怕羞草會放屁？

你知唔知點解怕羞草咁怕羞呢？原來係因為佢會放屁？怕羞草平時會釋放一啲化學物質，而呢啲化學物質係臭嘅～ 當我地掂佢嗰陣，佢嘅化學濃度就會提高，令到我地都聞到！ 呢啲化學物質嘅味道就好似人放屁咁！ 所以唔怪之得怕羞草會怕羞啦！

原來一棵怕羞草可以幫助十朵花嘅生長！

怕羞草係一種豆科植物，可以固定氮，改善貧瘠土壤，促進其他植物嘅生長，例如喺一啲農田，農民會種植怕羞草作為綠肥，提升其他植物嘅產量。而喺斜坡地區，怕羞草嘅根系可以固定土壤，防止水土流失。喺某些山區，居民都會喺農田邊緣種植怕羞草，以減少雨季嘅侵蝕，保護土壤同水源。怕羞草亦係一種入侵植物，喺某啲地區會影響當地嘅生態系統。佢嘅迅速繁殖能力更可能會抑制本地植物嘅生長。此外，怕羞草會為一啲昆蟲同小動物提供棲息地，所以怕羞草嘅缺失可能會影響依賴佢嘅動物同昆蟲，進一步影響成個生態系統嘅平衡。

怕羞草嘅生長狀況可以反映出當地嘅環境健康 

當環境出現衰退，就代表土壤或生態環境出現左問題，因為怕羞草喺生態入面擔當住一個重要嘅角色，例如防止土壤侵蝕。 含羞草係一種能預兆天氣晴雨變化嘅奇妙植物。如果用手觸摸一下，佢啲葉好快就收埋，張開嗰陣好慢，就表示天氣會轉晴；如果觸摸怕羞草時，啲葉收縮得慢，下垂遲緩，甚至一閉合又重新張開，則代表天氣將會由晴轉陰或者就嚟落雨。所以怕羞草葉開合速度嘅快慢，間接咁反映左空氣中濕度嘅大小，可以作為天氣預報嘅參考。再者，喺社會方面，含羞草因為佢嘅特性成為左環境教育嘅對象，特別係對學生嚟講，佢嘅存在促進左對自然嘅認識同環保意識嘅提升，鼓勵佢地參與環保活動。怕羞草中含有大量對人體有益嘅活性物質，包括黃酮類、酚類、生物活性多糖、胺基酸類、有機酸類等其他微量元素。因此，含羞草可用於感冒、小兒高熱、急性結膜炎、支氣管炎、胃炎、腸炎、泌尿系結石、瘧疾、神經衰弱；外用可治：跌打腫痛，瘡瘍腫毒、咯血、帶狀皰疹等疾病。最後，喺學校和社會中，利用怕羞草進行教育，可以提升民眾對生態同環保問題嘅認識。佢嘅敏感性同快速反應亦能成為環境教育嘅理想對象，幫助人們理解植物嘅行為同生態系統嘅相互依賴。

參考

https://www.producegreen.org.hk/hkwildflower/100flower/flower_28.htm

pansci.asia/archives/129344 

https://accpark.org/plant.php?id=215

https://zh.wikipedia.org/zh-hk/%E5%90%AB%E7%BE%9E%E8%8D%89