كن داعمآ لنفسك ولا تنتظر دعمآ من أحد:

منقدرش ننكر أبدا إن كلمات التشجيع من اى حد حوالينا الاب، الام ،الاخوات، المدرس الاصدقاء

بتخلينا فعلا عاوزين نقوم نقطع الكتاب من كتر المذاكره ونبني الأمجاد ، وده شئ لطيف جدا ،،بس تعالى نفكر كده سوا : يعنى لو مفيش حد بيشجعك ده معناه انك متذاكرش!!!!!!! إنك تهمل مستقبلك لمجرد انك منتظر دعم من إلى حواليك!!!!! ، هدفك ده المفروض أكبر داعم ليك ،،لو هدفك بيخليك تلعب وتهمل وتقول بكره نذاكر وخلاص لسه بدرى، وتشجيع حد ليك بيخليك متنامش الليل عشان تثبتله إنك قدها ،، يبقى انت فاهم غلط جدا

١- اكبر داعم ليا هو إنى بتقن عملى اللى ربنا كلفنى بيه وبسببه ربنا يرضى عنى

٢- بذاكر عشان انا عاوز الهدف ده وبتعب عشان انا عاوز اكون أفضل وأنجح وأحقق اللى بحلم بيه من زمان فالداعم ليا هو أنا وهدفى اللى أنا هحققه مش حد تانى

٣-الآخر ده بقا متحطوش فى حساباتك إلى ممكن تأثر على نفسيتك خالص ولا على مستقبلك ،، أنا مش بذاكر عشان أثبتلهم أنى جامد ،،،، لا!! أنا بذاكر عشان أكبر وأنجح قدام نفسي وعشان ده مستقبلي وهدفى أنا

فالمقصود

لو انت مش عندك حد بيحفزك ده مش معناه انه تبرير أهمالك!! لأنك مش بتذاكرلهم ومش بتنجحلهم!!!! انت بتنجح ليك انت

ولو فى ناس حواليك بتحبط متسمعهمش ولا تركز معاهم ولا تفكر ف اى كلمه من النوع ده وخليك واعى زياده

ولو الحمدلله فى ناس ف حياتنا بتشجعنا يبقي نذاكر بقا عشان احنا عاوزين نحقق هدفنا للي بنتمناه ونفرح إلى شجعونا ونكنلهم كل الحب .

عيش لنفسك ومتتاثرش باي كلام سلبى ❤

انت بطل من جواك❤