SOVIRA

 關於我們

由細到大，「生物多樣性」一直都係一個耳熟能詳嘅phrase，唔知你對呢個詞語又有幾深入嘅了解呢？近年來，越嚟越多人關注到呢個話題，但同時仍然有好多人始終覺得我哋嘅日常生活好似同呢樣嘢毫無關係咁，但事實上又係咪真係咁呢？

我哋嘅公司名「Sovira」由sovereign, vigor同aura三個詞語組成，意指對旅程嘅掌控、旅程嘅能量同埋旅程嘅體驗。「Sovira」希望可以提供一個途徑俾各個年齡層嘅人去了解生物多樣性嘅重要性，以旅程嘅模式，由淺入深，喺旅途中獲取靈感，引起大家對保護生態環境嘅共鳴，共創可持續未來。

喺旅程當中，每一步都充滿着未知，勇敢嘅探險者將心懷期待，奔向憧憬嘅未來，生命嘅篇章亦悄然翻篇。腳下嘅路延綿不絕，難免會遇到啲分岔路口，迫使我哋停下腳步，作出抉擇。

「Sovira」將會帶領大家開展旅程，化身指路明燈，深入探究生物多樣性，解開大家嘅謬誤，將生態平衡呢樣嘢以一種嶄新嘅方式帶入大家嘅視線，共同為人類嘅未來盡一分力。