س: عايزه اسهر منامش كتير اول ما بمسك الكتاب بلليل النوم بيجي بنام وبزهق من نفسي بعد ما اصحي اعمل أي علشان حكايه النوم دي مزهقاني ومخلياني معرفش اذاكر حاجه؟
ج: انا عارفه ان ساعات بيبقي عندنا طاقه تكسر الدنيا لدرجه ان فعلا عاوزين نفضل سهرانين ومنامش عشان نذاكر بس واقعيا مفيش حاجه اسمها كده ،
جسمك اديله وقت مناسب من الراحه والوقت الي انتي صاحيه فيه ده استغليه جدااااا ع الكتاب والمذاكره، ، حددى اهداف بسيطه مش كتير لما هتحققيها اخر اليوم هتفرحى بجد ،، انتي لو خلصتي الأهداف الصغيره هتنامي مرتاحه ونفسك تصحي تكملى 💗
ظبطي نومك .. اصحي مع الفجر ونامي ع ١٠ او ١١ 💙هتصحى الفجر تصلي وتقراى وردك واذكارك وهتحسى بالبركه فعلا بجد ،، ونفسيتك هترتاح جدا .
