和透明度。

小白鷺

原來小白鷺有強迫症？

佢哋喺成群飛行嘅時候，隊形會自然構成'V'字形飛行。即使隊營巢嘅樹種冇特別要求，但對樹嘅高度同大小有好高嘅要求。例如：佢哋只鍾意喺9到13公尺嘅高度、直徑10公分以上嘅樹上營巢。 小白鷺係群居鳥類，主要居住係沿海石灘，泥灘沼澤，紅樹林同淡水池等地。

小白鷺相當於環境指標

小白鷺對水質同環境變化敏感。佢哋以水生食物為食，水質嘅變化會直接影響到佢哋嘅生存同繁殖。當環境改變時，築巢和覓食嘅環境無法達到小白鷺嘅生存要求，佢哋會受到影響，無法繼續喺呢度生活，最終會搬走。我們可以由此發現環境出現咗問題，呢樣使佢哋成為環境指標。 

小白鷺活動範圍狹小 保護魚塘濕地極為重要

香港觀鳥會首次用「定位追蹤裝置」研究鷺鳥嘅移動習性，四隻喺新界西北魚塘捕捉嘅小白鷺戴上追蹤器接近一年，終於首次確定其中兩隻有季節性遷徙習性嘅小白鷺以安徽省合肥市為繁殖地，另外兩隻小白鷺則全年留港，夏天時仲會喺后海灣嘅天然泥灘同魚塘棲息同覓食。到冬季，四隻小白鷺都會返到新界西北魚塘棲息，證實保護后海灣嘅魚塘生境對小白鷺同其他水鳥嘅生存至為重要。研究亦解答咗市民多年來嘅疑問，點解鷺鳥喺冬季會明顯增多，原來部分小白鷺會作季節性遷徙。

兩隻小白鷺分別喺繁殖地停留29天同122天。PIC05喺合肥市逗留唔足一個月，推斷可能繁殖失敗，之後再轉移到其他濕地覓食棲息。停留達四個月嘅PIC09，估計成功搵到配偶，並經歷築巢、孵蛋同育雛等繁重工作。之後再返到香港嘅后海灣度冬，喺魚塘濕地一帶生活近240天。

另一隻名PIC07嘅小白鷺，自2018年初至2019年底都冇離開香港，活動範圍完全圍繞后海灣一帶嘅泥灘同魚塘，範圍由南生圍、米埔自然護理區到深圳灣紅樹林。除咗顯示部分小白鷺係全年留港棲息嘅留鳥，仲反映出后海灣一帶嘅濕地擁有豐富資源同食物，係鷺鳥棲息、覓食、晚棲同繁殖嘅重要生境，足以吸引佢哋喺香港安居樂業，不願離開。

鷺鳥位於食物鏈上層，大部分鷺鳥捕魚為食，主要棲息喺濕地，係濕地生態嘅重要指標，亦意味住呢度有一塊能夠支撐佢哋群落同物種豐富嘅濕地。