س:حاسه اني عزمتي بتقل وكلمه هدف دي مبقتش تأثر فيا ومش عارفه أعمل ايه 💔💔💔💔حاسه اني هضيغ وانا لسه ف اول الطريق ساعدوني بليز
ج:انتى مش ف أول الطريق انتى فى اجمل طريق إلى نهايته تحقيق حلم يا اما حلمتى بيه
اعرفى ان دى اخر سنه فعليا هتكونى مضغوطه نفسيا، ، وآخر سنه هتكونى بتذاكرى وانتي فاهمه كل كلمه ، طاقتك عباره عن بطاريه محتاجه تتشحن كل فتره عشان انتى انسان مش روبوت
حافظى ع ورد القرآن والاذكار والقيام وصلواتك ف وقتها
ذاكرى الجديد اول بأول وكل درس جديد راجعى معاه قديم متراكم
اشربى مايه كتير وابتسمى كتير
احمدى الله واستغفريه دايما
اخرجى بدماغك برا السنه دى وتعبها وضغطها وقولى لنفسك انا بجد عاوزه ايه عاوزه افرح ولا يوم النتيجه يعدى عادي
لو مش عاوزاه عادى فعلا يبقى قولى لنفسك دول شوية ورق ومعلومات هفهمها وهحفظها وبسببها بعد توفيق الله هحقق حلمى ايه الصعب ف كدا؟
الشيطان بيدخلكم من المدخل ده طول السنه ويحسسك بالاحباط = النجاح معناه انك بتتعبى وبتاخدى اجر من ربنا والشيطان مش عاوزك تاخدى اجر ولا ربنا يحبك فطبيعي يحبطك
كلمة هدف لسه بتأثر فيكي والله بس انتى محتاجه تراجعى اولوياتك وتبدأى تشحنى نفسك تانى من جديد كلنا كنا كده
